علا نامت وفي عيونها لسا في باقي دموع قامت الصباح بدرري لبست وطلعت..مشت السوق جابت ليها لبسات للمغارز مع عفاف رجعت الضهر كدا لقت وجن ومها صاحيات ي دوب جابت معاها اكل وقالت ليهم قوموا
طبعا وجن ومها خلاص اتكشفوا على حقيقتهم قدام علا عشان كدا وجن اتفقت مع احمد انو يجيها في الشقه هه طبعا م استشارت زول لكن اثنا م هم جوا وقعدوا للأكل قالت توقع ليها الكلام..
قامت قالت ليها ياا علا طبعا انا واحمد في بينا نقاش كبير وهو اقترح علي انو نتلاقى ونتفاهم وطبعا م حنقدر نتفاهم في محل عام قدام الناس عشان كدا انا اقترحت عليهو يجيني هنا ونقعد نتفاهم علا طبعا فهمت الحاصل قامت قالت ليها ي زووولة ما بقت على احمد الرجال الدخلوا البيت دا كتااار لكن م يهمني انا بس من غرفتي دي م طالعه ومايهمني تاني شي
وقامت مشت تغسل يدينها لقت عفاف بتتكلم مع زول في التلفون وكانت بتقول ليهو ااي على موعدنها
قامت قاطعتها قالت ليها المهم م يكون موعدك دا هنا في البيت ﻷنو الليله نحنا خطنا مشغول...
عفاف م ردت ليها دخلت غرفتها وقفلت الباب
علا مشت غرفتها ونامت..
بعد ساعات معدودة صحت بي كركبة وجن وهي بتتجهز وتتمكيج كأنها عروس
طلعت برا لقت ابتسام ومها بتكلموا
ابتسام كانت بتقول لي مها اهممم شي يامها البت دي تكون عمر 18 او19 وتكون بت اهممم شي فهمتي يعني شنو بت؟ مها قالت ليها ي زولة م بتوصى انا..
علا كانت بتسمع في الكلام وهي بتغسل في وشها وهم م اشتغلوا بيها كتير
المهم
دخلت غرفتها ماسكه تلفونها ابتسام وعفاف لبسوا وطلعوا وبعدهم بشوية طلعت مها
هنا احمد خلاص كان جاي على وجن واتصل قال ليها قربت
علا قالت ليها خلاص اطلعي من غرفتي وماتقربي من غرفة حبوبة وانا ماعاوزة اطلع من هنا يلا
وقفلت الباب عليها
احمد جا ووجن استقبلتو وكدا بعد عدا ساعه كدا علا اتصل ليها باسل قال ليها عاوز اشوفك هسسا ضروري وانا واقف تحت تنزلي ولا اطلع ليك
قالت خلاص تلبس عبايتها وتطلع لكن م عاوزة تصادف احمد .
قالت تتطلع برااحه وبعداك تتصل لي وجن تكلمها وهي ماشه على باب الغرفه كدااا سمعت صووت احمد وكان بتكلم مع زول في التلفون وشكلو عندو اوراق عاوز يكملها علا سمعت احمد بقول لي الزول الاسم بالكامل احمد فلان فلان الفلاني..... واسم الوالدة فلانه فلان الفلان
علا بعد سمعت الاسم اتصدمت صدددددمه كبيرة ﻷنو كنيتها وكنية احمد واااااحده يعني احمد اخوووها بقت بس مصدومه وفي نفس الوقت ساكته
وهي جايطة في افكارها كدا جاها اتصال تااني من باسل
ردت اي جايه عليك...
احمد رجع لي وجن في الغرفه البهناك
علا عاينت بالباب براااحه وطلعت سرررعه
واتصلت لي وجن قالت ليها انا طلعت اقفلي الباب
طلعت لقت باسل منتظرها بي عربيتو جنب الباب قال ليها اركبي..
علا ركبت وسلمت
باسل دور العربيه وبسررعه خياليه وصل ليهو مكان كدا
قال ليها انزلي
علا كانت خااايفه وعااارفه انو باسل في راسو في حاجه غلط
بعد نزلوا باسل قال ليها وعيونو ملانه غضب ارح معاي فوق عندي شقه..
قالت ليهو م ماشه قال ليها ليييه جديد علييك؟؟
علا قالت ليهو ياااباااسل اختصر الكلام ووريني عاوز شنو قال ليها عاوز انتقم منك حقي
قالت ليهو انت م عندك حق معاي قال ليهو انتي اصلا عامله زي السبيل واي زول عندو حق فيك
قالت ليهو باسل لو سمحت احترم نفسك قام مسكها من زراعيها بقوة وقال ليها بسسس عااووز اعررف انتي عملتي فيني كدااا لشنووو
علا بقت تبكي واتفكت منو وجرت على الظلط وقفت ركشه
باسل كان جنب حيطه كدا بقا يضرب في يدو بالحيطه صادفو مسامر واتجرح جرحه شديدة
وطلع ركب عربيتو وهو غضبااان ومشا على المستشفى
عشان يعقموا ليه الجرح
صادف محمد الدكتور اااي ياااهو زاااتووو السمع كلام مها ووجن في التلفون ياهو الدكتور الاتعالجت عندو علا لمن اتصدمت ووقعت
محمد سلم على باسل سلام معرفه ....
وطلعوا اصحاب وقروا في نفس الجامعه بس كليات مختلفه وهم فرد شديد
ضمد ليهو الجرح ومشوا مكتب محمد وبقوا يتونسوا
محمد سأل باسل من اخبارو وجديدو
وقال ليهو دا شنو ي زول الجرحك باسل فكر يحكي ليهو...
يتبع.....
