وجن فتحت لي باسل الباب وبييي كل صدمه قالت ليهو بااسل؟؟؟
قال ليها علا في؟ قالت ليهو علا؟؟ علا مافي
لكن باسل م صدقها وكان باين عليها الكذب دخل طوووالي وشاف جزمة علا وعبايتها مجدوعات في الصاله قام فتح باب اقرب غرفه ليهو وكان بقول علا ي علا
علا كانت بتبكي اصلا م سمعتو
فتح باب الغرفه لقاها قاعدة وطاوية رجولها عليها وخاته
○
راسها على ايديها الضامه بيهم روحها \|\ والشعر دا سبيبي وطووويل واسود وفاكاه ونازل بي قدامها وكانت اصلﻻ لابسه بجامة قصيرة نوع التشيرت بتاعها بي رباط دا
باسل اول م دخل سرح اول شي في تفاصيلها وجمالها لي ثواني كدا من الزمن وخت يدو على كتفها وقال ليها علا.....
رفعت راسها والدموع في عيونها قال ليها علا انا ااسف ارجوووك سامحيني علا اتلفتت بي جاي وجاي م لقت شي تتغطى بيهو قامت قالت ليهو انت كيف تدخل علي كدا
باسل قعد في الارض وقال ليها عليييك الله ي علا سامحيني وانا ااسف وانا غلطان وكان لا زم اسألك اول وانا م وثقت فيك وماكنت راجل معاك وانا اتخليت عنك في اصعب لحظات حياتك وبعد اعتزار داام قريب الربع ساعه علا ابتسمت وبعدها طوالي عيونها اتملت دموع ولامتو وعاتبتو كتيييير وانت خذلتني وما اتوقعت كدا وهو كان قاعد في الارض وهي في السرير قام قال ليها ابووووس رجلك سامحيني ومسك رجلها عاوز يبوسها بس علا م خلتو وقامت من السرير وقفت على حيلها وقالت ليهو لا اي انت خذلتني لكن انا برضو بحبك♡♡♡
باسل قام حضنها وباس ليها راسها وتاني رجع حضنها مساافه وهي بتبكي
مسح دموعها وقال ليها مستحيييل اخليك تقعدي هنا انتي ح ترجعي معاي وتقعدي في البيت مع ناس امي لكن علا رفضت
وطلعت برا لقت توب لبستو وجات قفلت الباب وقعدت وحكت ليهو بالتفصيل اي شي حصل معاها لحددد م اكتشفت انو احمد دا اخوها وقالت ليهو انا بس عاوزة انتقم منها
قام باسل قال ليها والله اسأليني انا من عينتهم دي والله كان بقيتي زيهم عديييل مابفرق معاهم ومابتوبوا ولا بحسوا اصلا قالت ليهو لالا انا عارفاها اكتر منك وممكن هسا لو جات لقتك هنا تتشلا عدييل
باسل فكر معاها وبعد تفكير طووووويل وصل معاها على انو .................... وباسل ودعها وسلم عليها وطلع لقى وجن برا عيونها عشرة وعاوزة تفهم الحاصل كان عاوز يسمعها كلام لكن علا طلعت مقدماهو واحتراما ليها بس سكت
نجي نشوف مها عملت شنو في موضوع البت
مها بتعرف وحدة بمواصفات نفسسس المواصفات المطلوبة لكن المشكله انو البت شريفه وروحها عزيزة عليها
