علا سمعت كلام ناس امها وجات ماشه على الغرفه عفاف وقفتها قالت ليها انا كنت بتصل ليك ليه م رديتي
علا عاينت ليها كدا ومشت عفاف قالت ليها وشنو جاياني الساعه 2 وحاجه كنتي وين علا قالت ليها م حاجه تخصك
وطوواالي دخلت غرفتها لقت مها بتتكلم في التلفون ووجن مشت تغسل وشها ..
طلعت هدومها لبست ملابس بيت وطلعت تلفونها تشوف الجديد شنو
لقت رساله في الواتس من باسل قبل م تفتحها وجن جات داخله علا ختت التلفون وقالت لي وجن
انتي يااااوجن بتعرفي ابتسام من وين وجن قالت ليها حبيبي القديم كان صاحب واحد اسمو مودي ومودي دا حبيبها واتلاقينا سوا واتعرفنا قالت ليها ايوااا
عشان انا سمعتها بتقول لي عفاف وجن دي وحده لافه وش....ة قالت ليها وبصووت عاالي عقاب عمايلها وانا كان لافه هي ستووو وهي اكبر ش....ة في البلد دي ومافي زول م نام معاها
قامت علا قالت ليها عاايني عشان م تكوركي ساي
هي اصلا م حتسمعك ولو سمعتك م حتجي تعمل معاك مشاكل عشان عفاف م بتخليها وعموما ياااستي انا عرفتك انتي ومها بتعملوا في شنو ودااا مااابفرق معااي بالعكس بنجحني اكتر في انتقامي
مها قامت دايرة تنكر وتجوط لكن وجن وقفتها قالت ليها ﻷ.. يامها خلاااص خلينا نلعب ع المكشوف وهي اصلا م بتهمنا وجهة نظرها فينا شنو وما بفرق كتير..وقعدت وخلفت رجلها وقالت ليها يلا ي شاطرة وريني راسك فيهو شنو
علا قعدت في سريرها وقالت ليها نتفاهم بكرة هسا انا نعسانه بعد تتمسحي اطفي النور
واتغطت بي بطانيتها وقبلت على الحيطه زعلااااانه على صحباتها وتتذكر في واقعها وبتعيد في الاحداث الحصلت ليها اتذكرت رسالة باسل
شالت التلفون ولقتو كاتب ليها اعتقدت انك مختلفه وفعلاا لقيتك مختلفه..ﻷنك بتعرفي تلعبي بعواطف الناس براافووو ومرسل ليها اغنية تامر حسني بتاعة بين يوم وليله
قرت الرساله وسمعت الاغنيه وبكت بكت بكت وشالت نفسا وختتو وكتبت ليهو بسسس لو سمحت عاوزة اعرف انت جيت بيتنا لشنو؟
قال ليها تتذكري لمن كنت بقول ليك عندي ذنوب كتيرة واخطاء عاوز اكفر عنها وحكيت ليك اني من عرفتك اتغيرت وقررت امسح الماضي وراي؟
قالت ليهو اي
قال ليها بسس انا قاصد ابتسام وانا من عرفتك انقطعت منها وحكى ليها لحد م جاء في بيتهم وقال ليها انا م عارف هسا ببرر ليك لشنو ولا عارف بتكلم معاك لشنو
لكن انتي كسرتيني وجرحتيني ولو كنتي من البدايه فهمتيني انك كدا م كنت حبيتك لكن كنت دفعت ليك السعر البعجبك ﻷنك كنتي عاجباني
طبعا علا م كانت قايله انو باسل فهما بالطريقه دي.. وبس بقت تبكي وتلوم في نفسها لكن م بررت ليهو ﻷنها قالت هو لو بحبني كان سألني وحاول يفهم
سكتت على كدا ونامت ..
يتبع....
