Rewind

Present 2: Life-taker

Present 2: Life-taker

------------♡------------

"Bakit naisipan niyong pumunta sa liblib na bar na 'to?" agad na tanong ko kina Pao nang makarating ako dito sa isang bar, "Akala ko ba bilyar lang malapit sa school? Buti na lang alam ko 'to."

"Eto kasing si Dom," turo ni Bry.

"Para maiba lang. Tsaka konti kilala, o wala talaga." pagdadahilan ni Dom.

Napatango kaming lahat. Umorder na rin kami ng maiinom nang mapatingin ako sa paligid---magulo, maingay, punong-puno ng mga taong puro pagchichill lang ang ginagawa dito pero kung tititigan mo silang mabuti, mahahalatang may kanya-kanyang mga problema.

"Sya nga pala," napatingin kami kay Pao nang magsalita siya, "Himala at pinayagan ka ni Phia pumunta dito kahit may quiz sa tuesday."

I shrugged.

"Hindi ka pinayagan?" sabay-sabay na tanong nila.

"Alam niyo naman, tinatanong niyo pa."

Napainom na lang ako ng alak sa hawak kong baso. Mabigat yung loob kong pumunta dito pero tingin ko kelangan ko din ng ganito paminsan-minsan--oras sa sarili at sa kaibigan. Hindi naman sa lahat ng oras ay kelangan kong sumunod sa kanya diba?

"So 'di alam ng girlfriend mo nasaan ka ngayon?" 

Napailing ako dahil hindi ko napaalam kay Bless kung nasaan man ako ngayon. Hindi ko alam pero nakukunsenysa ako kahit papaano.

"Hah!" napangisi si Pao, "Ako din naman hindi pinayagan ng girlfriend ko pero pinaalam ko pa din kung nasaan ako. Ang kulit eh."

"But we're proud of you, bro." pang-aasar pa nila.

Hindi ko na lang din pinansin ang sinabi niya at uminom na lang. Naririnig-rinig ko na lang silang nagkukwentuhan at nagtatawanan nang biglang magvibrate yung phone ko sa bulsa ko.

Kukunin ko na sana nang may humawak sa balikat ko. Napalingon ako at nabigla.

"Sabi na it's you, Theo! Oh my gosh!"

Bago pa man ako makapagsalita, agad niya akong niyakap. Hindi ko din alam kung ano pang sasabihin. Hindi ko inakalang sa ganitong lugar kami ulit magkikita ni Ashley.

"Oopss, haha." at humiwalay siya sa pagkakayakap, "Sorry, naexcite lang ako. Tagal nating di nagkita."

Napangiti na lang din ako, "Ayos lang, Ash."

"Ehem," napalingon kami sa mga kaibigan ko. muntik ko nang makalimutang kasama ko sila.

"Oh my, Dominic and Paolo, kamusta?" lumapit din si Ash sa kanila at niyakap sila.

"Ayos naman," sagot ni Dom, "Tagal mong nawala chaka di nagparamdam. Ikaw ang kamusta?"

"Eto, ganon pa din naman." nakangiting sagot niya. Halatang masaya siyang nakita kami, "Kakabalik ko lang din from Singapore last week."

"Ahh," sabay-sabay na tango namin.

Napansin naming nakangiti lang si Bryan. Hindi pala niya kilala si Ash.

"Nga pala, Ash, si Bryan, blockmate namin this year." turo ni Pao kay Bry at saka niya inoffer yung kamay niya kay Ashley, "Bry, si Ashley, blockmate namin nung first year at ex---"

"Mga bro, samahan niyo ko dun, may titignan ako." biglang singit ni Dom at inakbayan ng sabay yung dalawa. Sabay-sabay kaming nagtaka.

"Huh?"

Bago pa man makahindi yung dalawa at bago pa ako makareact, namalayan ko na lang na iniwan na nila ako dito kasama ni Ash.

"So, how are you, Theo?"