My Possessive Fake Husband (Freezell #1) [Completed]

Three

AIYELL

KATATAPOS kong mag-shower ngayon dahil naghahanda na ako sa pagpasok sa trabaho. Ayaw ko nang intindihin ginawa ni Claw sa akin kagabi. Ayokong isipin ang possessiveness na ipinapakita niya. Ayokong bumagabag iyon sa isip ko.

Saktong pababa na ako ng hagdanan ay siya namang paglabas niya sa pintuan ng kwarto niya. Hindi ko siya pinansin at nagtuloy sa kusina. Nakita kong may nakahandang almusal sa mesa.

Kanina pa kaya siya gising? Naupo na ako at sinimulang lantakan ang nakahain sa mesa. Naramdaman kong naupo siya sa tapat ko. Hindi ko kasi siya tinignan. Iba pa rin ang inis na nararamdaman ko sa ginawa niya kagabi.

"Aiyell," basag niya sa katahimikan.

"Cut the crap. Hindi ko gustong kausapin ka," pambabara ko saka ako mabilis na tumayo at akmang lalabas na ng kusina nang maramdaman ko ang kamay niya sa pulso ko. "What now?" iritable kong tanong.

"Stop flirting," matigas at puno na awtoridad niyang wika.

"Then stop being so bossy! You're too possessive kahit wala ka namang karapatan!" singhal ko sa kaniya.

"I have. I'm your husband," aniya saka niya ako tinapunan ng napakalamig na tingin.

"Hindi kita asawa! Letse!" sigaw ko saka ko sana siya tatalikuran ngunit bigla na lamang niya akong hinatak pabalik kaya't napasubsob ako sa dibdib niya.

"Sinong letse, Aiyell?" tanong niya sa may baritonong boses na may kasamang pang-aasar.

"I–I didn't say anything!" utal na sagot ko. Parang gusto kong bigla na lang pagalitan ang dila ko.

"Really?" saka niya inilapit ang mukha niya sa akin. Pakiramdam ko ay aatakihin na ako sa puso dahil sa lakas ng kalabog ng dibdib ko!

Sinubukan ko siyang itulak ngunit mas hinapit niya pa ako palapit sa kaniya. Sa palagay ko ay mga kalahating pulgada na lamang ang pagitan naming dalawa.

"C–Claw bitiwan mo 'ko," utal na wika ko at halos hindi ako humihinga habang nagsasalita.

"Paano kung ayoko? Mas okay ang ganito kaysa lage mo akong wino-walkout-an," aniya ay malinaw pa sa sikat ng araw na may pang-aakit ang tono niya ng pagsasalita!

Sobrang lapit niya talaga sa akin. Hindi ko na nga alam kung maayos pa ang paraan ng paghinga ko. Pakiramdam ko ay inaagawan niya na 'ko ng hangin. His grayish eyes, long and thick eyelashes, perfectly shaped nose and his very kissable lips that can really make a woman go crazy about him.

Nagulat ako nang unti-unti niyang inilalapit ang mga labi niya sa mga labi ko.

I don't know what's with me, naramdaman ko na lamang na unti-unti ko nang ipinipikit ang mga mata ko. I'm waiting for his lips to touch mine... until I felt a soft thing on my forehead.

"Don't expect too much, wife. Just do what I said a while ago. Don't flirt," then he let me go and left me dumbfounded.

Nasapo ko na lamang bigla ang dibdib ko na kakaiba ang lakas at bilis ng tibok nang marinig ko ang pagsara ng pintuan na nilabasan niya

NATAPOS ko na agad ang lahat ng mga ipinagagawa sa akin ng kamahalan at napagpasyahan ko na rin ang umuwi. Hindi maganda ang timpla ng mood ko ngayon at parang ayaw ko rin naman siyang makita. Hindi rin siya lumalabas ng opisina niya mula kanina. Mukhang marami talaga siyang pinagkaka-abalahan, at ayaw ko nang alamin kung ano man iyon.

Palabas na sana ako ngayon sa pinto ng building nang marinig ko ang habol na sigaw ni Hira.

"AIYIE!"