من متى و الغصـن يختـار الطيـور..!!

28

*سمعت صوت تصفيرة اعجاب حلوه من اتجاه الباب وألتفتت بنص عين للشخص الحقير بنظرها ورجعت تكمل اناقتها برشه من عطرها/من الادب انك تحنحن قبل لا تدخل مو تفجع الناس بدخولك فجأه
جابر وهو يقرب منها ويدقق في عيونها بكحلها الفرنسي "صحيح عيونها مش كبيره ولكن هنادي عندها كاريزما وتعرف تبرز جمالها و تسحره"/ايش هالشياكه فدديت هالطول أنا.
هنادي بمشيتها اللي مثل مشيت عارضات الازياء اتجهت للكبت اللي تحط فيه شوزاتها كان عندها ثلاث اطقم ،واخذت الشوز الازرق وجلست على طرف السرير علشان تلبسه،كانت تتجاهل وجود جابر ...
جابر قرر يكلمها واتجه لها ع السرير وجلس جنبها وحاول يلمس يدها/هنادي..
هنادي ابعدت عنه/لا تلمسني... انا قرفانه منك وماني متحمله انفاسك معايه بالغرفه.. بليز إلزم حدودك
جابر يتصنع البراءه/هنادي لا تصيرين لئيمه معي
هنادي وسعت عيونها مستنكره/اللحين صرت لئيمه هاااه!! يا بجاااحتك! ...زواجي منك كان غصب عني ومع ذلك سلمتك نفسي بطواعيه ورضيت بقدري معك وكنت زوجتك .. لكنك حقير ما يملي عينك غير التراب.. روح لشغالتك هالسافله تراها من مستواك..
جابر بفقدان أمل وضعف/بس انا احبك
هنادي تقهرها هالكلمه منك/حبك برص...انت ماتعرف الحب ، الحب بنظرك وشو؟!!.. اجتياح استغلال ..تملك لا غير... ترى الحب مو بهالشكل..مو كل من حبيته لازم يحبك..او لازم تحصل عليه فااهم؟
جابر/مو بكيفك.. انتي،زوجتي فااهمه ماراح تمنعيني منك
هنادي بنظرة تحدي وثقه خزته بعيونها الحاده ووقفت قدامه مباشره وماتفصل بينهم غير سنتميترات بسييطه وكانت تتحداه بنبرتها/تبيني؟..تحبني؟ او يعجبك شكلي ولبسي؟..اذا الزواج بنظرك هو فقط علاقه جسديه قدامك جثتي ضمها جسد بليا قلب و روح.. سو اللي تبي فيها واشبع غريزتك الحيوانيه واطلع براا
جابر ماقدر حتى يحط عينه بعينها صد عنها وهو عااجز انه يسوي شيء ما يدري وش يصيبه اذا ناظرتها بنظرات الاتهام والحقد.. غير ان اسلوبها معه واختيار عباراتها يخوفه،ويعجزه عن الرد.."!
هنادي بإلحاح قربت منه/يللا وش تنتظر؟!! انا قداامك، انا ملك يدينك اللحين...
جابر حاول يمد يده لها وما قدر.. وكأنه عمره ماتعامل مع بنات!!
هنادي بابتسامه ساخره/انت عاااجز ..عاجز انك تردع نفسك عن الحرام.. لذلك يصعب عليك الحلال.. رغم انه هو عشقك ومطلبك!!
جابر فتح عيونه ع الاخر.. وبلع ريقه وعرقه يصب.. فعلاً هي صادقه.. هو قدامها عاجز!!.. خاف تكون خدرته او شي من هالقبيل... ماعرف كيف يرد.. وطلع بسرعه من الغرفه وهو يحس انه مخنوق.وتافه.. وبدون قيمه!!
هنادي تنفست الصعداء بعدما شافته يطلع، والغريب انها ما بكت.. بالعكس حاسه براحه عجيبه.. سمعت صوت تلفونها يرن وراحت ترد بابتسامه لأن هذا ابو زوجها الرجل الطيب/ايوه يا عمو...انا دحين نازله.. كلها دقيقتين وبكون عندك بالسياره..
،
،
،
،
،
،
،
كندااا*
‏يا رب هـ المرّه .. هـي آخر مرّه ،
ولا هو بـ شايفني ولا لامحني

ادري حلفت ان شارعه ما امرّه ،
لكن انا مشتاق له .. سامحني"
،
مشعل وعمر طالعين من فندقهم للمطار.. خلاص الديار طلبت اهلها.. كان كل واحد منهم يهيم في افكاره وفي الاحداث اللي صارت له.. كل واحد في قلبه اللي مكفيه..
عُمر لاحظ ان السايق غيّر وجهته وألتفت على مشعل/مشعل وش السالفه.. السايق مو كأنه غير وجهت المطار؟!
مشعل بهدوءه/تركد انا قايله يوديني مكان محدد
عُمر/وين ؟
مشعل/بيت عمي ماجد
عمر عقد حواجبه/انت رحت لهم قبل؟
مشعل/سبق وقلت لك اني وديتهم للبيت وقت ما انكسر احمد
عمر تذكر/ايهه صح.. بس وش وداك لهم اللحين
مشعل/معي اغراض بوديها للوجين قبل امشي
عمر استغرب اكثر/مششعل وش صاير؟..انت مو وعدتني انك ما عاد تلاحقها
مشعل بعصبيه/وانا ما اخلفت وعدي.. يا عمر هي اللي لاحقتني وتجاهلتها علشانك واستمرت تلاحقني..لين قدرت توقفني وتتكلم معي..
عمر استغرب/وبعدين وش صار..
مشعل وعينه تلد للشباك ولزخات المطر اللي تنزل على زجاج السياره/طلبت مني اعيد تحاليلي هنا.. وألّحت ع هالشي وسمعت كلامها و تأكدت بنفسي انها حامل بولدي أنا.. وبعدها اخذت حكم قضائي وتعهدت لها شخصياً بأني ما اتعرض لها ولا لولدي... <<<قالها بتنهيده..
عمر ابتسم فرحان له/يعني نقدر نقولك اللحين ابو نايف
مشعل بضيق/قلت لك الولد لهااا، انا مالي فيه شي.. وما استحقه اصلاً..
عمر/اجل دام خطوط الرجعه بينكم صارت مقفله ،وانت اكتشفت ان تحاليلك السابقه كانت خطأ طبي،لازم تزوج يبن الحلال وخلف لك عيال..
مشعل التفت عليه وهو عاقد حواجبه والشرار يطير من عيونه/انا من بعد لوجين مابي وحده ثانيه ابد
عمر بيحرق اعصابه/وان تزوجت لوجين بواحد غيرك.
مشعل بثقه/ما راح تتزوج من بعدي
عمر/لا تتأمل كثير يا رجل..
مشعل سكت.. وخالجه خووف من كلام عمر..
،
،
،
،
،
،