في مكتبه في المؤسسه اللي سواها من الصفر بعدما كانت مجموعة محلات ماتتعدى الثلاث.. ،
جالس مشعل ويتابع اسهمه ،بالاموال اللي خصصها للتداول في البورصه من خلال الكمبيوتر..
كان منسجم ومركّز في عمليات البيع والشراء،رفع السماعه للسكرتير/حمزه وين اوراق استثمارات البورصه
حمزه بالتلفون/شكلك نسيت ..حضرتك بتخلي الاوراق دي عندك في الخزنه..
مشعل تذكرها/ايوه صحيح... اوكي ارسل لي فنجان تركش كافي
حمزه/اوكي حضرتك..
سكر مشعل التلفون.. واتجه للخزنه ..فتحها واخذ الملفات وهو يدورها.. وحصل عليها بملف ازرق.. اخذه وسكر الخزنه.. كان ناسي بعد الاصابه والمستشفى ..
فتح الملف وتصفح الأوراق وتفاجأ بأسم لوجين على نصف الأسهم، وتذكر أنه أشترى لها اسهم أول ما تزوجها وكان مخبي عليها، ضاق صدره وهو يتذكرها، ويفكر يشتري الاسهم منها وينتهي من طاريها بقية حياته...
بهاللحظات دخل عمر مبسوووط بعدما طق الباب طقتين/السلام عليكم
مشعل قام يسلم عليه/وعليكم السلام..
عمر جلس وهو مبين انه مبسوووط/شخباارك بو نايف
مشعل جلس بضيق/انا بخير بس لا عاد تقول بو نايف ولا بو فيصل واللي يرحم والديك تكفى
عمر بابتسامه/أفاااا ليييش.. انتهت الدنيا يعني
مشعل/بالنسبه لي موضوع الزواج ألغيته من راسي خلاص
عمر بمزح/ولوجين وش اخبارها..؟
مشعل بضيييق/طلقها أبوي وانا نايم بالمستشفى بالتوكيل اللي كان معه
عمر عدل جلسته وتكلم بجديّه/وش تقول انت؟!! هالكلام صدق؟يعني لوجين ماهربت بكيفها
مشعل/اي والله صدق.. وانا توني ادري
عمر انقهر مثله/وانت وش ناوي تسوي
مشعل بيأس/وش بسوي يعني
عمر/بتسكت.. يعني ما راح تسوي شي
مشعل سكت ما قدر يقول لعمر ليش ابوه سوا سواته/...
عمر/انت كذا منت رفيقي اللي اعرفه... يعني درينا انك ماتبي تعصى ابوك بس مو على حساب حياة انسانه ثانيه مالها ذنب
مشعل/عمر بالله قفل ع الموضوع ترى صدري ضايق
عمر/وانت ضيقت صدري وانا كنت جاي ابشرك اني قررت اتزوج
مشعل ابتسم بذبول/مبروك
عمر/الله يبارك فيك..
مشعل/خلنا من موضوعي ..وقول لي متى الزواج..
عمر/حددته اختي بعد ثلاث اسابيع... كله ببركات اختي رحاب
مشعل تذكر السفر/طيب والسفر وكنداا
عمر/يبي لك تأجلها اذا تبيني اروح معك
مشعل/اجل بكلم الكادي وبشوف اذا تسمح لي
عمر/الكادي ما راح ترفض دامها تدري اني بتزوج
مشعل خزه/اقول لا تطيح الميانه مع اختي
عمر/اقول اسكت ترى كنا نلعب سوا كلنا انا وانت وهي.. وزوجها بعد ههههههه
مشعل تذكر هذيك الايام وابتسم...
عمر/كانت راعية الفزعات وياما انقذتنا من اهلنا هههههه
مشعل تنهد/يازينها من ذكريات، كبرنا و دارت بنا الدنيا..
عمر/اقوول بس لا تقلب علينا دراما... ترى وراي زواج ووراي ترتيبات.. يبي لنا نروح للرياض
مشعل بابتسامه/ابشر طال عمرك.ماطلبت شي.. اخيرا بنزوجك وبنفتك منك
عمر/هههههههههه
/
/
/
/
/
/
/
/
قصر ابو مشعل.. *
تحرك ملعقتها في كاسة الشاي وتتكلم مع بنتها بحماس، و ناويه على نيه/ساره
ساره وهي تشرب كاستها بهدوء/لبيه يمه
ام مشعل/تعرفين بنات إمام الجامع
ساره استغربت/قصدك بنات الشيخ راجح
ام مشعل/ايهه الشيخ راجح..
ساره/شفيهم يمه
ام مشعل/والله يا عندهم بنت اسمها مشاعل أرمله وصغيره وعندها ولد صغير.. بس وشو البنت تهبلل وش هالشعر الطويل ووش هالجسم السنع ووش هالوجه الزين..
ساره خافت/شقصدك يمه
كان ابو مشعل بيدخل وسمع بالبنت ومواصفاتها ومن بنته لان صوت ام مشعل كان عالي، تحنحن ودخل/السلام عليكم
الكل/وعليكم السلام..
ام مشعل/هلا بو مشعل
بومشعل وهو يتخيل شكل البنت/هلابك... صبي لي قهوه
ساره خافت من تفكير أمها وتمنت لو تقدر تدخل بموضوع مشعل ولوجين وتجمعهم ببعض،بنظرها لوجين مستحيل تكون بنت سيئه،اكيد في شي محد يدري عنه..
VOUS LISEZ
من متى و الغصـن يختـار الطيـور..!!
Roman d'amour#الكاتبه/شخصيه خياليه رشا ولأن قصص هالبشر لو بدأت ما تنتهي.. ولو انتهت ترجع تبدأ من جديد. و لأن هالحياه عباره عن مسرح كبير ..وكل واحد مننا له نصيب من العرض فأحيان يؤدي فيها دور البطوله وأحيان يكون مجرد متفرج سلبي صامت .. الحياه ليست مثاليه لأي أحدم...
