SHE KNOWS LOVE (Published under PHR)

Chapter Thirteen

Nilingon niya ang kapatid na nakatingin sa kanya. Nakapatong ang kamay nito sa executive table.

"Naligaw ka." May lamig pa rin nitong tanong. He sighed.

"Kuya..." Saad niya at muling nagbuntong-hininga. "Kasama ko si Margaux. Kain tayo."

Nag-iwas ng tingin si Geoff at tila napagod na sumandal sa upuan nito. Saka muling bumalik ang tingin sa kanya.

"Kuya, okay si Margaux. Medyo awkward nga lang no'ng nakita mo kami pero di'ba nasabi ko na. Girlfriend ko s'ya kaya gusto kong makilala mo s'ya." Himig nakikiusap na sabi ni Jaiden.

Nagtalo sila ng kuya niya noong araw na dumating ito at madatnan sila ni Margaux. Initially, Geoff thought of unwelcoming Margaux as a woman. Nag-isip kaagad ang kapatid niya na naglalaro lamang si Margaux sa relasyon nila. Na hindi siya seseryosohin ng dalaga. It was, maybe, because of how Margaux looked that day. Lagi naman. Madalas na iba ang dating ni Margaux sa maraming tao. Ngunit gusto niyang ibahin ang tingin ng kuya Geoff niya tungkol sa girlfriend niya.

"Seryoso ka ba sa kanya?" tanong ni Geoff.

Tumango siya. "Oo, Kuya."

Ang ilang araw at linggo niyang pagkabalisa na si Margaux ang nasa isip ang kinailangan niyang pagtantuin bago pa niya imbitahin ang dalaga noong kaarawan niya. Sinagot na niyang ang tanong niya sa kanyang sarili kung bakit hindi mawala sa isip niya ang dalaga at kung bakit ganoon na lang ang concern niya kay Margaux. Kung bakit galit na galit siya nang bastusin ito ni Kevin at kung bakit hindi mawala sa isip niya ang ginawa nitong paghalik sa kanya.

Marami mang kailangang ikonsidera tungkol sa nararamdaman niya para kay Margaux dahil nga hindi ito tulad ng tipikal na dalaga na tulad ng karamihan ang sa eskwelahan nila, wala naman siyang mahanap na tamang dahilan kung bakit hind dapat gustuhin si Margaux. He enjoys talking to her. Gumagaan ang pakiramdam niya at nawawala ang pagod niya kapag nasisilayan si Margaux. Gusto niyang marinig nang madalas ang boses nito. Kahit pa nagsususngit ito palagi sa kanya. At parati na ay iba ang tibok ng puso niya sa tuwing kasama ang dalaga.

Hindi iyon ang unang pagkakataong na-inlove si Jaiden. Marami na rin siyang nakarelasyon. He could say that his past relationship was though did not failed, but never a success. Natapos ang lahat ng iyon dahil nawala o sadyang wala ang tamang timpla ng pag-ibig. Hindi niya naramdaman. Na tanging kay Margaux niya naranasan. It was also the first time he introduced a girl to his brother. Not for the formality. Again, it was only Margaux.

Nakita niyang nagbuntong-hininga si Geoff saka tumayo. "Okay. But it is only for tonight."

Napangiti si Jaiden dahil sa sayang bigla niyang naramdaman. "Thanks, Kuya. I owe you one."

Umiling ito. "Wag mo 'kong pasalamatan. Ayoko lang maging bastos sa kahit na sinong babae. Alam kong naghihintay s'ya."

Hindi nawala ang ngiti niya dahil sa sinabi ni Geoff. "Thank you pa rin."

Pagkasabi niyon ay sabay na silang lumabas ng opisina upang puntahan ang naghihintay na si Margaux. At nang makalapit kay Margaux ay kaagad namang tumayo ang dalaga.

"You don't have to. Please sit." Anang kuya niya at ito pa ang nagpaupo muli kay Margaux. Tila napapantastikuhan namang tumingin ang dalaga sa kanya. Nginitian niya ito.

Tinawag naman ni Geoff ang isang waiter at mabilis na nagsabi ng kakainin. Palibhasa'y kabisado nito ang menu. Sila naman ni Jaiden ay tamang pasimpleng nagkakangitian.

Margaux looked so radiant. Nakangiti ito kahit halatang naiilang. Inabot niya kamay nito na nasa ibabaw ng mesa.

"I ordered a lot. Ubusin n'yo ha." Sabi ng kuya niya nang harapin sila. Inalis niya pagkakahawak sa kamay ni Margaux. Tiningnin ni Geoff ang dalaga.