من متى و الغصـن يختـار الطيـور..!!

9

/
/
/

في مكتب سياحه و سفر. .
جالس عُمر بإجتماع مع موظفينه.. ،ويتكلمون بامور العمل ..
لحظات ودخل السكرتير/استاز عُمر
عمر/نعم يا صبري
السكرتير/استاز مشعل موقود وعاوز يشوف حضرتك
عمر اسستغررب/اووكي دخله..
خوياه عصبوا/استاذ عمر والخطه الجديده والوجهات السياحيه وتذاكر الرحلات ماحددناها بعد وورانا قروب سياحي اجنبي زاير للمنطقه السبوع الجاي
عمر/شباب انا فااهم عليكم .بس أجلوا الاجتماع لبكره.. وأوعدكم اني انا بنفسي راح استقبل القروب السياحي الاسبوع الجاي
نائبه صالح بابتسامه/غصب عنك يا لحبيب انت لك شهرين ما ستقبلت احد بنفسك،لازم تتعاقب
عمر بمزحه/يا شباب صحيح اننا اصحاب وشركاء بس احترمووني تراني رئيس منتخب بهالمؤسسه
الكل/ههههههههههههه
صالح/يلا يا عمر نخليك مع رفيقك.. اصلاً الدوام خلّص
عمر/مشكورييين ..
طلعوا الشباب...
ودخل بعدهم مشعل/السلام عليكم
عمر قام له وسلم/اهلييين وعليكم السسلام.. وييينك يا رجل
مشعل جلس وهو مثقل بهمه/بهالدنيا... بعدين تراني شايفك بداية الاسبوع
عمر/شكلك متضايق،
مشعل/لا لا.. بس ودي اغير جو ..مليت جو العمل
عمر/شكلك تبيني انظم لك رحله سياحيه استرخائيه في جزر المالديف.. او موريسيوش
مشعل/عمررر.. اترك عنك الاستهبال وشغل التسويق ذا، انا متضايق وحاب اغيرر جوووي مب اروح سياحه
عمر/هههه يااخي علامك نار شابه.. طيب شووف انا معزوم على زواج واحد من موظفيني هنا.. وزواجه في الساحل ..شرايك تروح معي منا واجب ومنا تغيير جو.. وانت عارف هناك الجو دافي عكس أبها،بنقعد يومين ونخش البحر وبعدها نرجع وتكون مرووق ،هاااه تروح معي
مشعل اعجبته الفكره/موافق.
عمر غمز له/ما قلت لي كيف امورك مع الاهل
مشعل ماعلق/متى تبي نمشي بس
عمر /مع انك تحاول تصرفني،لكن ماعليه..بكرا نروح لعيونك
مشعل ابتسم له بإمتنان وسكت..

/
/
/
/
/
بالليل.. ،
منيره في زياره لأهلها،جالسه ومستغربه عدم وجود لوجين!! ،بس ماتبي تسأل وأمها موجوده.. انتظرت لين راحت تنام والتفتت على زينه/اقول زينه وين لوجين ماني شايفتها
زينه وهي طفشانه/بغرفتها من صبح مو راضيه تطلع
منيره/ليش وش صاير
زينه/ما ادري ..علمي علمك
منيره/اجل أمي مهاوشتها
زينه/أمي كل يوم تضايقها وما تقعد بغرفتها طول اليوم.. تعودت.. بس يمكن متزاعله هي واخوك
منيره/الله يصلح ما بينهم يا رب
زينه/امين.
لحظات ودخل مشعل/السلام عليكم
الكل/وعليكم السلام
زينه/اخييرااا رجعت... ياخي وين كنت فيه
مشعل جلس ببتسامه زائفه/كنت اتمشى..شلونك منيره
منيره ببتسامه/بخير يا تاج راسي
زينه/اصب لك شاهي
مشعل/لا شكراً انا تعبااان وابي انام.. يلا سلام
زينه/سلام..
منيره قامت/انا بعد صار لازم امشي...روحي نادي عيالي
زينه/طيب
،
،
،
صعد مشعل لغرفته.. واتجه للباب ولقى فراشه مرمي عند الباب!!..
عقد حواجبه من العصبيه ومد يده يبي يفتح باب الغرفه ولقاها مقفله وطق الباب/لوجين افتحي.. لووجيين
لوجين مسترخيه ع سريرها بالغرفه و سافهته ومطنشته، ومع دق الباب توترت،مع سماع صوته يناديها/..
مشعل بنفاذ صبر/لوجين قلتلك افتحي احسن لك
لوجين قامت وهي متنرفزه وفتحت الباب وطلعت له/نعمم
مشعل وهو يأشر ع الفراش/وش هذا؟
لوجين/ليش ما تعرفه.. هذا فراشك
مشعل يحاول يسيطر ع اعصابه/ادري انه فراشي ،بس ليه ترمينه برا الغرفه.
لوجين بنظرات احتقار/كييفي مااابيك تنام هنا،غرفتي وأنا حرّه..انخنقت منك
مشعل/مو وقت استهبالك انا لازم اكون بهالغرفه معك ..دخلي فراشي بسرعه قبل لا احد يشوف
لوجين خزته بنظرات ناريه/من اليوم ورايح لا تنتظر مني شي..و مو من حقك تتأمر علي.
مشعل بعصبيه/من حقي ونص انتي زوجتي
لوجين عصبت زياده وقاطعته/لا تقول زوجتي.. أنا ماني زوجتك،لا تحسب ان قطعة ورقه موقعتها أنا بالإكراه راح تخليك تتحكم فيني، يلا روح نام بغرفة زوجتك أميره خلك مع ذكرياتها احسن
مشعل يمسك نفسه لا يتهور،مسكها من ذراعها بقبضة يده بقوه /شقصدك بقطعة ورقه؟
لوجين قربت من وجهه وعينها بعينه رغم تألمها من مسكته،وتتكلم من بين أسنانها/قصدي واااضح.. أنا اكرررهك واذا تبي تذبحني لهالكراهيه، ماعندي مشكله..بتكون ريحتني من هالجحيم،
مشعل ترك يدها وهو مصدوم منها/...!!
لوجين خنقتها العبره وتبي تفجرها،، تركته ودخلت غرفتها وقفلت الباب قفلتين..
مشعل انفلتت اعصابه واخذ فراشه ورماه بنص الصاله اللي فوق.. ونزل تحت وهو متوتر ومعصب ويتمتم بكلمات غضب/وش هالعيشه هذي؟!!
ام مشعل طلعت على اصوات الهواش وشافت ولدها وهو طالع مقهور ويرمي فراشه بالصاله وينزل/مشعل مشعل..!
مشعل نزل بسرعه بدون يرد عليها..
لحقته زينه بعدما شافته متوتر/مششعل وين رايح هالوقت!
مشعل طنشها و طلع وصفق الباب بقوه وهو معصب،
ركب سيارته ومشى بسرعه عاليه/...
/
/
/
/
/
ظلت لوجين بغرفتها وهي تحترق من داخلها، و تفكر وين بيروح بهالوقت ولمين؟!!
نامت. وهي تفكر فيه...
/
/
/
/
عند بيت *عُمر*
وقف مشعل سيارته وحاول يهدأ... طلّع جواله واتصل على عمر وجلس ينتظره يرد..
لحظات ويرد عمر وفي نبرة صوته النوم/خير مشعل وش صاير..
مشعل بعجله/عمر افتح لي الباب انا عند بيتكم..
عمر/لا يكون شايفني بمنامك..
مشعل/عمر افتح الباب بسرعه لا أمشي واخليك
عمر عرف ان الموضوع جد وقام يفتح/طيب طيب جاي
/
/
/