Fragile Heart [ BTS KIM TAEHYUNG ]

ii | Hunter Medina

Limousine . Back Seat

Maluwang, mahaba, nasa gilid ang upuan at may bar na puno ng mga iba't ibang klaseng inumin. Naguguluhan at natatakot, nanatiling tahimik si Solar sa kanyang inuupuan, katabi ng gwapong lalaking kausap niya kanina lang.

Kailangan kong kumalma, ano ba ang nangyayari? Papauwi na ako, tapos kinausap ako nitong lalake, tapos nakasakay na ako sa loob?

Teka, paano ako sumakay? Kusa ba akong sumakay? Hindi ba kidnapping ito? Pero kilala niya ako! Sumulyap ako sa lalakeng katabi ko. Nagpang abot kami ng tingin kaya ngumiti siya.

May kidnapper bang ganito ka gwapo?

"May gusto kang itanong?" bigla niyang sabi. Halos mabilaukan ako sa gulat. Tanong?

"Bakit ang gwapo m-- e-eeeste! sino ka?!" nanlaki ang mga mata ko. Mapapahamak pa ako sa bungangang ito. Mukhang hindi naman niya narinig-- sana.

"Chase, 7th generation butler ng Medina Empire."

Ano daw? Butler? diba sa movie lang mga yun? At anong Medina Empire?

"Ah okay, hello Chase.. saan tayo pupunta? at bakit ako nandito? sigurado ba kayong ako yung kailangan niyo?" sunod sunod kong tanong. Napakunot ng konti ang noo niya, para bang nagtataka.

"Hinihintay ka ng young master sa mansion." tipid niyang sagot.

"Young master?"

"Yes, ngayong 17 ka na, dahil sa napagkasunduan ni master Lucas at ng iyong lolo, ikaw ay  engaged the kasalukuyang young master ng Medina Empire." pagpapaliwanag niya.

Lolo Al? Engaged? Medina Empire? Anong kalokohan ito? Huwag mong sabihin, nirentahan ni Lolo Al ang lahat ng ito? pero wala kaming pera!

"Excuse me, pero Lolo? ibig sabihin si Lolo Al?"

"Former 5th generation butler, Alfonso Swan."

"BUTLER SI LOLO?! HA!?" Napasigaw ako sa gulat. Bakit ngayon ko lang naririnig ito? 5th generation?

"Nagpunta kami sa bahay niyo at siya ang sumalubong saamin. Balak namin ay hintayin kang umuwi pero ipinilit niyang sa school ka nalang sunduin." pagpapaliwanag niya. "Dala narin namin ang mga gamit mo." dagdag niya.

"Anong gamit?"

"Inempake ni butler-- Sir Alfonso ang lahat ng iyong gamit." Itinuro niya ang isang maliit na truck na sumusunod saamin. Nanlaki pa lalo mga mata ko, ibig sabihin, yung mga kahon kaninang umaga eh para dito? Teka, pinalayas ba ako? Hindi na ba ako babalik sa bahay?

Cellphone. Kailangan kon makausap si Lolo Al. Kinapa ko sa maliit na bulsa ng aking bag ang cellphone. Low battery. Tumingin ako kay Chase, nagbabakasakaling baka pwede niya akong pahiramin ng telepono. Hindi pa ako nakakahigop ng hininga para magsalita ay iniaabot na niya ang isang cellphone.