Advance Bravely မြန်မာဘာသာပြန် (Unicode)

အခန်း ၉ ခင်ဗျားအသိတရားမရှိတော့ဘူး

Yuan Zongကလည်း ကားမောင်းလိုက်လာပြီး တပြိုင်နက်ထဲမှာပဲ သူ့ရဲ့မီးတောက်လို အကြည့်က စက်ဘီးထိုင်ခုံပေါ်မှာ စည်းချက်ညီညီလှုပ်ရှားနေတဲ့ Xia Yaoရဲ့ သွားရည်ယိုစရာပြည့်ပြည့်ဖောင်းဖောင်း တင်ပါးနှစ်လုံးပေါ်ကို မခွာတမ်း ရောက်နေတယ်(T/N- 🙈Xia Yao တယောက် သူကိုယ်တိုင် Yuan Zong ကို fanservice ပေးနေတာ မသိရှာဘူး)

အကွေ့တခုကိုရောက်တော့ Xia Yao ရုတ်တရက် လူပြတ်လပ်တဲ့ လမ်းမြှောင်လေးထဲ ချိုးလိုက်တယ်

ပြီးတော့ ခပ်ရွဲ့ရွဲ့ပြုံးလိုက်တယ် "သတ္တိရှိရင် ဒီဘက်လာကြည့်လေ ငါမင်းကို ဝင်တက်ကြိတ်ပလိုက်မှာ"

Yuan Zong လမ်းကြားလေးရဲ့ အဝင်ပေါက်မှာ ရပ်လိုက်တယ် Xia Yao မျက်မှောင်ကြုံ့လိုက်မိပြီး မြန်မြန်ဆန်ဆန်ပဲ အဲဒီလူရဲ့ မျက်စိအောက်က ပျောက်ဖို့အတွက် ခြေနင်းကို နင်းလိုက်တယ် ရလဒ်ကတော့ ခြေနင်းထစ်သွားတယ် အဲဒါနဲ့ သူနောက်တကြိမ် အားနည်းနည်းသုံးပြီး ထပ်နင်းဖို့ထပ်ကြိုးစားလိုက်တော့ "ချောက်" ကနဲ အသံ ရုတ်တရက်ထွက်ပေါ်လာတယ် တခုခုပျက်သွားပြီ

စက်ဘီးကို စစ်ဖို့ ထိုင်ပြီး ခဏအကြာမှာ Xia Yao မျက်လုံးတွေ နီရဲလာတယ်

စက်ဘီးချိန်းကြိုး အဖြတ်ခံလိုက်ရပြီ

Xia Yao ပေါက်ကွဲသွားတယ် ဘယ်လိုလုပ်ချိန်းဆက်လေးတခုထဲက ပျက်နိုင်မှာလဲ သူ့သွားကိုကြိတ်ပြီး စိတ်ထဲမှာ အော်ပြောနေမိတယ် ကားကြုံစီးဖို့ မင်းကိုများတောင်းပန်ခယပြီး ပြောနေမယ်လို့များ ထင်နေလား အဲဒီအချိန်ကျမှ ငါ့ကို အဲဒီလက်ဆောင်အတင်းထိုးပေးမယ်ပေါ့လေ ငါက ယောကျာ်းသားတယောက်ပါ ဒီယောကျာ်းက ဘယ်တော့မှ နောက်ပြန်လည်းမလှည့်ဘူး မင်းရဲ့ ညစ်ညစ်ပတ်ပတ်ကားပေါ်လည်း တက်ထိုင်မစီးဘူး ငါ့ကိုယ်ငါ ဂရုစိုက်နိုင်တယ်

အဲဒါနဲ့ Xia Yao သူ့စက်ဘီးကို တွန်းပြီး ဆက်လျှောက်သွားတယ်

နောက်ထပ်အကွေ့တခုကို ကွေ့လိုက်တဲ့အချိန်မှာ Xia Yao နက်ပြီး မဖုံးရသေးတဲ့ တွင်းတတွင်းကို တွေ့လိုက်ရတယ် "လမ်းပြင်နေသည်" Xia Yao သူ့မျက်နှာကို လက်သီးနဲ့ အထိုးခံသလို ခံစားလိုက်ရတယ်