لا تبكــــي

34

صوفيا وهي تشوف ساعة يدها : أووبس !! والدكِ بالأسفل يريد ان يراك قبل أن يخرج !
سحر وهي تشوف ساعة الحيط : لازال الوقت مبكرا...هل سيخرج اليوم أيضا هكذا !
صوفيا : يبدو مشغولا فعلا... لا أعتقد أننا سنراه كثيرا هذه الفترة ..

جت سحر بـ تقوم لكنها تذكّرت شي ... والتفتت لـ صوفيا وهي عاقده حواجبها : وأين ذلك الأحمق ؟
صوفيا ما فهمت : شتو ؟؟؟ .. (ماذا؟)
سحر : وليد ..أهوَ بالأسفل مع أبي ؟
صوفيا ابتسمت عفوياً : ..لقد تناولا الافطار معاً..عندما صعدتُ لأناديكِ كان قد غادر طاولة الطعام للتو..يبدو أنه هو الآخر يستعد للخروج !
سحر بسخرية وهي تسحب بلوفر طويل وتلبسه : أجل ، فذلك الأبله لديه مدرسة ههه !
وقبل ما تقول صوفيا شي..عدّلت ياقة البلووفر وهي تنطلق للباب : سأذهب لآراه ..

نزلت تحت مع الدرج اللي يطل على صالة الاستقبال المقابلة للباب الرئيسي بشكل مستقيم..والصالة بكل مساحتها الرحبة ماخذه الركن الأيمن كامل بالنسبة للباب.. بحيث ان الصالة نصها مكشوف ونصها مخفي لداخل والشي اللي تشوفه بوضوح وهي نازله عن طريق الدرج هو مدفأة النار الكلاسيكية والجلسة القريبة منها...
تجاوزت المدخل الواسع واللي كان عبارة عن قوس جدار مرتفع ومزخرف واللي يقسم صالة الجلوس عن الاستقبال من غير ما يمنع الرؤية ...
دخلت وهي تسمع حس حركة أبوها داخل..وكان هاللحظة واقف عند طاولة الطعام..وومثبّت حقيبة الشغل على حافة الطاولة وبيده ورقين يقلّبهم وهو واقف ..والواضح انه مستعد للخروج بشكل كامل !
رفع راسه يوم لاحظ دخولها ..وبنفس الانشغال نزّل عينه مرة ثانية للورقة وهو يقول بنبرة مندمجة : .. بدري !

طبعت بوسة سريعة على خده من غير حماسها المعهود ..كانت مجرد تحيّة صغيرة ثم سحبت الكرسي الأقرب لها : ..بدري من عمرك !
قال وعيونه على اوراقه : .. يومين ما شفتك !
سحر وهي تبدا تحوس بالفطور ، بهدوء : ..لأنك هاليومين ما ترجع الا الفجر..وفجأة تطلع مبكر !
ابتسم وهو يدس أوراقه كامله جوا الحقيبة : مشاغل وأنا أبوك !..قايلك بغيب بالأيام فإذا تأخرت أوقات لا تشيلين هم..
سحر : اوكي على راحتك بس أشك أنك تنام...كذا بترهق نفسك !
أبوها وهو يشيل الشنطة : ما يكون إلا الخير ،،
سحر انحنت بجسمها فوق الطاولة شوي وهي تشيل جيك العصير الزجاجي..عشان بتصب لها ولقت إنه مخلللص ما فيه ولا قطرة !
حمقت لا شعورياً : أشوفكم قضيتوا عالفطور ونسيتوا ان فيه وحدة تبي تفطر !!
ضحك وقال وهو يمــزح : هههه .. الجوع كافر وانا ابوك !
ضربت بالجيك عالطاولة وهي تشوف الفطور مقضي على أكثر من نصّه والأشياء اللي تحب تاكلها مخلللصه ..ما بقى غير فتافيت !!
سحر بصدمة : ما خبرتك كذا شره !!
أبوها بضحكة : ..والله مهوب أنا لحالي .. ما كليت إلا كم حبة زيتون وكوب قهوة..هذا حدّي !
سحر بحنق : اييييييه أدري... بدال ما تناديني آكل معاك..ناديت هذاك الغبي اللي نسى ان فيه وحدة موجودة معاكم !
مات ضحك يوم شافها حمقاااانه من جدّها ..
وقال : الخير واجد !
سحر : وش آكل أنا الحين ؟!.. كل اللي أحبه مخلّص !
أبوها : والله سألت صوفيا عنك وقالت لي نايمه...قلت أنادي وليد يشاركني هالصباح الحلوو بدل الأكل مع نفسي !
سحر : طيب كان قلت له يخفف شوي مو يقضي على فطوره وفطوري معاااه !!
أبوها وهو ماسك ضحكته : والله عيب أقول للولد لا تاكل...بالعافية عليه والخير واجد ..المطبخ هناك دبّري نفسك !
سحر بحننق ما تدري ليش تكالب عليها ..وبلحظة قررت : .. دااام كذا أجل بفطر براا ..