Pag segundo na lang ang binibilang mo
Biglang tumatalas ang iyong pandinig
Nakasentro sa bawat indibidwal na ingay sa paligid
Tila nagpapaalaala na maraming nilalang ang kabilang sa laro
Laro ng Buhay
Nagpaparinig ng sigla na kailanma'y di mo maaatim o mararanasan
O maging bahagi nito
At ang magagawa mo lamang ay ang makinig at maging saksi
Nakapikit ang mga mata
Hihinga ng malalim
Pababaw ng pababaw
Hanggang sa nakalimutan mo na ito ay isang ensayo ng baga at trabaho ang bawat singhot ng hangin
At pintig ng puso
At masyadong maingay
At masyadong maliwanag
At parang mahirap bumalanse sa sariling mga paa
Ang pokus ay wala na sa isang segundo
At isang minuto
At dalawa,
Tatlo
Hanggang sa maluha mula sa inis at hindi masolusyonang kalituhan
Masyadong masikip
Ang damit na nakayakap sa katawan
Ang balat sa aking isipan
Ang mundo sa kanyang kabaliwan
Na parang gusto ko na lang itong iwan
Pero parang hindi pa handa
Hindi pa plantsado ang mangyayari
Kaya't magpapakahirap na sumisid
Sa dagat ng pag-aalala
At ilog ng problema
Hanggang sa mapadpad na sa isang isla kung saan ako lang ang makapupunta
Walang gambala
Walang pabigat
Walang hadlang sa paghigpit ko ng lubid sa aking lalamunan
O sa pagguhit ng linya na may pulang tinta sa aking pulso
Kahit ang pagtulog sa ilalim ng tunog ng pumapatak na tubig
At ang paglundag gaya ng isang ibong sinusubukang lumipad pabagsak sa lupa...
At hindi na,
Hindi na makababangon pang muli
![](https://img.wattpad.com/cover/111304448-288-k377198.jpg)
YOU ARE READING
A String of Words (Book 1)
PoetryEnglish/Filipino Poems. Thoughts. Voices in my head. Kalipunan ng mga kalakasang matatagpuan sa isang tula.