Codename: Princess Trigger (COMPLETED)

Trigger 45 - The bonding

[Edited Ver.]

The bonding

Therbie's PoV :

It's been a week since I've known Athena and so far, I was really enjoying when I am with her. Isang linggo kaming nagkaka-text at minsan tawagan at pangalawang beses kong makita siya ngayon. Nagkukuwento siya ng kahit ano at nakikinig lang naman ako.

Athena: "Hindi ka masyadong ma-salita no?"

Therbie: "I'm boring you out, ain't I?"

Umiling-iling ito na parang bata.

Athena: "Hindi naman. Mas gusto ko nga iyang nakatahimik ka lang kasi ako namang bahala sa kwento e. Basta ba..."

Therbie: "Ako ang sagot sa fishball? Game."

Nagpapapalakpak ito at talagang natutuwa siya sa simpleng bagay na katulad noon at dahil sa pagiging masayahin niya ay napapangiti na rin ako. Hinila niya ako bigla sa fishball cart at napatawa nalang ako sa ginawi niya. Nakigaya nalang rin ako sa ginawa niyang pag kain ng fishball.

Therbie: "Paano mo nalaman ang place na ito?"

Athena: "Malapit lang ito sa bahay namin ng kuya ko. Alam mo kasi, John, dalawa nalang kami ni Kuya ever since I was a kid. Namatay raw kasi ang mga magulang namin sa isang aksidente, nawalan raw ng brake ang sasakyan hanggang sa mabunggo sa isang malaking puno. Iyon ang kwento ng mga relatives namin."

Napatingin ako sa kanya pero imbes na makita kong malungkot siya, kabaliktaran noon ang nakita ko dahil habang nagkukwento siya ay nakangiti pa siya habang nakain ng fishball. Gusto ko siyang patigilin sa pagkukwento dahil baka ayaw niya naman at napipilitan lang, pero habang tinitingnan ko siya, nawawala ang intensyon kong patigilan siya.

Athena: "Si kuya Lloyd na ang tumayong magulang sa akin. At the age of 17, natuto na siyang patakbuhin ang kumpanya na naiwan ni Papa sa amin habang nag-aaral siya. Napag-sabay niya iyon kaya super proud ako sa kanya! At talagang masaya ako kasi magiging masaya na rin siya dahil nahanap na niya ang magiging better half niya."

Therbie: "You must like your future sister-in-law. Lagi mo siyang binibida sa akin everytime we talked."

Athena: "Oo naman! Mabait si ate at tsaka gustong-gusto ko talaga siya at tanggap ko rin ang anak niya!"

Therbie: "May anak na ang magiging hipag mo?"

Tumango siya at masaya pa.

Athena: "Yep! ang cute ng batang iyon at gustong-gusto kong kinukurot ang pisngi niyang chubby! Hihi."

Pagkatapos naming kumain at mag-usap ng tungkol sa pamilya niya, nanahimik na naman kami habang naglalakad. Hanggang sa mapahinto siya bigla kaya huminto rin ako at kinuha niya ang cellphone niya sa bag na dala at sinagot ang tumatawag. 

Hindi naman siya masyadong malayo kaya naririnig ko ang sinasabi niya, at ini-loud speaker niya pa ang tawag kaya naririnig ko rin ang kausap niya.

Athena: "Hello, ate!"

???: *I'm already here, Nana. Pinapauwi ka na ni Lloyd at nami-miss ka na rin ni Sabrienne.*

Natulos ako sa kinatatayuan noong marinig ko ang boses ng nasa kabilang linya na kausap ni Athena. Her voice is familiar. Parang narinig ko na noon pa ang boses nito. Sino ang babaeng iyon? Bakit ganoon nalang ang bilis ng tibok ng puso ko?

Athena: "Ok ate punta na ako dyan. Byee!"

Natauhan lang ako noong lumapit na si Athena sa akin at kinalbit ako. Nagpaalam lang ito na aalis na at sinusundo na raw siya. Gusto ko pa siyang tanungin tungkol sa magiging hipag niya pero bigla na itong tumakbo papalayo habang kumakaway sa akin.