High School Zero

Chapter Nine

Chapter Nine

Timmy entered the kitchen and stopped dead in his tracks. There, he saw his older sister, holding a kitchen knife with blood splattered everywhere. It was an ugly sight.

"Ate," tawag niya sa nakatalikod niyang kapatid. Nagulat pa siya nang masagi ang pusa na dinidilaan ang mga dugo na nasa sahig.

Lumingon si Tammy sa kanya at nakita ni Timmy ang pulang likido na nasa pisngi nito.

"Good morning, Timmy," bati ni Tammy nang makita siya. Her small smile looks almost sinister to him.

"Ano'ng ginagawa mo, Ate?" marahan niyang tanong.

"Breakfast," ang tipid na sagot nito na nagpatuloy sa paghiwa ng bagay na hindi makita ni Timmy. "Upo ka na, Timmy. Malapit na akong matapos."

Hindi alam ni Timmy kung ano ang ginagawa ng kanyang Ate. Hindi niya makita ang nasa harapan nito. Hati ang kanyang desisyon kung uupo ba siya o tatakbo sa kwarto ng kanilang Mama para gisingin ito. Pero Sabado at Linggo lang nakakapahinga nang lubusan ang kanilang Mama. Hindi niya ito gustong istorbohin lalo na at mukhang pagod ito sa trabaho.

Pinili ni Timmy na linisin ang crime scene bago pa makita ng iba. Hindi niya gustong makita kung ano ang magiging reaksyon ng kanilang Mama kung bigla itong pumasok sa kusina at makita ang mga dugo.

"Timmy, umupo ka na. Tapos na ako," sabi ni Tammy sa kanya.

Walang imik na umupo si Timmy sa pwesto niya sa mesa. Inihanda niya ang sarili sa kung anuman ang ibibigay sa kanya ng kapatid. Natapos ito sa ginagawa at sa wakas ay nakita na niya ang produkto na ginawa nito.

Clubhouse sandwich at red juice.

Tinignang mabuti ni Timmy ang nasa tall glass na ipinatong ng ate niya sa mesa. Kulay pulang juice at amoy strawberry ito. But knowing his older sister ay sigurado siyang hindi lang strawberry ang sangkap ng juice. Magka-ganonman ay nakahinga siya nang maluwag dahil walang krimen na naganap sa kanilang kusina. Hindi niya kailangan gumawa ng alibi para sa kapatid.

Pero hindi parin niya maipaliwanag kung bakit mukhang crime scene ang kusina nila kanina.

"Inumin mo Timmy, masarap 'yan," sabi ni Tammy sa kanya saka naghintay na galawin niya ang baso. Pinanood siya nito habang kumakain ito ng sandwich.

"Ate, ano'ng nangyari kanina?" tanong niya.

"Hm. Nakalimutan kong takpan yung blender kaya sumabog yung laman."

"Ahh."

"Inumin mo Timmy. Healthy 'yan," sabi ni Tammy sa kanya.

Pinag-pawisan si Timmy. "Ano'ng laman nito, Ate?"

"Tomato, carrots, strawberry, milk at honey," sabi nito na inisa-isa sa daliri ang mga sangkap na ginamit.

"Ah." Mukhang may mahalagang gagawin ang ate niya ngayong araw.

***

Pumasok si Tammy sa school nang nakasuot ng jersey uniform ng Pendleton High. Nagtipon ang mga estudyante sa soccer field ng eskwelahan. At katulad ng inaasahan niya, siya lang ang nagiisang babae roon.

Ngayong araw ang endurance test para sa mga sumali sa tournament ng school.

Kaagad niyang naramdaman ang tingin sa kanya ng mga lalaking kasali pero hindi niya iyon pinansin. Hindi naman niya maiwasan marinig ang mga sinasabi ng mga ito.