High School Zero

Chapter Five

Chapter Five

Hindi parin mawala sa isip ni Tammy ang nangyari sa kanya kanina. Isang babae ang lumapit sa kanya na mukhang kilalang kilala siya. Sigurado siyang hindi pa niya ito nakikita kahit na kailan. Isa ba ito sa mga naging ka-trabaho niya? Hindi niya maalala. But there was something about that girl which reminds her of someone.

Tumingin sa relo niya si Tammy. Kanina pa siya dapat naka-uwi. Pero nangulit ang mga kaklase niyang sumama sa bahay nila. Natural na tumanggi siya, pero sinundan parin siya ng mga ito. Wala siyang nagawa kundi ang lumiko kung saan saan para lang iligaw ang mga sumusunod sa kanya.

"How troublesome..." bulong niya sa sarili habang naglalakad pauwi. Kailangan niyang mag-ingat tuwing uuwi.

"Tammy!"

Napahinto si Tammy sa paglalakad. Isang babae ang nakatayo malapit sa gate ng bahay nila.

"Ikaw..."

"Hmph! You have some explaining to do, Missy!" nakahalukipkip na sabi sa kanya ng babae. Suot parin nito ang uniporme ng St Celestine High. "Bakit mo sinabing hindi mo ako kilala sa harap ng mga new friends mo, huh?! You, you, you bully! Ikinakahiya mo ba ako sa kanila, Tammy?! Sumagot ka!"

"Pero hindi naman kita talaga kilala."

"HAAAH?!!! Are you kidding me?! Stop joking, it's not funny anymore!"

"But I am serious."

"Tammy, you heartless idiot!!! Hindi lang tayo nagkita noong summer break, nakalimutan mo na kaagad ako?!" sigaw nito sa kanya.

Napangiwi si Tammy sa tinis ng boses ng kausap niya. Napahawak si Tammy sa strap ng bag niya. "Sino ka ba?"

"Hindi mo talaga ako kilala?!!" hindi makapaniwalang tanong ng babae.

Bumuntong hininga si Tammy. Bakit ba ang kulit ng kausap niya? Bigla niyang naalala ang sinabi ng Mama niya na mag-iingat sa mga taong hindi niya kilala na biglang lalapit sa kanya at magkukunwaring kakilala ng pamilya niya.

"Paano mo nalaman kung nasaan ang bahay namin?" usisa ni Tammy saka tinignan nang diretso ang babae. "Budol budol gang ka ba?"

"Ew, Tammy! Ako 'to, si Willow!"

"Sorry, wala akong kilalang Willow," mabilis niyang sagot.

Naglakad na si Tammy palapit sa gate ng bahay nila. hind parin umaalis ang kausap niya.

"May amnesia ka ba?!"

Hindi na pinansin ni Tammy ang babae. Binuksan niya ang gate at pumasok saka isinara. Naglakad na siya papunta sa bahay. Nakatira sila sa isang two-storey house with three bedrooms and two bathrooms. May malawak silang front lawn at backyard. Isang ideal house para sa pamilya nila.

"Tammy!" tawag ng babae sa kanya. "I can see your strawberry panty, you jerk!"

Kaagad na napatakip si Tammy sa kanyang palda. Tinignan niya ito kung nakataas ba o may butas. Wala naman. Nilingon niya ang babae.

"Hah! I knew it! Strawberry set parin ang gamit mo!" nakangiting sabi ng babae sa kanya saka tumawa.

"Paano mo nalaman?" tanong ni Tammy.

"Why of course, ako lang naman ang kaibigan mong nakakaalam ng mga sikreto mo!" tumatawang sabi ni Willow.

"Sino ka ba talaga?"

"Seriously?" seryosong tanong ng babae. "Fine, ito ang picture natin. Baka maalala mo na ako."

Kinuha ni Willow ang cellphone sa bulsa saka ipinakita ang gamit na wallpaper. Laman non ang picture nilang dalawa ni Tammy noong pumunta sila sa LaLa Land.