Codename: Princess Trigger (COMPLETED)

Trigger 30 - The revelation

Belle: "Tsk. 'Geh na."

Therbie: "Thanks Belle! Promise mabilis lang tayo."

Tumango nalang ako at ipinikit ang mga mata ko habang nakayuko. Inaantok na talaga ako e. Si Selene nga nawala na ang pagka-madaldal at nakatulala lang sa bintana ng kotse. 

End of PoV

Joseph's PoV :

Medyo natagalan pa kaming makarating sa bahay ni Renz dahil sa katangahan ko, nakalimutan ko ang exact address nila. Ang naalala ko lang na alam ko ay iyong subdivision kung saan sila nakatira. Mabuti nalang at noong nagtanong kami sa security guard ay agad naman nitong nakilala ang pangalan ni Renz at itinuro niya sa amin ang isang malaking bahay. Iyon ata ang pinakamalaking bahay sa buong subdivision dito.

Pero hindi kami kumatok o nag-doorbell sa gate, nandito kami sa tagong lugar na saktong nakaharap sa bahay nila Renz at kung may mag-uusap ay maririnig talaga namin.

Pete: "Ayos ka lang ba, Jo?"

Joseph: "Oo naman. Bakit mo natanong?"

Pete: "Wala naman. Baka lang kasi gusto mo nang umuwi ayos lang naman sa akin na mag-isa dito. Nagpasama lang naman talaga ako dahil hindi ko alam dito."

Umiling-iling lang ako at nanatili sa kinauupuan namin, kahit pa nga medyo malamok. 

Joseph: "Ayos lang naman na samahan ka dito, pare. Tsaka paano kung magkasapakan na naman? I can't miss out the fun part."

Napangisi ito sa sinabi ko.

Pete: "Haha, gago. Pero kung hindi magsasalita ang Therbie na iyon, baka nga mangyari iyang sinabi mo."

Joseph: "Pero sa nakita ko naman kay Therbie, mukha naman iyong mabait."

Kumunot ang noo nito at parang pinagsisihan ko ang sinabi dahil baka pati ako masapak nito. Pero kitang-kita ko talaga ang galit niya sa lalaking iyon at isa lang ang masasabi ko kay Therbie, sana hindi niya na tinago si Belle dahil iba magalit si Pete. 

Ako man ang leader ng Red Eagles, pero natatakot pa rin ako kay Pete.

Pete: "Kung mabait ang lalaking iyon, he would tell us my sister's whereabouts kanina pa lang. Pero hindi niya ginawa iyon. What kind of a person is he? Alam niyang nag-aalala tayo."

I looked at him suddenly, confusion is visible on my face.

Joseph: "Tayo?"

Pete: "Hindi ba? Pare, kilala na kita, matagal na. Alam na alam ko kung may itinatago ka o wala. Napansin ko ito noong isang araw na kasama natin ang kapatid ko at kung tingnan mo siya, kakaiba e."

Noong una nagtataka pa ako sa sinasabi niya dahil hindi ko naintindihan. Pero noong maalala ko ang mapupulang labi at ang lungkot sa mga mata ni Belle, bigla akong nagka-ideya kung ano ang ibig sabihin niya.

Pete: "Did I hit the bull's eye?"

Sa sobrang pagkapahiya ay napayuko nalang ako. Narinig kong tumawa si Pete kaya naiinis ako sa kanya at alam kong kahit madilim sa lugar namin ngayon ay alam kong mapula na ang mukha at leeg ko. 

Pete: "Iniisip mo no?"

Joseph: "Shut it, Pete."

Pete: "Anong masama? Hindi naman ako magagalit kung nagugustuhan mo si Belle. Mas gusto na nga kita kesa sa Therbie na iyon e. Atleast ikaw kilala na kita, tiwala akong hindi mo sasaktan ang kapatid ko at sa totoo lang, bagay rin kayo."