100 Steps To His Heart [Published Book]

[33 Part 1] Ang clingy ni Mico at badtrip si Enzo. Sinong pipiliin. Bow.

So.. Ano 'to?

"Niluto ko yan." Tapos nagsmile siya at pinakita sa akin yung matching lunch box niya. Gusto ko mainis pero ang cute niya kasi.

"Come on, let's eat!" Tapos hinila niya ako papunta sa cafeteria.

Yung ibang studyante pinagbubulungan na naman ako. Siguro kasi si Mico naman ang kasama ko kumain ngayon. Nasaan na nga ba si Bryle? At si Venice?! Ba't parang hindi ko matagpuan yung dalawang yun?!

Si Enzo naman one week ng absent sa school. Alam ko may family thing siya kaya nagout of the country na naman siya. Bakit ba ang unti ng alam ko kay Enzo?

"Why are you idling?" Tanong sa akin ni Mico.

"Ah. Wala. Nasaan pala si Bryle at Venice?"

"May practice ang basketball team kasi malapit na ang laban nila. Si Venice nagprapractice din kasama ang cheerleading team."

Oh. Kaya pala ang clingy na naman nitong si Mico. Hindi nga pala siya kumakain magisa.

"Sige nga subukan natin ang niluto mo. Bakit ka nga pala nagluto ng ganito?"

"Lagi kasing tinapay lang kinakain mo pag recess and lunch eh."

Concerned at mukhang sincere na sinabi naman niya.

"Diet ako. Sabi mo ang taba ko."

"Inaasar lang kita. Can you please eat normal food?" Tapos yung spoon na may rice at egg bigla niyang sinubo sa akin.

Hindi ko alam kung bakit pero.. Kinilig ako. Ay naku, Hope! Umayos ka nga!

Kumain lang kami doon. Nagkwento siya na kesyo fast learner daw siya kasi isang beses lang siya tinuruan ng yaya niya na magluto ng sunny side up nagawa na agad niya. Ilang taon na ba 'tong si Mico at bakit ang isip bata niya? Pero nakakatuwa kasi nakakahawa yung pagkamasiyahin niya.

"Hope, let's cook huh? Teach me yung niluto mo before okay?" Sabi niya sa akin.

Umoo na lang ako. Kumakain lang kami doon, nagkekwentuhan ng biglang kumuha si Mico ng papel, kinrumple niya at bigla niyang binato doon sa isang lalaki. 3rd year ata.

Magagalit sana yung lalaki kasi sumigaw siya ng "Aray! Sino bumato?!"

Kaso biglang tumayo si Mico Loyola at sinabing "Ako. Any problem?!"

Tapos biglang umalis na lang yung lalaki. Lahat naman umiwas ng tingin kay Mico matapos niya gawin yun.