* في اسكندرية *
مراد : مالك يابني مش حاسك مظبط كده
مالك : انا في حاجة غريبة بتحصلي ..
مراد : حاجة ايه ؟
مالك : حلم ..
مراد : بتحلم بكوابيس قصدك ؟
مالك : لا .. بحلم بالبنت اللي ندهت عليا في الشارع دي .. اسمها ملك ...
مراد : بنت ايه يا عم .. دي كانت حامل ههههههه
مالك : بشوفها في الحلم مش حامل ..
مراد : طب ايه المشكلة مكلنا بنحلم باشخاص غريبة و كده
مالك : لا ! انا حلمت بيها كذا مرة ..
مراد : حلمت بايه ؟
مالك (سكت) : حلمت انها حبيبتي ..
مراد : حبيبتك !
مالك : اه .. حاسس اني بحبها حتي لما بصحي من الحلم .. يا ريتني الاقيها تاني
مراد : و لو لاقتها .. ايه ظروف اللي في بطنها ده ؟
مالك : معرفش بقي
_______________________________________
ملك : سميته مالك ليه !
حازم : ماله مالك ؟
ملك : وحش .. انا مش عايزة اسميه مالك انا
مرام : اسم مالك حلو اوي و الله
مازن : و جديد
ملك : مازن .. كلملي شارلوت .. خاليها تجيلي
مازن : حاضر ..
مرام : تعالي برة يا مازن نكلمها ..
مازن : ماشي .. (خرجوا)
مرام : حلو اووي قعدتك مع غادة هانم دي لوحدكم و قفلة الباب عليكم دي
مازن : انتي بتغيري من غادة ؟؟
مرام : بقولك ايه !! انت لازم تتجوزني عند مأذون
مازن : مانا قولتلك .. رفضتي
مرام : رجعت في كلامي
مازن : افكر (بهزار)
مرام : و النبي !!!!
مازن : بس يا بايرة و انا اجوزك انتي (بهزار)
مرام : يا حيوان يا مستفز !!
مازن : هنكلم البت و قدامي علي المأذون ..
مرام : ما من الاول
مازن : انا رايح اجوز واحدة تانية و انتي هاخدك تشهدي اصلا (بهزار)
مرام : بطل رخامة
مازن : بعشقك و انتي متغاظة كده
مرام : و انا بكرهك
مازن : يا بت (بيغمزلها)
مرام (ضحكت)
مازن : يا دين امي لما تضحكي و تتكسفي و وشك يحمر .. قمررررررر
_______________________________________
* في فيلا ملك الغردقة*
شارلوت : الف الف مبروووووك .. ما شاء الله البيبي جميل خالص
ملك : عارفة اسمه ايه
شارلوت : ايه
ملك : مالك
شارلوت : سمتيه مالك !!!!!
ملك : لا و الله .. ابوه اللي سماه مالك ..
شارلوت : و ده معناه ايه
ملك : يمكن علامة من العلامات اللي كلمني عليها مالك .. و لا تبقي مصيبة ليكون اللي في الحلم ده مالك ابني !!!!
شارلوت : shit .. بس ايه يعني !! ابن بيحب في امه ؟! لا اكيد .. هنعرف لما تشوفي مالك الكبير
ملك : انا اللي صعبان عليا حازم .. بقي طيب اوي و بيحبني .. تصوري معملش حاجة لكريم .. رغم ان طول عمره مش بيطيقه ..
شارلوت : وفاة امه غيرته ..
ملك : عارفة ...بس انا قلبي مع مالك ..
شارلوت : انا مصدقاه .. مع ان مفيش حاجة واقفة في صفه قدامنا ..
_______________________________________
* في العربية*
مازن (بيبوس ايدها) : مبروك يا حبيبتي ..
مرام (بتدمع) : كان نفسي اعمل الفرح و الناس كلها تبقي عارفة ..
مازن : هيحصل يا حبيبتي .. متخافيش ..
مرام : امتي بس
مازن : لما اتخرج .. و هتخرج ان شاء الله و هعملك فرح يضرب بيه المثل .. و هجبلك الواد بتاع النعناع يا منعنع يغنيلك كمان
مرام : اوعي تسبني بقي ..
مازن : يا غبية متخافيش .. بقولك ايه انا هكلم ملك اقولها اننا هننزل القاهرة و نطلع بقي اي اوتيل هنا نعمل شهر عسل علي ادنا ها ايه رأيك ؟
مرام (ابتسمت)
_______________________________________
YOU ARE READING
حلم
Spiritualكل واحدة فينا راسمة صورة لفتي احلمها .. و كتير بتحلم بيه .. او تتخيله .. ملك حلمت بفتي احلامها بس متأخر شوية .. في وقت كان الحلم ده مينفعش تحلمه .. الحلم اتكرر مش مجرد حلم و عدي .. ملك مبقتش حاسة ان ده مجرد حلم .. ملك متأكدة من وجود الشخص ده فعلا...
