(موبيل حازم بيرن)
ملك : حاااازم ..
(مش بيرد)
ملك (ردت) : الو
- حازم ؟
ملك : مين عاوزه ؟
- انتي اللي مين ؟!
ملك : انتي بتتصلي بجوزي و بتسألي انتي اللي مين ؟
- هو حازم متجوز اصلا ؟
ملك : لا و الله ؟ اتفضلي اقفلي و متتصليش هنا تاني
- اه .. طب عايزة اقولك ان جوزك بيخونك يا مدام (وقفلت السكة)
ملك ( مسكت راسها باديها و كلمت نفسها) : طب اصدقها ؟ و لا هو مظلوم و لا ايه ... طب اواجهه و لا اعدي الموضوع
*بعد ربع ساعة حازم خرج*
حازم : انتي لسة مغيرتيش يا ملك ؟
ملك : (باصاله و ساكتة)
حازم : مالك ؟
ملك : انا عايزة ارجع بيت اهلي
حازم : انتي مجنونة ؟
ملك : بالعكس .. انا عشان عاقلة بقولك وديني بيت اهلي افصل عندهم شوية .. لحد مقدر ارجع هنا تاني
حازم : هو كان ايه اللي حصل لكل ده يا ملك ؟ انا اتعصبت و جيت صالحتك بعدها ..
ملك (ضحكة تريقة) : اه .. بس انا لازم ارجع بيت اهلي دلوقتي حالا
حازم : اللهم طولك يا روح ..
ملك : معلش .. كده احسن و الله ..
حازم : طب نامي و بكرة اوديكي لاهلك
ملك : لا مش هستني ..
حازم : مطلعيش عيني بقي
ملك : انت يعني مش هترجعني عند اهلي ؟
حازم : قولت بكرة ..
ملك : طيب
حازم : طلبتي اكل و لا هنام من غير عشا !
ملك : التليفون عندك .. اطلب لنفسك انا مش هاكل
حازم : و لا انا طافح .. انا طالع انام
ملك (نامت علي الكنبة)
_______________________________________
مالك : جدعة انك موجهتيهوش .. برافو يا حبيبتي
ملك : بس مش طايقة ابص في وشه يا مالك
مالك : انتي فكرتي صح .. فعلا انتي محتاجة تفصلي من حازم شوية ..
ملك : هقول لاهلي ايه طيب ؟
مالك : انك تعبانة شوية و جاية تقعدي عندهم يومين .. و متقوليش لحد علي المكالمة دي لحد متتأكدي
ملك : اه يا ماااااالك (بتعيط) .. الشك ده بشع ..
مالك : هنتأكد من كل حاجة يا حبيبتي
ملك : انا هعرف اراقبه .. و اتأكد و لو طلع خاين هطلق منه .. انت ليه خلتني ارجعله يا مالك ؟
مالك : مش يمكن لو مكنتيش رجعتيله مكنتيش اكتشفتي انه بيخونك ؟
ملك : كنت هفضل مغفلة .. خليك جمبي الفترة دي يا مالك .. انا اكتر حاجة بتوجعني الخيانة ..
مالك ( مسح دموعها) : دموعك دي غالية اوووي .. مينفعش تنزل كده علي اي حد ..
ملك : انا بندم اني اتجوزته .. فعلا مش طايقاه ..
مالك : حازم هيقدملنا اكبر خدمة في حياتنا يا ملك مينفعش تسبيه دلوقتي .. مينفعش تسبيه خالص ..
ملك : انا مش فاهمة حاجة يا مالك بالله عليك متسبنيش كده .. فهمني ..
مالك : مش انتي بتثقي فيا ؟
ملك : طبعا
مالك : يبقي اسمعي كلامي و انتي مغمضة .. انا عمري مهقولك حاجة عكس مصلحتك .. انا عايزك سعيدة يا ملك ..
ملك : سعادتي معاك مش معاه يا مالك ..
مالك : حازم فترة في حياتنا .. فترة و هتروح لحالها و انتي هتبقي ليا يا ملك
ملك : فترة ازاي بس و انت بتقولي اني لازم افضل معاه و مسبهوش
مالك : الاسئلة الكتير مش هتفيد يا حبيبتي .. انا فاهم انا بقولك ايه .. لازم تسمعي كلامي .. عشان خاطر مالك ؟
ملك : عشان خاطر مالك .. انا اعمل اي حاجة ..
مالك : هتخدي بالك من نفسك يا ملك ؟
ملك : خليك معايا شوية طيب .. انا محتجالك يا مالك
مالك : مش هسيبك يا ملك وعد
ملك : وعدك ده اللي مخليني اعيش يا مالك
مالك (نظرة طويلة) .. انا واثق انك هتتصرفي صح .. و متنسيش كلامي .. و حياه مالك ؟
ملك (ابتسمت) و حياة مالك..
_______________________________________
ESTÀS LLEGINT
حلم
Espiritualكل واحدة فينا راسمة صورة لفتي احلمها .. و كتير بتحلم بيه .. او تتخيله .. ملك حلمت بفتي احلامها بس متأخر شوية .. في وقت كان الحلم ده مينفعش تحلمه .. الحلم اتكرر مش مجرد حلم و عدي .. ملك مبقتش حاسة ان ده مجرد حلم .. ملك متأكدة من وجود الشخص ده فعلا...
