ملك : انا يا رودي تقوليلي داري علي شمعتك ؟؟
رودينا : مش قصدي يا ملك .. قصدي انا مكنتش عايزة اقول لحد غير لما الموضوع يكمل
ملك (سكتت و دمعت) : و هو انا بنسبالك حد ؟
رودينا : متبقيش حساسة يا ملك مانا قولتلك اهو
ملك : انا كنت بس عايزة افرح معاكي .. و بيكي انتي اختي يابنتي
رودينا : طب بقولك ايه معايا واتنج .. ده خطيبي هكلمك تاني اوك ؟
ملك : اووك ... (و قفلت)
______________________________________
ملك : انا مش اوفر يا مالك و لا بدخل في حياه حد .. بس دي رودينا صاحبتي .. و اختي .. هي الوحيدة اللي حكتلها عليك و كانت بتهاجمني لما اقولها اني بحبك و مصدقاك
مالك : ملك .. حوارنا ده مش اي حد هيفهمه .. لازم اللي تحكيله حوارنا ده يكون فاهمك كويس .. فاهمك من قبل متتكلمي و حاسس بيكي و عارف انتي عايزة تقولي ايه من غير متتكلمي .. الشخص ده نادر مبنلاقيه .. بس لو لاقتيه .. اوعي تفرطي فيه
ملك : انا مشكلتي في اني الاقي حد فاهمني بس .. انا محدش بيفهمني و لا بيحس بيا .. مفيش غيرك انت و انت كفاية عليا .. انا مش عايزة حاجة من الدنيا غيرك
مالك : لما نتجوز هخدك و نسافر يا ملك في مكااان بعيد مفيهوش غيري انا و انتي بس .. بعيد عن كل الناس .. بعيد عن المشاكل .. و بعيد اي حد ممكن يدايقنا .. هعيشك احلي عيشة يا ملك وعد مني يا حبيبتي
ملك : و انا هصلي ليل نهار و اشكر ربنا انه رزقني بيك .. مالك انت عارف ؟ انا طول عمري كان نفسي يبقي في حد زيك في حياتي .. انت بتقرا الكلام في عنيا و بتفهمني انت انت بجد ..
مالك : (قاطعها و حط ايده علي بوقها) ششششش .. بحبك ..
_______________________________________
*قدام شقة هايدي*
معتز : رني الجرس
جيجي (بترن)
- ايوة مين ؟
جيجي : انا جيجي يا طنط صاحبة هايدي
(فتحت الباب)
الام : افتضلي ..
جيجي : و ده معتز ..
الام : معتز مين!
جيجي : احنا جايين نكلم مع حضرتك في حاجة تخص هايدي انا و معتز
الام : اتفضلوا ..
_______________________________________
حازم (رزع باب الاوضة و ملك صحيت)
ملك : حاازم ؟ انت ايه اللي رجعك بدري ؟؟
حازم : جالي برد قولت اجي ارتاح ..
ملك : سلامتك .. تعالي ارتاح
حازم : تعرفي تعمليلي شوربة و لا اي حاجة ؟
ملك : اه اعرف .. (بتقلعه الجاكيت) غير هدومك و انا هعملك شوربة و فراخ مسلوقة ..
حازم : شكرا ياستي
ملك (نزلت المطبخ) و انا ياربي ملعرفش اعمل حاجة .. (بتتصل بامها)
ملك : ماما ازيك عاملة ايه انهردة
الام : الحمد لله احسن انهردة ..
ملك : يا رب دايما .. ماما ممكن تقوليلي ازاي اعمل شوربة فراخ لحازم لحسن عيان
الام : يا خيبتك الاوية يابنتي! حتي دي مبتعرفيش تعمليها ! الراجل يقول عليكي ايه!! انتي ست بيت انتي ؟؟؟ انا عرفت اربي!!
ملك : اقفلي يا ماما انا هتصرف
الام : ايه هتجبيله دليفيري !
ملك : اه .. (و قفلت) انا معرفش هي بتعاملني كده ليه! (بتتصل بالدادة)
______________________________________
الام : انا بنتي تعمل كده!!
معتز : للاسف ... و انا عايز الم الموضوع و ناخد الصورة من علي موبيلها بس و من غير شوشرة
الام : بت يااا هايدي !!!!
(هايدي دخلت )
هايدي : ايه ده معتز !
الام : (ضربتها بالقلم و شدتها من شعرها) بقي يا بنت الكلب تعرفي صبيان من ورايا !!! و كمان بقيتي خرابة بيوت
هايدي(بتعيط) : انا معرفش حاجة عن الكلام ده
الام : هاتي موبيلك !!
هايدي : اهوو
الام : خد يابني الموبيل .. انا مش بعرف في الحاجات دي
معتز : (بيقلب في الصور) بصي حضرتك يا طنط !! ده بس مش الصورة اللي قولت لحضرتك عليها! دي مركبة صور كمان لملك مع كريم في منتهي القذارة ! (بيبص لهايدي) ليه كده يا هايدي ؟ هي عملتلك ايه عشان تعملي معاها كده
هايدي : عرفت تلعبها صح يا معتز ..
الام (ضربتها بالقلم) انتي ليكي عين تتكلمي!!!
معتز : انا مسحت الصور .. لو سمحتي انا عايز موبيل شهد ..
الام : اتصلي بشهد من موبيل هايدي
معتز : اتفضلي يا طنط
الام : ايوة يا شهد هايدي تعبانة تعالي بسرعة علي البيت (و قفلت)
*بعد شوية شهد وصلت*
YOU ARE READING
حلم
Spiritualكل واحدة فينا راسمة صورة لفتي احلمها .. و كتير بتحلم بيه .. او تتخيله .. ملك حلمت بفتي احلامها بس متأخر شوية .. في وقت كان الحلم ده مينفعش تحلمه .. الحلم اتكرر مش مجرد حلم و عدي .. ملك مبقتش حاسة ان ده مجرد حلم .. ملك متأكدة من وجود الشخص ده فعلا...
