حلم

Chapter Thirteen

الممرضة : دكتوووور فتحت عنيهااا فاقت يا دكتووور
الدكتوور : حمد لله علي سلامتك يا ملك
ملك : (مش بترد)
الدكتور : انتي بقالك ٣ ايام في غيبوبة ..
ملك (مش بترد)
الدكتور : و اهلك كلهم قلقانين عليكي
الممرضة : هي مش بترد ليه يا دكتور ؟
الدكتور : و علي فكرة .. عندنا خبر حلو ليكي ..
ملك : (مش بترد)
الدكتور : مبرررووك هتبقي ام ..
ملك (بتعيط)
الممرضة : دي اكيد دموع الفرحة
_______________________________________

*وقت الزيارة*

الام : حمد لله علي السلامة يا ملك يا حبيبتي
مازن : كده تخضينا عليكي ؟
مرام : حمد لله علي سلامتك و مبروك علي البابي .. لو بنت سميها مرام بقي
مازن : و لو ولد سميه مازن علي اسم خاله
ملك (بتعيط)
الام : مالك يابنتي بس ؟؟
(الدكتور دخل) ..
الدكتور : طب اتفضلوا يا جماعة هي اعصابها تعبانة .. مدام انا عايز حضرتك برة ..
الام : حاضر يا دكتور
مازن : طيب يا حبيبتي هنسيبك و نجيلك تاني .. يلا يا مرام (و خرجوا)

الدكتور : زي مبقول لحضرتك .. هي معندهاش حاجة
مازن (سمعهم) : امال كانت بتعمل ايه في الغيبوبة بقالها ٣ ايام ؟ بتغير جو مثلا ؟؟
الدكتور : هي اعصابها تعبانة اوي .. هي اتعرضت لحاجة صدمتها ؟
الام : اه
الدكتور : الافضل تودوها مصحة احسن .. لان هي رافضة الكلام و بتعيط بس ..
مازن : انا اختي مش مجنونة يا دوك امين ؟؟؟
مرام (بتشد دراعه) : براحة يا مازن
الدكتور : حضرتك اختك تعبانة نفسيا .. صحيا هي زي الفل .. الدكتور النفساني او المصحة هي الحل
مازن : المصحة دي انت اللي تروحها .. او اقولك ؟ انت تروح و تاخد ام..
مرام (قاطعته) : بس يااا مازن (شدته) تعالي نشرب حاجة في الكافيتريا
مازن (بيلف و بيبص للدكتور) : اختي مش مجنونة انت اللي مجنون يا دوك ( و مشي)
الام : معلش يا دكتور خايف علي اخته بس
دكتور : بصي يا مدام ... انا عملت اللي عليا و قولتلكم حل مشكلتها ايه .. و انتوا براحتكوا

(غادة جاية و شايلة ورد)

غادة : سلام عليكم يا طنط
الام : اهلا يا حبيبتي
غادة : ممكن اشوف ملك ؟
الام :هي حالتها صعبة و الله .. بتعيط و مش عايزة تشوف حد ..
غادة : طيب ربنا يطمنا عليها .. و الله ماما كانت عايزة تيجي تشوفها .. بس ..
الام : مفهوم طبعا ..
غادة : طيب انا هستأذن بقي .. (و مشيت)

______________________________________

معتز (موبيل) : خلي عند اللي جبوك دم و فضي نفسك ساعة عشان نزور ملك
كريم : مش هي في غيبوبة يا عم ؟ هتعرف منين اننا جينا ؟
معتز : فاقت يا بغل !
كريم : و انت متابع بقي هههههه
معتز : ليك نفس تهزر و صاحبة عمرك مرمية في المستشفي ؟
كريم : في ايه يا عم ! هي لوكيميا ؟ ده هي بس تلاقيها اتصدمت من الحركة العرة اللي عملها حازم معاها
معتز : و هتتصدم برده من الحركة العرة اللي انت عملتها .. لو سألت و عرفت انك مزورتهاش و لا مرة
كريم : طيب يا عم .. هاجي معاك و نروح
معتز : و كلم رودينا تيجي
كريم : قشطة يا عم تلاقيها راحت من زمان
معتز : كلمها بس لتكون عرة زيك و مزرتهاش و لا مرة
كريم : طيب اقفل اشوف و اكلمك .. (و قفل)
جيجي : ده معتز ؟
كريم : اه .. بيقولي ملك و فاقت و نروح نزورها و بتاع
جيجي : ليه ؟ هي مالها ؟؟
كريم : يااه .. ده انا نسيت اقولك ان لما جوزها طلقها دخلت المستشفي و كده
جيجي : يا عيني .. لا واجب نروح برده يا كريم ..
كريم : هكلم البت رودينا لو تيجي معانا
جيجي (بتنفخ)
كريم : ايه مالك ؟ رودينا دي زي ملك بنسبالي كده
جيجي : طيب ياخويا كلمها
كريم (موبيل) : ايه يا رودي عاملة ايه
رودينا : تمام .. و انت عامل ايه
كريم : تمام .. بقولك هتجي معانا لملك انهردة ؟
رودينا : نروح نعمل ايه ؟
كريم : يادي النيلة .. مش صاحبتك دي ؟ متعرفيش انها في المستشفى ؟
رودينا : لا .. اصلنا قفشنا مع بعض و كده فمعرفش عنها حاجة .. و بعدين انا رايحة اجيب ليلي من المطار ..
كريم : بتهزري ؟ هي ليلي راجعة ؟
رودينا : اه و الله
كريم : خلاص هاتيها و نروح كلنا
رودينا : طيب هقولها  ..
كريم : قشطة سلام .. ( وقفل)
كريم : تحبي تيجي يا جيجي ؟ و لا فاكس جو المستشفيات و الخرة ده ؟
جيجي : لا هاجي ده الواجب برده