حلم

Chapter Sixteen

في اسكندرية*

ملك : احنا بقالنا كتير بنلف
شارلوت : يمكن نلاقي المطعم و نسأل هناك علي مالك ..
ملك : و افرض طلع مش موجود المطعم ده و كله حلم في حلم ..
شارلوت : بطلي زن بس و تفائلي كده هنلاقيه ...
ملك (فجأة اتفزعت) : شااااارلووووووت !!!! ماااالك اهووووو (بتشاور)
شارلوت : متأكدة ان هو ؟؟
ملك : هو هووووو !!! (بتجري عليييه) : مااااالك انا ملك يا حبيبي اخيراااا لقيتك !!!
مالك (بيبص باستغراب) : مين حضرتك ؟
ملك : انا ملك ! ايه يا مالك ؟؟ بتبصلي كده ليه كأنك مش عارفني ؟؟
مالك : مانا معرفش مين حضرتك فعلا
ملك : انت بتهرج بقي!!! (بتزعق)
شارلوت (بتشدها) : تعالي يا ملك .. احنا اسفين حضرتك
ملك : هو يااا شارلوووووت .. انا متأكدة!!!
(مالك مشي)
_______________________________________

*باب شقة مرام بيخبط*

مرام (بتفتح) : مازن !! (بصوت واطي) اخرج بسرعة انت اتجننت ؟؟؟؟
مازن : (بصوت عالي) انتي موقفاني علي الباب ليه ؟ 
مرات العم : ميييين يا مرااااام
مرام : (بصوت واطي) : يالهوي يالهوي .. امشي يا مازن
مرات العم (خرجت) : انت مين ؟
مرام (مسكت دماغها)
مازن : انا مازن .. جوز مرام
مرات العم : يا مصبتي !!!
مازن : مصيبة ايه يا حاجة (دخل و قفل الباب) .. الحاج ابراهيم الله يرحمه كان عارف و موافق
مرات العم : و ده من ورانا ؟
مازن : ده كتب كتاب بس .. كنا هنقولكوا قبل الفرح
مرات العم : و انت عايز ايه بقي ؟
مازن : اقعد مع مراتي
مرات العم : و انا ايه اللي يثبتلي انك جوزها ! و لما انت جوزها !! سايبها بقالك شهرين لييييييه
مازن : عندي شغل يا حاجة .. اصل انا من الغردقة و شغلي هناك .. و البركة فيكي يا حاجة .. انا مازن عزمي عياد لو تسمعي عن ابويا .. رجل اعمال كبير
_______________________________________

*في فيلا ملك الغردقة*

(موبيل ملك بيرن) : حازم
حازم : حبيبتي .. عاملة ايه
ملك : تعبانة اوووي ..
حازم : باين من صوتك .. مالك تعبانة من ايه ؟؟؟
ملك : الحمل و كده ..
حازم : طيب بصي .. انا بكلمك اقولك ان غادة هتيجي تعيش معانا .. انتي فاهمة ان لما ماما توفت  و هي لوحدها في الشقة و كده
ملك : تنور يا حبيبي ..
حازم : مش هتبقي مدايقة منها يعني ؟
ملك : عيب يا حازم .. دي اختي ..
حازم : ربنا يخليكي يا حبيبتي .. ابقي كلمي مازن يجي الغردقة عشان غادة تساعده في المذاكرة ..
ملك : متخليها يوم الخميس لما ننزل القاهرة ؟
حازم : اللي يريحكوا .. بس قصدي يجي يغير جو
ملك : خلاص هكلمه كده
حازم : خلاص ماشي .. سلام ( وقفل)
ملك (بتتصل) : مازن
مازن : ايه يا ملك 
ملك : بقولك غادة هتيجي عندنا الغردقة فكنت بقول لو تيجي تغير جو عندنا كام يوم و اهي تساعدك بالمرة
مازن : و الله فكرة .. خلاص هجيب مرام كمان معايا
ملك : مرام ؟ و هي هترضي ؟
مازن : اه طبعا .. بقولك ايه اقفلي كده و هبقي اكلمك تاني .. ( و قفل)
*في اوضة مرام*
مرام : تاخدني فين ان شاء الله !
مازن : الغردقة
مرام : مازن انت بتلعب لعبة زبالة ! انا لو اهلي اكتشفوا اننا مش متجوزين هنروح في داهية
مازن : بسيطة نجوز
مرام : و الله ؟ دي توريطة بقي !!
مازن : بتسمي جوازك مني توريطة !!!!!
مرام : مش قصدي ! بس ..
مازن (قاطعها) : لما انتي مش عايزة تتجوزيني ماشية معايا ليه ؟
مرام : اخرس يا حيوان يا متخلف ايه اللي بتقوله ده .. انا موافقة اجوزك لما تتخرج .. دلوقتي هتصرف عليا منين ؟ من فلوس ابوك ؟ و لا انا اللي هصرف علي البيت ؟؟؟
مازن : يا ماما مش وقته الكلام ده .. انا لو كنت استنيت لما اتخرج كان زمانك دلوقتي في المنصورة بتتزفي لابن عمك !
مرام : الصبر من عندك يا رب !
مازن : متخافيش يا مرام .. انا اللي عملته ده كنت بحجزك ليا و بحافظ عليكي من تحكم عمك !
مرام : طب و انت هتفضل قاعد معايا في اوضتي كده ؟؟؟
مازن : مش مراتي ؟
مرام : مراتك في عينك !!!
مازن : نكتب ورقتين يا سيتي و ..
مرام : اخرس !!!! عايز تتجوزني عرفي يا مازن ؟؟ هي دي اخرتها ؟؟؟؟
مازن : حل مؤقت لحد متخرج
مرام : انسي
مازن : ننزل عند اي مأذون طيب ..
مرام : برده لا !! انت هتمثل قدام اهلي انك جوزي و بس ! لحد متتخرج و تكتب عليا .. غير كده لا !!
مازن : يا غبية افهمي
مرام : ده اخر كلام عندي ! و هتفضل علاقتي بيك زي ما كانت و تنسي حوار مراتك ده خالص طول ماحنا لوحدنا في المخروبة دي !
مازن : طب قومي لمي حاجتك هنسافر الغردقة لملك
مرام : ليه ان شاء الله !
مازن : قدام اهلك هنرجع بيتنا اللي هناك كام يوم .. حتي يصدقوا ..
مرام : طب لو حصل و حد طلب قسيمة الجواز هننيل ايه
مازن : هقولهم في الغردقة .. او في داهية .. و بعدين الولية اللي برة اتكتمت لما سمعت اسم ابويا ..
مرام : ربنا يستر .. طب و قدام اهلك هنقول اننا اجوزنا ؟
مازن : لا طبعا ده اهلي يموتوني !!
مرام : اشمعنة انا بقي !!! هو انا اللي مليش اهل !!
مازن : يا متخلفة افهمي !! انا لسة متنيلتش اتخرجت ! لما اتهبب هقولهم اني عايز اجوزك و اجوزك رسمي ساعتها
_______________________________________