_______________________________________
* بعد ٤ ساعات*
(في المستشفي )
الام : دول صحابها يا دكتور ممكن يشوفوها صح؟
الدكتور : اه الصحاب ممكن يخرجوها من الهي فيه
(دخلوا عند ملك)
ملك (بتبصلهم)
كريم : حمد الله علي السلامة يا بت
معتز : ملك ؟ سلامتك ...
رودينا : انا و الله لسة عارفة من كريم انهردة حوار المستشفى ده .. حمد الله علي سلامتك
ليلي : انا جيت من المطار علي هنا علي طول .. وحشاني و الله
معتز : ملك ؟ مش بتردي ليه ؟؟
جيجي : هي مش بترد ليه يا جماعة ؟؟
كريم : انا سمعت الدكتور برة بيقول انها من ساعة مفاقت متكلمتش ..
ملك (بهدوء) : انتوا عايزين مني ايه؟
رودينا : ايه يا ملك السؤال ده ؟
ملك : انتوااا عايزيييين مني ايييه ؟
كريم : ملك في ايه ؟
ملك : انتوا صحاب ؟ انتوا مش صحاب .. انتوا كلمة صحاب دي خسارة فيكوا !
ليلي : احنا يا ملك ؟؟
رودينا : ليه يا ملك بتقولي كده ده احنا بنحبك و الله
ملك : انتوا مش بتحبوني انتوا بتحبوا مني حاجة معينة .. انتوا حبيتوا ملك اللي بتهزر و تضحك .. ملك اللي بتقف جمبكم في مشاكلكم .. و لما ملك تقع في مشكلة محدش بيساعدها .. صح يا رودينا ؟ لما جيت احكيلك علي سر محدش يعرفه غيرك عملتي ايه ؟ اتريقتي .. سفيتي .. زعقتي .. مفهمتنيش !! و اخرتها بتتهمني بتهمة المفروض متجيش من صاحبتي !!
رودينا : ملك .. انا عملت كده عشان خايفة عليكي !
ملك : لا معلش انتي قصدك خايفة مني .. و لا نسيتي داري علي شمعتك ؟ خايفة احسدك ؟ يا صاحبة عمري .. و لا انتي يا ليلي .. اللي مستحملتيش طريقتي لمجرد بس اني مخنوقة .. مفكرتيش اني ممكن ابقي محتجاالك احكيلك و تسمعيني .. انتي اخترتي اني اهدي و بعدين اكلمك .. لكن تفضلي معايا لحد مهدي ؟ لا حرام .. صح ؟
ليلي (سكتت و بصت في الارض)
ملك : و انت يا كريم .. مبتفتكرنيش غير لما يبقي عندك مشكلة مع جيجي و عايزني اصالحكوا .. عمرك ماتصلت تطمن عليا من غير متطلب مني حاجة .. بقيت علاقة مصلحة يا كريم .. يا خسارة
كريم (سكت) : انا ..
ملك : و مجبتش معاك هايدي ليه يا معتز ؟
معتز (ارتبك) : هايدي ..
ملك : اه هايدي اللي كنت عارف انها هتخرب بيتي بالصور المتركبة .. هايدي اللي بعتتلي الصورة و لففتني حوالين نفسي .. هايدي اللي جات تشمت فيا لما اطلقت ..
معتز : انتي عرفتي الكلام ده منين ؟
ملك : مقولتلييش ليه ؟ عامل خايف علي مصلحتي و انت عارف ان صاحبتي زبالة و مش قايلي لييييه ؟؟
معتز : خوفت اصدمك فيها تتعبي .. حاولت ابعدها عنك و حليت حوار الصور ده من سكات عشانك
ملك : عشاني برده ؟ لوجه الله يا شيخ و احنا عمرنا مكونا صحاب ؟ و لا عشان تجرني ليك بجدعنتك معايا ؟
معتز : ايه؟
ملك : انا عرفت كل حاجة !! اطلعوا برة (بتزعق) برررررررة مش عااااايزة اعرفكم تاااااني !!
(خرجوا)
(ملك واقفة علي السرير و بتصوت) : سبووووني بقي !!! كلكم كدااااابيييييين !! كلكوا بتضحكوااا علياااا !!! محدش بيحبنيي !! كلكوا بتكرهوووووني !!!!!
_______________________________________
YOU ARE READING
حلم
Spiritualكل واحدة فينا راسمة صورة لفتي احلمها .. و كتير بتحلم بيه .. او تتخيله .. ملك حلمت بفتي احلامها بس متأخر شوية .. في وقت كان الحلم ده مينفعش تحلمه .. الحلم اتكرر مش مجرد حلم و عدي .. ملك مبقتش حاسة ان ده مجرد حلم .. ملك متأكدة من وجود الشخص ده فعلا...
Chapter Thirteen
Start from the beginning
