The Second Time Around (The Starving Squad #1)

Chapter 28: Not Slowing Down

Nang magising si Fresia kinabukasan, una niyang hinanap si Bullet. Hindi pa man nakakapaghilamos ay kinatok na niya ang kwarto ng tatlong lalaki. It was Mickey who open the door.

"Si Bullet?"

Nagpungas ito ng mata. "Nasa palengke."

"Kanina pa umalis?" Hindi man lang siya nito ginising. Kahit antok na antok siya, siguradong sasama siya rito.

Mickey shrugged. "Not sure. I think so?"

Halos alas kwatro na rin kasi nang makatulog sila kanina. She's only been asleep for four hours. Pagkagising niya ay siya na lamang mag-isa ang nakahiga. Wala sina Mona at Aika. Tulog pa rin si Felix. Nakadapa ito sa kama.

Mickey followed her to the kitchen where they found Aika.

"Lumalangoy na 'yong pancakes mo, o," puna niya. Sinabawan nito ng maple syrup ang pancakes nito. Nagmumog siya sa lababo. Sumunod naman si Mickey. Tapos ay kumuha sila ng kape.

Si Manang Sinyang ay abala sa pagluluto ng pancakes.

"Nasa'n si Mona?" tanong niya sa kaibigan.

"Namamalengke."

"Magkasama sila?" kunot-noo niyang tanong.

"Oo. Hindi ka kasi magising kanina so si Mona na lang ang nag-volunteer na sumama," sagot nito. "Kumuha ka nga ng iyo!" saway nito kay Mickey.

Inagaw ng lalaki ang tinidor mula sa kaibigan niya at nakikain ito sa plato ni Aika. Mickey easily finished half of the pancakes in two bites. Sinipa-sipa ito ni Aika sa inis.

"Naku! Diyan nagsimula ang lolo't lola ko. Parang aso't pusa kung mag-away pero kalaunan ay nagkagustuhan din!" kilig na kilig na sabi ni Manang Sinyang.

"Ibang case 'to, Manang," Aika argued.

"The more you hate, the more you love," panggagatong niya.

"The more you hate, the more you loathe is more like it," pagtatama nito.

"It's her loss, not mine," sabi naman ni Mickey.

Tinapik nito sa balikat si Aika bago kumuha ng sarili nitong pagkain. She did the same.

"Kanina pa po wala sina Mona?" tanong niya kay Manang.

"Oo. Didiretso raw sila sa restaurant, e," sagot nito. "Pabalik na siguro ang mga 'yon."

Habang kumakain ay pinanuod niya ang dalawang kasama. Tinabihan ni Mickey si Aika na noon ay nakatutok sa phone, mukhang nanunuod na naman. Inagaw ni Mickey ang phone. "Bakit nandito ka na? Episode 5 pa lang tayo kahapon, di ba?"

Napailing siya. Ang lakas makaimpluwensya ni Aika.

"Ang tagal mong gumising, e."

"Ulitin natin!"

Aika took her phone back. "Ayoko! Kumopya ka na lang kasi!"

"Ayoko!"

She knew Aika to be a little childish. She didn't expect Mickey to be the same. Nag-agawan ang dalawa sa phone hanggang sa makagalitan ni Manang Sinyang. Hindi na siya nakisali. Tahimik na lamang niyang hinintay na makabalik sina Mona.

It finally stopped raining. Masarap sanang sumama sa palengke kung hindi lang siya napuyat kaninang madaling-araw. Not that she's complaining.

--

Wala pa rin sina Mona nang magising si Felix. The three of them were already done with breakfast. Lumipat sila sa may sala habang kumakain si Felix sa kusina. Bago nila ituloy ang panunuod, tiningnan muna ni Aika ang koleksyon ng mga bala na naka-display doon. She also noticed the missing Bullet.