Back In His Arms Again (Published Under Pop Fiction)

Chapter 42

Ang mga taong makakasama ko sa bahay ay mga lalaking may malaking pagpapahalaga sa pamilya. Kung pwede ko lang sanang ibalik ang dati kung saan mas kumpleto ang pamilya nila. Kung saan pwede ko silang limang makitang tumatawa muling makakasama.

How I missed my savior's beautiful eyes.

Hindi ko maiwasang hindi mapangiti ng mapait. May mga bagay talagang hindi mo na kayang ibalik sa dati kahit anong gawin mo. Sa huli hanggang balik tanaw na lang ang kaya mong gawin. Kamusta na kaya siya?

Huminga muna ako nang malalim bago nagsimulang maglakad sa tatlong Ferell na masayang nagtatawanan. Kailangan ko nang gawin ang bagay na ipinunta ko dito sa mansyon.

I need to do the right thing.

Natigil sila sa pagtawa ang tatlong Ferell nang tuluyan na akong nakalapit sa kanila.

"Barbecue pa?" tanong sa akin ni Owen habang may inaabot sa akin. Mabilis naman akong umiling. Pinili kong umupo sa beach bed kung saan dito rin nakaupo si Troy.

"What's wrong Doll?" nagtatakang tanong niya sa akin kahit ang mga pinsan niya ay nagtataka na rin sa biglaan kong paglapit.

I need to do this.

Nakayuko lang ako habang nakapatong sa mga hita ko ang mga kamay kong nangangatal.

"I have a favor to ask Ferells.." mahinang sabi ko sa kanila. Ilang segundo muna silang hindi nagsalita bago muling sumagot si Aldus.

"Favor?" tanong sa akin ni Aldus.

"I hope you'll understand this. Kung si Nero hindi niya maintindihan itong naiisip ko, nagbabakasakali akong baka maintindihan nyo itong tatlo.." nanatili silang tahimik at nakikinig lang sa akin.

Ramdam na ramdam ko ang mga mata nila sa akin. I want to try atleast. Ito lang ang natitirang paraan para sa amin ni Nero, paraan na walang anumang buhay na manganganib. Paraang pilit kong kakayanin.

"I'm getting married next month" mahinang sabi ko sa kanila. Tulad ng nangyari kanina ay nanahimik ulit sila nang ilang segundo bago may muling nagsalita sa kanila.

"Great! Best wishes! Matutuwa niyan si LG" sagot sa akin ni Troy. Alam kong alam niya kung ano ang ibig kong sabihin pero pinili niyang magpanggap na hindi niya nakuha ang sinabi ko. Troy.

"Troy..." mahinang tawag sa kanya ni Aldus. Alam kong nakuha agad nilang tatlo ang ibig kong sabihin. Please, sana maintindihan niyo.

"I'm sorry Ferells but please help me. Tulungan nyo akong ipaintindi kay Nero na kailangan ko itong gawin..." naiiling na sabi ko

"What do you want us to do?" mabilis na tanong sa akin ni Owen.

"Tulungan nyo akong magpaliwanag sa kanya. You know Ferells, I'm afraid of the word 'death' 'yan ang huling bagay na gusto kong marinig. Ashong's mom is currently on death's bed and her dying wish is our wedding. Troy, Aldus, Owen, alam nyong hindi ko kayang tanggihan ang bagay na 'yon. Takot na akong maging rason ng panibagong kamatayan, takot na takot na ako.."