Sa mga sumunod na araw ay panay ang tawag ni Papa sa cellphone ko. Noong unang beses kong sinagot ay hindi ko alam na siya ang caller dahil hindi naman naka-save ang kaniyang numero sa'kin.
"I'm sorry sa nangyari sa charity event, Chrissy. I know you're still mad..." aniya.
Galit ako, may galit ako. Hindi mawawala ang poot sa dibdib ko dahil lamang sa isang paumanhin niya sa tawag.
Still, kahit anong patay o pagpigil ko sa tawag ni Papa ay lalo lamang itong naging pursigido. Tuwing nakikita ko ang numero nito sa aking screen ay sumasakit lang ang dibdib ko.
Bakit noong mga panahong gustong-gusto ko ang kaniyang atensyon ay hindi niya ito naibigay?
Bakit pa ngayong huli na?
Madalas na rin ang pagdalaw ni Ate Yllana sa apartment nitong mga nakaraang araw. Nag-aalala na ako dahil kung hindi humahagulgol na uuwi rito ay lunod naman sa alak. Hindi ako sanay na nasa ganoong estado ang isang Yllana Alejandre.
Na nananakit, at dinudurog.
"Men...they are such big disappointments. Why do men cheat? Why do they have this need to taste different flavors? Gustong-gusto nila. At gusto, iba-iba. Gusto, kabi-kabilaan." Halos sumubsob ito ng upo sa aking sirang couch.
"Relax, Ate Yllana. Hindi mo pa naman alam na may babae nga ang fiancee mo, 'di ba? Malay mo naman, busy...or something," kibit-balikat ko.
"Its when they are busy that scares most women, Chrissy. 'Coz, when they are, its not a 'what' they're doing, its a 'who'."
Parang nauupos na kandilang sumandal ako sa upuan. Hindi ko kayang baliin ang layaw na nakatatak sa utak ng kapatid ko patungkol sa kaniyang fiancee.
Pero kung totoo ngang may ibang babae ang kaniyang mapapangasawa ay una, naawa ako para kay Ate Yllana. Hindi pa sila kasal ay lamat na kaagad ang pagsasama nila. At pangalawa ay galit at awa patungo doon sa babaeng kumakasama.
Kung itatali na ang isang tao, 'wag na. Tama na. Iyon na ang limitation. Kasi hindi niya alam ang sisirain niyang pamilya, at 'yung maapektuhan ay ang mga bata sa loob at sa labas ng pamilya. Halos nakikita ko ang mga mangyayari dahil iyon ang nangyari sa'kin dalawampung taon na ang nakalipas.
At nangyayari pa rin naman ngayon. Wala akong maramdamang iba sa aking kapatid kung hindi awa at pananakit.
"Boyfriend mo na si Sir Ram?" inosenteng tanong ni Royette nang pumasok na ako sa bistro.
"H-Ha?" Pumula ang pisngi ko.
Para akong usang natulala. Medyo halata siguro kasi palagi akong nagpupunta sa second floor at bumababa si Ram sa likod ng counters upang bantayan ako!
"Ayiiie, si Chrissy! Ayaw pa sabihin!"
Nakikiusyoso na ang ibang crew sa kitchen. Tumikhim si Colofer na alam kong nakakatunog na sa amin ni Ram. Mas lalong pumula ang mga pisngi ko. Hindi ko naman alam na ganito na pala ka-showbiz ang relasyon namin.
"Ang tagal na. Ngayon mo lang nalaman?" iiling-iling si Mirna kay Royette.
Inulan pa ako ng mas maraming tanong. Nakalimutan na yata nila ang mga customers at mga orders ng mga iyon!
"Siguro? O-Oo? E, kasi hindi naman siya nanliligaw..." naiilang na sabi ko.
"Hindi pa nanliligaw si sir?! Walang balls!" hysterical si Kurt.
"Hoy! Hindi na uso ang ligaw ngayon, Kurt. Magtigil ka d'yan."
"Uso pa kaya..." singit naman ni Japeth sa gilid. Sinamaan ito kaagad ni Mirna ng tingin at napaiwas ng tingin si Japeth. Napanguso ako.
