Back In His Arms Again (Published Under Pop Fiction)

Chapter 34

"I'm not Gio, nadulas talaga ako sa pagmamadali..hindi ako nag ingat" pinilit kong salubungin ang kanyang mga mata kahit malalakas ang paghataw ng dibdib ko. Kailangan ko siyang kumbinsihin sa pagsisinungaling ko.

Another white lies.

Hindi na niya ako muling tinanong nang dumating si Stefan kasama ang isang doctor. Mabilis lumapit sa akin ang doctor at tinanong ako ng kung ano ano na maayos ko namang nasagot.

May ilan pa siyang sinabi na hindi ko na maintindihan..tanging si Gio at Patrick na lang ang kumakausap sa doctor. Habang ako ay nakatingin sa repleksyon ko mula sa bintana. Kitang kita ko ang mga benda ko sa ulo..

"So far mula sa mga examinations niya at observation ko, wala naman akong nakikitang komplikasyon sa kanya. Kailangan niya munang manatili dito ng ilang araw para mas masuri at maantabayan. May ilang examinations pa siyang kailangang gawin para masiguro na maayos na siya. Pero sa ngayon ay kailangan niya ng pahinga.." nilingon ako ng doctor na ngumiti sa akin. Marahan lang akong tumango sa kanya.

"Sige mauna na ako" pamamaalam sa amin ng doctor.

"Salamat doc" sabi ni Stefan.

Nang makalabas na ang doctor ay muling lumapit sa akin si Gio.

"I won't ask you again. Magpahinga ka muna..pero wag mong isiping hindi na ulit ako magtatanong sayo Florence.." bumalik na ulit siya sa kanyang pagkakaupo maging si Patrick at Stefan ay nanatili na lang tahimik.

Hindi ko siya masisisi, alam kong gusto niyang malaman kung ano talaga ang totoong nangyari pero hangga't maaari ay ililihim ko ito. Siguradong malaking gulo ang mangyayari kapag nalaman ng dalawa kong pinsan ang nangyari. Gulo kung gulo ang talagang gagawin nila.

Sinimulan kong ibangon ang sarili ko.

"Ate, wait. Aalalayan na kita" hindi na ako nakaangal nang daluhan ako ni Patrick at Stefan. Agad nilang inilagay sa headrest ang unan para masandalan ko.

"Thanks.." mahinang sabi ko sa kanila.

"Huwag mo na lang pansinin 'yan Ate..nag aalala lang ang Gio'ng 'yan" bulong sa akin ni Stefan.

"Paiyak na 'yan kahapon pa" bulong din sa akin ni Patrick na ikinangisi ko.

"Don't worry Ate Florence..sa lahat ng may benda sa ulo ikaw pa lang ang nakikita kong maganda" namumulang sabi sa akin ni Stefan na kakamot kamot ng ulo.

Why so cute? Napapailing na lang ako.

"Gusto mong ikaw ang lagyan ko ng dextrose Stefan Ortega?" iritadong tanong ni Gio na nakahalukipkip sa kanyang upuan.

"Agree, you're still beautiful Ate.. magpagaling ka na" kumindat pa sa akin si Patrick.

"Oo na po, magpapagaling na. Binobola nyo na ako, haist. Hindi ba kayo hinahanap sa inyo?" mabilis ang iniiling ng dalawa sa akin.

"Baka dumalaw si Mama dito bukas.." sabi ni Patrick. Kung hindi ako nagkakamali ay doctor ang mama niya.