Locker 246

Twenty-third Chapter - Galit Ako

Nasa gitna siya ng court at nagpapractice magshoot. Hindi niya pansin na nakalapit na ako sa kanya kasi nakatalikod siya sakin.

"Hoy." napalingon siya sakin at mababakasan ang gulat sa tinawag ko sa kanya.

Ako rin nagulat sa sarili ko. Pero siguro okay na rin to. Baka sakaling makuha ko yung tagumpay na makalimutan siya kapag pinilit kong magalit sa kanya. Wala naman sigurong mawawala kung susubukan ko, diba?

Napadako yung tingin niya sa buhok ko.

"Hoy ka rin." aniya at shinoot yung bolang hawak niya. Sinundan ko naman ng tingin yung bola at muntik na kong mapa-wow nang pumasok ito sa ring. Buti na lang napigilan ko.

We're like 3 meters away from the 3-point borderline pero nagawa pa rin niyang ishoot yun?

Hep. Mico, calm yourself. Stop admiring him. Basketball lang yan, and you hate basketball right? Tama! Yan, breathe in, breathe out. Kumalma ka.

I maintained my poker face.

"Magstart na tayo." monotone kong sabi.

"Nagwarm up ka na ba?" monotone niya ring sagot at hinarap ako.

"Kailangan pa ba yun? Magstart na tayo para matapos na to." I'm doing it right, right?

Akala ko magsstart na kami pero bigla siyang nagstretching for warm up. Pinanood ko lang siya, kung pano nafeflex yung muscles niya sa braso habang nagsstretch siya, they look so strong.

Okay, eto na naman ako. Mico, calm yourself. Eh ano kung ang strong tingnan ng mga braso niya? Galit ka sa kanya, okay? Braso lang yan.

"Gayahin mo ko. Magwarm up ka." aniya habang patuloy na nagwawarm-up.

Hindi ko siya sinunod. Nanatili lang akong nakatayo.

"Ayaw mo? Okay. Hindi naman ako yung magkaka-singko eh."

"Eto na nga, magwawarm up na. Wala namang sinabing ayaw eh. Napaka." dahil sa phobia ko sa grade na 3 o 5, nagwarm up na rin ako.

"Napakagwapo? Tsk. You need not say what's too obvious." ginaya ko lang yung ginagawa niya.

"Hinde. Napakahambog. Feeling ka dyan."

"Napaka mo rin." napatingin tuloy ako sa mukha niya, "Napakalampa. Nag-almusal ka ba? Ano bang klaseng warm-up yan?"

"Ginagawa ko yung best ko kaya pwede ba?" pinamewangan ko siya.

"Best?" tumawa lang siya nang mapang-asar.

Kinuha ko na yung bola at nag-dribble.

"Magsimula na nga tayo." naging mabilis naman yung kilos niya at inagaw sakin yung bola. Nalanghap ko yung mabangong hangin na umihip nang dumaan siya sa gilid ko.

'Eh ano kung mabango siya, Mico? Mabango din si Luis, diba? Oo. Tama. Galit ako.'

I turned around para tingnan siya. Nagdidribble siya ngayon habang nakatingin sakin.

"Ako ang masusunod. We won't start until I say so. Naiintindihan mo?" seryoso siya kaya parang nahipnotismo akong tumango.

"Footwork muna tayo. Ganito." he slowly demonstrated kung pano yung footwork na sinasabi niya.

Ginaya ko naman and I suddenly felt proud of myself dahil nagawa ko.

"Mani lang pala eh."