AND I LOVE YOU SO

Chapter 25

Published: October 8, 2013

CHAPTER 25

RICKY’s POV

            Nahirapan akong matulog kagabi dahil puro si Katie ang laman ng utak ko.  Sumakit tuloy ang ulo ko at nawala ako sa kundisyon. Pero kailangan kong bumangon nang maaga dahil ihahatid ko na kasi ang mga nanay sa bus station.  Kailangan na kasi nilang umuwi sa Isabela at hindi naman din puwedeng mag-absent nang matagal ang mga kapatid ko.  Sobrang bilis nang panahon.  Who would have thought na halos nakaka two weeks na rin pala ako dito sa Pilipinas?  But sadly, ang natitirang one week ko, I’ll be spending it alone.  Hindi naman din ako makasama sa Isabela dahil na nga rin sa mga naka-set na meetings ko. 

            Matapos ko silang ihatid sa bus station, I decided na dumiretso sa opisina ni Katie.  Yes, sa office niya!  This is wrong, pero wala naman sigurong masama kung makasama ko siya kahit sandali. 

          “Ma’am, someone here wants to see you.”  Nasa harapan lang ako n'ung secretary niya at tinatawagan si Katie sa loob opisina.  “Mr. Ricky Olivares, ma’am…”  Sumulyap pa siya sa akin at matapos nga ang maikling pag-uusap ay sinamahan niya ako sa opisina ni Katie.

Pagbungad pa lang ay nasalubong ko na ang tila gulat niyang mukha.

            “Hi.”  I awkwardly greeted her.

            “H-hi...  What are you doing here?”  Takang tanong pa niya.

            “I just wanted to see you.”  Ngumiti lang ako at nasa pinto pa rin ako katabi n'ung secretary niya na obviously kinikilig.  Nag-angat lang ng kilay si Katie d'un sa babae na mabilis din namang napatalikod.  “May I come in?” 

          “O-of course!”  Taranta pang sabi niya at bahagyang umiling-iling.  I know that look, she’s happy to see me. 

            Noon na ako tuluyang pumasok sa opisina niya at kinabig ko iyon pasara.

            “Can I offer you anything?  Coffee or juice?”  Pormal pa niyang tanong.

            “You might want to tell me to sit first.”  Biro ko pa at napanguso lang siya.

            “Jeez, I need proper training!”  Natatawa pang sabi niya at hinila ako paupo sa leather couches niya.

            “Nice office…”  Inilibot ko ang tingin ko sa paligid ng opisina niya.  Like mine in New York, full glass wall ang likuran ng table niya.  Tanaw na tanaw ang mga buildings from the outside.  Carpeted din ang buong area at may receiving area, tulad nang inuupuan namin ngayon. Centralized ang aircon and may sariling comfort room din.  The whole place is painted white kaya masarap lang sa mata.

            “Thank you.”  Matamis pa siyang ngumiti.  “Probably, mas maganda ang office mo in New York?”

          “Yes.”  Hindi na rin ako nagsinungaling.  Kahit papaano naman kasi’y maganda na ang posisyon ko doon.

            “What can I do for you then?”  Pormal pa ring sabi niya at hindi ako makapaniwala sa ipinagbago niya.  Bahagya mang nagmature ang hitsura niya, she was still the most beautiful woman I've seen.  

            “Hinatid ko lang ang mga nanay sa bus station pauwi sa Isabela.  Alam mo na, may pasok sina Gelyn at Pikoy.”