Let's do this!

Chapter 7

"Sabi ni Sami, may humahabol daw sayo. Sino?" tanong naman ni Brent sakin

"It's my father's body guards."

"Tae. Mayaman ka?" tanong ni Chloe sakin. Nanlalaki pa ang mga mata niya.

"Hindi halata ah, naglalakad ka pauwi tapos hindi mo rin naman nabanggit samin." sabi naman ni Iya

"Hindi naman masaya eh. Pinipilit niya ako na umalis na rito. Ayaw niya na ako magtraining kasi wala raw akong pupuntahan dito. Mag-business course raw ako so I could take over his business. Yan ang lagi niya sinasabi. Pero ito ang gusto ko. May magagawa ba sila ni Mommy?" pagkekwento ko naman sakanila.

"I really understand how you feel. Umm, actually pinalayas ako last last week samin. Hindi ko pa naikwento kasi nakakahiya. Pero ayun, nakatira ako kela Brent ngayon. Nakakahiya na nga eh. Pero thankful pa rin ako kela tita kasi pinatira nila ako sakanya. Well, pinalayas ako for the same reason." pagkekwento naman ni Iya samin. So, hindi lang pala ako. Ang pagkakaiba lang, pinalayas na siya.

"So, mayaman ka rin?" tanong naman ni Pau

"Hindi kami mayaman. Okay lang."

"May kaya sila." sagot naman ni Brent

"Pero grabe naman, hindi ba parang sobra naman yung palayasin ka?" tanong naman ni Sami

"Well, ganun sila Papa eh. Ayoko ng pag-usapan yun." sabi niya naman tsaka ngumiti

Naputol nalang ang pagkekwentuhan namin ng dumating na si Mr. Basti at pinaupo na kami sa respective places namin. Nagsimula na rin naman siya na magturo samin ng mga notes and kung pano ang pitch.

***

[Chloe's POV]

Latang lata ako ngayon. Napagod ako sa pinaggawa samin. Hindi man nakakapagod yung ginawa kay sir basti pero yung sa drama class namin kanina nakakapagod. Pano ba naman nag-role play kami on the spot. Pinaggawa lang kami ng story line for 30 mins then perform again. Buti nga at naging okay naman ang performance namin kanina.

Tahimik lang akong naglalakad. Nakasunod naman sakin si Pau. Syempre iisa lang naman ang way namin pauwi eh.