All The Single Ladies

Mona and Trent

Author's Note:

              Mauna na ako! Hindi lahat saya! Hindi lahat tawa lang! Minsan kailangan din ng konting spice, and that is sadness. Basahin ng malaman!

+++++++

So saborang paniniwala ko na "ang love hindi hinahanap, ito ay kusang dumarating" ay napag-iwanan na ako sa kangkungan. Si Yani na mas bata sa akin luma-love life na, si Akira naikasal na, si Hush mukhang malapit na rin magkaroon, si Maxx naman malihim pero mukhang inspired. Ako na lang talaga, dahil sa mga nangyayari kailangan ko na siyang hanapin.

"Mona Laine?!"

"Yes?" Hindi ko siya kilala. Sino ba 'to? "Sorry but, do I know you?"

Ngumiti siya at saka nagsalita. "Its me, Trent." Wait...may kilala ba akong Trent even from the past? Ex-boyfriend ko ba siya? Malamang hindi. "Literature 539 at Immaculate University with professor Lobres." Wait...

"Oh my God! Seryoso? Ikaw si Potpot na boyfriend ko na bigla na lang nawala?" Please note sarcasm everyone.

Seriously? Siya talaga si Trent Parker na saksakan ng taba na boyfriend koduring our college days? Hello, ang payat...no, ang ganda ng katawan nitong lalake na 'to eh. Six or seven years lang ang nakaraan pero eto na siya ngayon? Unbelievable! Still, I don't care. He is still the Tabs who used to be my boyfriend na bigla na lang nawala.

"Yes, and I'm very sorry for leaving you." Sincere na sabi niya.

"Anong nangyari sa 'yo?"

"Taghirap sa Missouri, walang makain eh." Tiningnan ko siya ng masama. "I'm just kidding. How are you?"

Tinitigan ko lang siya. "Hindi tayo close, don't talk to me." Pagkasabi ko noon ay tinalikuran ko na siya.

"Monay wait up!" Tawag pa niya pero hindi ko siya pinansin.

"HE'S BACK!"

"Sino?" Tanong nila.

Sinabi ko sa kanila kung sino at sinabi ko ang naging pagbabago niya physically.

"Etong mataba na 'to? Macho na ngayon?" Turo ni Yani sa picture na pinakita ko sa kanila. "Nasaan ebidensya?"

"Ano naman mapapala ko kung magsisinungaling ako sa inyo?" Tanong ko.

"O sige, you're telling the truth. Eh ano naman ang problema kung nandito na ulit ang ex-boyfriend mong mataba? Diba galit ka sa kanya kasi bigla ka na lang niyang iniwan ng walang paalam." Mahabang sabi ni Hush.

"Ex-boyfriend mo na siya, bakit ngayon affected ka sa pagbabalik niya?"

"Naisip ko lang, kanina kasi bago ko siya makita sabi ko maghahanap na ako ng love life. Sa tingin niyo, bakit bigla ko na lang siyang nakita? Sa tingin niyo siya talaga na ang forever ko?"

Lahat sila binato lang ako ng popcorn. What a very supportive friends, really!

"Hopeless romantic." Sabi ni Yani.

"Imagination overload!" Sabi naman ni Maxx.

"Desperate thinking equals assume pa more!" Ngingiti-ngiting sabi naman ni Hush. "Assume-era ka ng taon! Bigyan ng korona!"

Sinamaan ko silang lahat ng tingin. Mga paker sila. Napakabuti nilang kaibigan.

"Ang sama niyo."

"Pero seryoso, kamusta naman ang pagkikita niyo? Napatawad mo na siya? As in forgive and forget agad?" Tanong ni Maxx.

Tiningnan ko siya na parang tinatanong kung nakalimutan na ba niya ang kwento ko kanina. Magsasalita na sana ako ng may nag-doorbell.