99 Days of Freedom

Day 7: Zinco

Azalea Zhinli Centana's POV

Nanghihina ako. Hayyy...
Gusto kong matulog pero ayokong magkulong sa kwarto para doon magpahinga. Masyadong maiksi ang 99 days para magtulog lang ako sa kwarto ko. Tsaka isa pa free time na kaya pwede na kong tumambay kung saan saan. Kagaya ngayon magkasama kami ni Amarine na lumalantak ng madaming pagkain.

" Sigurado ka bang ayos ka lang hah Zhinli? Medyo maputla ka kasi. " sabi ni Amarine.

" Ayos nga lang ako. Hahaha.. Mamaya ka na nga dumaldal may chocolate pa yung ngipin mo eh." Sabi ko habang tinuturo yung ngipin niya.

Napagod lang naman ako pag-aayos nung nasirang harang kaninang madaling araw. Ayaw pa nga sana akong papasukin nila Hedamaster eh, buti na lang cute ako kaya nadaan pa sila sa charm ko.

Alam niyo kasi kahit na mana keeper ako ng unli na mana, napapagod din ako no... Super concentrate kaya ako kanina.

" Kyaaa... " tilian ng mga babae dito sa cafeteria. Hindi naman na ako nag-abalang tumingin kasi paniguradong ang Hunters yun. Sila lang naman ang tinitilian dito :*

" Oh tulala ka diyan Amarine?" Tanong ko sa kanya nung nakatulala siyang nakatingin sa akin. Napakunot naman yung noo ko ng may maramdaman akong malambot sa may paanan ko.

" Hihihi....nakikiliti ako." Sabi ko tsaka tinignan yung nasa ilalim ng upuan ko.

Hala ka!

Mitchisel Fern Zerez's POV

" Tantanan mo nga ako sa kakatawag mo ng Mitchisel! Baka gustong ipakain kita sa lupa Ace!" Sabi ko kay Ace na kanina pa Mitchisel ng Mitchisel. Naiinis pa naman ako sa pangalan kong iyan. Masayado kasing pangbabae.

" Hindi mo kaya yun Mitchisel. Manghihinayang ka lang sa kagwapuhan ko eh. " sabi ni Ace kaya pinagalaw ko na yung mga puno para bantaan siya.

Mukha namang naalerto si Zinco kaya umapoy na naman yung katawan niya.

" Awat na Fern natatakot si Zinco." Sabi ni Yara. Tinignan ko naman ng masama si Ace tsaka tinigil yung pagalaw ng mga puno.

" Tsk! " sabi ko tsaka medyo naunang naglakad.

" Hahaha.. Kayo ngayon na nga lang natin nakasama si Zinco eh." Sabi ni Adara. Buti nandito to ngayon, madalas kasi na nasa Royal Council tong babaeng to kasi siya lang naman ang may ganang makipag-usap sa Royal Council.

Tinignan ko naman si Zinco na naglalakad sa tabi ni Zaid.

Isang Wolfen si Zinco. Lagi namin siyang kasama noon kaya lang nabulag siya sa isang labanan kaya lagi na kang siyang nasa likod ng Hunter's Dorm. Nagulat na lang kaming lahat ng nakita namin si Zinco sa tapat ng kwarto ni Zaid kaninang umaga at ang nas nakakagulat pa eh yung nakakakita na siya.

Kahit nga si Yara na pinakamagaling sa Aqua Kingdom hindi nagamot yung mga mata ni Zinco eh.

" Zinco! " tawag ni Yara kay Zinco na tumakbo papasok ng cafeteria. Hinabol naman namin siya at nagulat talaga kami sa nilapitan niya.

" Bakit lumapit si Zinco sa kanya? " tanong ni Adara. Nakatingin naman ako kay Zinco na nasa paanan ni Zhinli.

" Hihihi....nakikiliti ako." Sabi ni Zhinli. Nasa likod na niya kami pero mukhang di niya ata napapansin. Dahan dahan siyang yumuko tsaka tinignan yung nasa may paanan niya.

Pfffttt...

" Kyaaa... " sigaw niya tsaka biglang napatayo.

" Naku! Nakakagulat ka naman." Sabi niya ng narealize niya kung ano yung nasa paanan niya kanina.