تجاهلوا الاخطاء ♡
تذكير ♡
يزن حس بارتياح بسيط، دموعه نزلت أكثر، بس هالمرة مختلطة بخفة أمل.
وسام ضحك بخفة، ضغط على كتفه وقال:
"شوف؟ كلشي رح يكون تمام... إحنا وياك."
الجو صار أهدأ شوي، الهواء البارد يلمس وجوههم، بس الطريق للبيت مازال طويل.
آلان كان يمشي قدام، يزن ووسام وراه، وكل خطوة تخليهم أقرب للبيت، أقرب للأمان ولو بشكل مؤقت.
بالبيت، كانوا يعرفون إن المشهد ما انتهى بعد، لكن اللحظة هاي، الطريق هذا، خلتهم يحسون بشيء نادر: أن حتى بعد كل التوتر، الخوف، والانكسار، يبقى فيه شعور بالسيطرة، بالرعاية، وبالقرب من بعضهم.
باب البيت انفتح، صوت المفاتيح رنّ بخفة، وآلان داخل ويزن وياه بخطوات متعبة، الاثنين واضح عليهم الإرهاق بعد اليوم الطويل.
وسام وقف عند الباب، التفت إلهم وقال بابتسامة خفيفة:
– ديروا بالكم عالطريق، أني أروح هسه.
آلان أومأ برأسه، ويزن رفع إيده يودعه بابتسامة بسيطة، وبعدها وسام مشى وطلع.
البيت كان هادئ، بس أول ما دخلوا للصالة، صوت ناعم ناداهم:
– آلان؟ يزن؟ صاير شي؟
كانت أم آلان طالعة من المطبخ، ووجهها مليان قلق.
قربت منهم بخطوات سريعة، نظرت ليزن وقالت بخوف واضح:
– شبيك حبيبي؟ ليش وجهك شاحب؟
آلان حط إيده بخفة على كتف يزن، وقال بصوت هادي:
– لا تخافين، أمه، تعب بس من الإرهاق، ماكو شي خطير. كنا بالمستشفى وطمنونا.
تنهدت الأم وارتاحت شوي، وقالت:
– الحمد لله… خوفتوني والله، أول ما شفتكم هيچ حسّيت شي صار.
لكن قبل ما تكمل كلامها، يزن حس بدوخة مفاجئة، عيونه غبشت شوي، وخطا خطوة لقدام قبل ما يفقد توازنه تمامًا.
آلان بسرعة مدّ إيده، لحقه قبل لا يوقع، وشاله بكل قوته، إيده دخلت تحت رجله، والثانية لفت على خصره، وسنده بقوة لصدره.
الأم توقفت بمكانها، نظرت للمشهد بدهشة، وبعدها ابتسمت بخفة وهي تحاول تخفي ضحكتها.
كانت تدري، قبل فترة، آلان حتى ما يطيق يسمع باسم يزن، واليوم يشيله بهالطريقة؟!
هزّت راسها بابتسامة صغيرة، وقالت وهي تبتعد باتجاه الصالة:
– خير إن شاء الله… شكل الوضع دا يتحسن أكثر مما توقعت.
آلان رفع نظره لوجه يزن اللي صار أحمر أكثر من الدم، عيونه مفتوحة بدهشة، وصوته طالع متردد:
– آلان… أمك موجودة…
آلان نظر إله بنظرة باردة بس بيها نغمة خفيفة غريبة، وقال بهدوء:
– راحت، وشي طبيعي أشيل زوجي، مو؟
يزن تجمّد بمكانه، الكلمة “زوجي” ضربت باذنه مثل صاعقة. أول مرة يسمعها من آلان بهالطريقة.
بقى ساكت، وحرارته صعدت من الخجل أكثر من التعب.
BINABASA MO ANG
دلوع الشيخ آلان ^♡^
Romance--- في قلب العراق، يعيش آلان البراق، الرجل القوي والمهيب الذي يحمل إرث عائلته كشيخ للعشيرة، صاحب اليدين العروقتين والملامح الحادة، هادئ القلب لكنه لا يلين أمام التحديات. إلى جانبه، أخوه الأصغر تيم، المدلّل المحبوب، الذي لا يعرف الخوف، لكنه يجد نفسه...
