تجاهلوا الاخطاء ♡
تذكير ♡
سامي انهار بالكامل، دموعه نزلت على صدورهم، وهو يحچي بصعوبة:
"يزنن… أني ما أستحق… أني… أني…"
يزن ربت على ظهره بحنان، يحاول يخفف من وجعه:
"كافي… تكفي بكاء… تعال، خلينا نوقف هالشي… مع بعض… كلشي رح يمر، إن شاء الله."
سيلينا وقفت قريب، عيونها مليانة دموع، بس ما حركت أحد، خليتهم ينسون العالم كله باللحظة… يزن وسامي، قلب واحد، دموع وانكسار، وصدق مشاعر، وجو الحديقة صار دافي رغم المطر البارد.
---
✦✦✦
يزن مسح دموعه بسرعة وهو بعده يحاول يسيطر، جذب نفس عميق ورجع بخطوات ثقيلة للمجلس. كل نظرات أهله وراه، الكل ساكت.
دخل، شاف آلان واكف مثل جبل، وأبوه جالس بنص الرجال. الجو ثقيل، الكل وجوههم متشنجة.
أبوه آلان بصوت حازم:
"بعد ما صار، الدم لازم ينغسل… وإحنا ما نرضى غير بالفصليه. والفصليه هي يزن."
المجلس كله هز براسه موافق. آلان ظل ساكت، عيونه مثبتة على يزن كأنها سهام، لا رحمة ولا تردد.
يزن وقف متجمد، قلبه يريد يطلع من صدره. سمع كل كلمة كأنها سكين.
أبوه رفع صوته:
"اتفقنا. يزن يصير فصليه من اليوم."
الرجال واحد واحد قاموا، سلموا وطلعوا. آلان آخر واحد، وقف قبال يزن لحظة، نظره جامد مثل الحديد، وبعدين التفت وطلع وراهم.
—
بمجرد ما تسد الباب، يزن حس روحه يوقع. جلس على الأرض فجأة، دموعه اندفعت مثل المطر.
"يمّه… يمّه ليش آني؟ ليش مو غيري؟" صوته مكسور.
أمه ركضت حضنته، تحاول تهديه:
"روحي… حبيبي لا تحچي هيچ… الله كبير."
سامي كعد جنبه، وجهه أبيض مثل الورقة:
"يزنن… أني السبب… أني السبب بكلشي… لو ما دفعت تيم، ما كان صار هيچ! لو ما عصّبت، ما كان… ما كان أنت اليوم ضايع!"
سامي انهار بالبچي، ماسك راسه:
"خلي ياخذوني أني! مو هو! هو ما سوى شي!"
وسام حاول يمسكه:
"سامي! كافي… الوضع ما يتحمل! لازم نكون عاقلين!"
بس سامي دفع إيده، يبچي ويصيح:
"شلون أكون عاقل وأنا دمرت أخويه؟!"
سيف حاول يهدي يزن بنفس الوقت:
"يزنن… حبيبي، إنت مو وحدك… نلكه حل… لا تستسلم."
سيلينا ركضت عليهم، مسكت حضن يزن:
"لا تروح… أرجوك لا تروح… أني ما أتحمل."
صار المشهد فوضى: يزن ينهار، سامي يلوم نفسه ويصيح، سيلينا تبچي متشبثة، والأم تحاول تضم الكل. وسام وسيف تايهين بين يزن وسامي، ما يعرفون المن يهدون: الأخ اللي راح يُسحب كفصليه، لو الأخ الصغير اللي انهار بالذنب.
ŞİMDİ OKUDUĞUN
دلوع الشيخ آلان ^♡^
Romantizm--- في قلب العراق، يعيش آلان البراق، الرجل القوي والمهيب الذي يحمل إرث عائلته كشيخ للعشيرة، صاحب اليدين العروقتين والملامح الحادة، هادئ القلب لكنه لا يلين أمام التحديات. إلى جانبه، أخوه الأصغر تيم، المدلّل المحبوب، الذي لا يعرف الخوف، لكنه يجد نفسه...
