LOVE ME NOT!(ពិសស្នេហ៍)

ប្រវិត្តរូប

+Leonid  Volkov- (លេអូនិក វ៉ុលកូវ) មានឈ្មោះពីកំណើត ជីវ៉ុន ផាក មានអាយុ២៧ឆ្នាំ ជាបងប្រុសបង្កើតរបស់ជីមីន ធំធាត់ឡើងមកជាមួយគ្នា ជាកត្តាដែលធ្វើឲ្យនាយស្រលាញ់ជីមីនខ្លាំង សុខចិត្តលះបង់ជីវិតក៏មិនព្រមឲ្យជីមីនជួបការលំបាក។ នាយធំធាត់ក្រោមការមើលថែរបស់លោកវ៉ុលកូវ ទំនុកបម្រុងគ្រប់យ៉ាង ទាំងការរស់នៅនិងការសិក្សា ។ គ្រប់គ្នាតែងតែគិតថានាយសំណាងសូម្បីតែជីមីន ប៉ុន្តែការពិតនៅពីក្រោយនេះមិនដូចអ្វីដែលគ្រប់គ្នាគិតទេ តាំងតែពីតូចមកនាយជួបរឿងរ៉ាវលំបាក វេទនាជាច្រើនដែលលោកវ៉ុលកូវបានដាក់សម្ពាធមកកាន់នាយ ។ ពីក្មេងប្រុសជនជាតិកូរ៉េធ្លាប់តែទៅសាលាមកផ្ទះ ញាំអាហារ រត់លេងជាមួយប្អូនហើយក៏ចូលគេង ប៉ុន្តែសុខៗត្រូវចូលក្នុងត្រកូលម៉ាហ្វៀ ជីវិតរបស់នាយត្រូវផ្លាស់ប្ដូរទាំងស្រុង នាយត្រូវហ្វឹកហាត់ពីរបៀបការពារខ្លួន រហូតត្រូវយកជីវិតទៅប្រថុយក៏មានដើម្បីពង្រីកសមត្ថភាព។ ធ្លាប់ត្រូវគេវាយដំរងរបួសពេញខ្លួន ធ្លាប់ត្រូវគេបង្អត់អាហារ ធ្លាប់ត្រូវគេឃុំឃាំងក្នុងបន្ទប់ងងឹត ធ្លាប់រត់រាប់រយគីឡូម៉ែតគេចពីសត្វកាចសាហាវជាច្រើន ខណៈជីមីនគ្រាន់តែនៅផ្ទះញាំអាហារហើយក៏សម្រាក ព្រោះនេះជាអ្វីដែលនាយស្នើរសុំពីលោកវ៉ុលកូវ នាយសុខចិត្តលំបាក ក៏មិនឲ្យជីមីនមកលំបាកជាមួយដែល ដូច្នេះហើយទើបនាយត្រូវទទួលរងសម្ពាធគុណនឹង២ជំនួសជីមីន ។ តែនាយនៅតែអរគុណដល់លោកវ៉ុលកូវដែលធ្វើឲ្យនាយជួបភាពលំបាករហូតរឹងមាំ មានសមត្ថភាព កេរ្តិ៍ឈ្មោះដូចនាបច្ចុប្បន្ន ប្រសិនបើគ្មានគាត់នាយក៏គ្មានថ្ងៃនេះដូចគ្នា...