دلوع الشيخ آلان ^♡^

Part 5 ^♡^

آلان مد إيده، سحب البطانية شوي، كشف وجه يزن المبلل بالدموع. للحظة، ملامح آلان صارت غريبة، بين القسوة والاهتمام:
آلان: "إنت ما تفهم… كلشي دا أسويه حتى تصير أقوى. حتى تبطل تكون ضعيف."

يزن ارتجف: "آني مو ضعيف… آني بس ما أريد أكون وياك!"

الكلمة طعنت آلان، انعكس بعينيه شرارة غضب. وقف بسرعة، تركه، وطلع من الغرفة وهو يسحب الباب بقوة.

يزن انكمش أكثر بالسرير، صوته خافت: "سيف… ساعدني."

---

🌌 الفجر – بيت آلان

الساعة 5 الصبح، يزن ما نام ولا دقيقة. باب غرفته انفتح فجأة، آلان واقف لابس ملابس تدريب سود.
آلان: "كوم. عندنا تدريب."

يزن تردد: "تدريب؟"

آلان ببرود: "إي. إذا تبقى جبان، ما راح تطلع من تحت جناحي. تعلّم توقف، تعلّم تدافع."

يزن وقف غصب عنه، رجليه ضعيفة، مشى وراه للحديقة الخلفية.

كانت الحديقة كلها أجهزة، أدوات تدريب قاسية. آلان وقف مقابله:
آلان: "أول درس: لا تعتمد على دموعك. اعتمد على قوتك."

يزن ارتبك: "آني ما… ما أعرف."

آلان اقترب بخطوة: "تعلم… أو أنكسر."

---

🌌 بيت الأهل – الصبح

سيف ما نام الليل كله. من الصبح راح لوسام:
سيف: "لازم نتحرك. ما أقدر أنتظر. لازم أروح أجيب يزن اليوم قبل باچر."

وسام نظر له: "بس وين؟ بيت آلان؟ تدري شكد الموضوع خطر؟"

سيف: "ما يهمني… يزن ما ينترك يوم واحد وياه."

الأب دخل يسمعهم، حط إيده على كتف سيف:
الأب: "إذا ناوي تروح، ما تروح وحدك. نخطط… ونحسب كل خطوة. يزن لازم يرجع، بس ما نخسره بطريقة متهورة."

---

🌌 الحديقة – بيت آلان

آلان وقف، رفع يده، أشار ليزن يهاجمه:
آلان: "أضرب. هسه."

يزن تجمد: "ما أگدر."

آلان رفع صوته لأول مرة: "أضرب!!"

يزن ارتجف، رفع إيده بخوف، مدها للأمام، بس آلان مسكها بسهولة، رماه عالأرض.
آلان: "شفت؟ هيچ تبقى طول عمرك ضعيف. إذا تريد تتحرر… لازم تواجه."

يزن عيونه دموع، بس من داخله، ذكر عيون سيف وهو يقول له "ما أخذلك". أخذ نفس عميق، وقف مرة ثانية، حتى لو يرتجف.

يزن: "ما أريد أكون ضعيف… بس هم ما أريد أكون مثلك."

آلان جمد بمكانه، لأول مرة صوته داخله تخلخل.

---

✨🌸

---

🌌 اليوم الثاني – بيت آلان