«នេះបើរវល់តែប្រកែកគ្នាបែបនេះតើនឹងដាំហើយទេ?»
«ហើយ» រាងមាំក៏ឆ្លើយយ៉ាងស្វាហាប់ធ្វើដូចជាគេជាអ្នកដាំអញ្ចឹង ជជែកគ្នាផងធ្វើការផងគឺថាមុន្នីមិនព្រមអោយកម្លោះក្សត្រានេះចូលមកក្បែរនាងល្អិតបានសោះ។
«យេ!!រួចរាល់ហើយ»
«នេះរយះពេលយូរប៉ុណ្ណាទើបវាមានផ្កា»
«មិនយូរទេណា»
«អរគុណច្រើនណាក្សត្រា»
«មិនបាច់អរគុណទេណា ទុកថាខ្ញុំជូនចុះ»
«នេះនៅនិយាយគ្នាយូរទេខ្ញុំឃ្លានហើយ»
«បើបងឃ្លានត្រឡប់ទៅផ្ទះមុនទៅ ខ្ញុំនៅបង្ហើយការងារសិន»
«អេ!!មិនបានទេត្រូវត្រឡប់ទៅវិញជាមួយគ្នាទើបបាន»
«......បងក្សត្រា» កំពុងតែជជែកគ្នាសុខៗសំឡេងស្រួយស្រិចរបស់មនុស្សស្រីម្នាក់ក៏បានបន្លឺឡើងពីចំការក្បែរនោះ។
«ភីម»
«នេះមកសំងំនៅទីនេះទេឬ? លោកប៉ាកំពុងតែតាមរកបងណា»
«ប៉ារកបង មានការអីមែនទេ?»
«ខ្ញុំក៏មិនដឹងដែរ ឆាប់ឡើង»
«ចឹងខ្ញុំទៅវិញហើយសិនហើយ»
«ចា៎» នាងល្អិតដែលនៅម្តាងរបងបម្រុងត្រឡប់ទៅវិញហើយស្រាប់តែបែរមកវិញព្រោះតែចាប់ចិត្តនឹងមនុស្សស្រីម្នាក់ដែលនាងមិនធ្លាប់បានជួបពីមុន។
«អេ! បងស្រីឈ្មោះអីដែរ?» មិនត្រឹមតែសួរប៉ុណ្ណោះនោះទេគឺនាងល្អិតភីមនេះបានចូលមកក្នុងចម្ការរបស់និរតីផងដែរ។
«អ៎!បងមែនទេ?»
«ចា៎» នាងឆ្លើយទាំងធ្វើមុខភ្លឺសៗដាក់គេជាមួយនឹងស្នាមញញឹមធ្វើអោយរូបគេនេះត្រូវញញឹមដាក់នាងល្អិតផងដែរ។
«បងឈ្មោះនិរតី»
«ខ្ញុំភីមជាប្អូនរបស់បងក្សត្រា»
«ចា៎»
«បងទើបតែមកនៅទីនេះមែនទេ?»
«ចា៎»
«ល្អណាស់ នឹងខ្ញុំនឹងបានជួបបងញឹកញាប់»
«យ៉ាងម៉េចនាងល្អិត គិតចង់ញ៉ែគេមែនទេ?» បងប្រុសរបស់ខ្លួនដែលស្គាល់ចរិតពិតរបស់ប្អូនក៏សួរទៅកាន់នាង។
«ស៊ូច...ប្រាប់មុនមិនសប្បាយទេ»
«តែថាក្រែងប៉ាហៅបងមិនអញ្ចឹង»
«តោះ...តោះ...អេ...ឈប់បងស្រីខ្ញុំសុំIG»
«បាន» រាងមាំក៏បានទាញទូរស័ព្ទរបស់ខ្លួនព្រមទាំងបើកឃ្យូអអាយជីអោយនាងល្អិតនេះ។ ទង្វើររបស់អ្នកទាំងពីរក៏មិនបានផុតពីក្រសែភ្នែករបស់និរតីឡើយ។
«បាយ....បាយ»
«បាយ បាយណា» ស្នាមញញឹមបូករួមនឹងប្រយោគយ៉ាងស្រទន់ធ្វើអោយនាងល្អិតភីមនេះញញឹមយ៉ាងមានក្តីសុខ។
«....» ចំណែកនាងល្អិតនេះវិញមិនបាននិយាយអ្វីឡើយ នាងបែរជាដើរចេញទៅដោយមិនចាំគេឡើយ។
«អេ!!ចាំផងមើល៎» រាងមាំក៏ប្រឹងរត់តាមពីក្រោយនាងល្អិត
«នេះប្រញាប់ទៅណា?»
«ក៏ប្រញាប់ទៅញ៉ាំបាយនោះអី?»
«ចាំផង»
«....»
«អាវ៎...មិនទៅផ្ទះទេ?» រាងមាំក៏សួរទៅកាន់នាងល្អិតក្រោយពីឃើញនាងល្អិតឡើងទៅអង្គុយនៅលើកញ្ចុះសម្រាប់សម្រាក។
«ក៏ញ៉ាំបាយនៅទីនេះ?»
«ឯណាបាយ?»
«នោះ»រាងស្តើងតបទាំងចង្អុលទៅបាយដែលនៅក្បែរនោះ។
«នេះបានមកពីណា?»
«ទេវតាប្រទានទេដឹងចា៎»
«សួរមែន»
«ជាធម្មតាខ្ញុំញ៉ាំបាយនៅទីនេះ ព្រោះទាល់តែល្ងាចទើបខ្ញុំត្រឡប់ទៅវិញ បាយនេះគឺស៊ីនមកយកមកពីផ្ទះបាយ»
«អូខេ....ល្អហើយអញ្ចឹងមិនបាច់ហត់ដើរទៅវិញ»
«អេ....ឈប់សិន....បងស្រីទៅលាងដៃនៅកន្លែងនោះសិនទៅ ចាំខ្ញុំរៀបចំសិន»
«ចា៎»គ្រាន់តែរាងមាំចេញទៅផុតនាងល្អិតនេះគឺញញឹមទាំងមានល្បិចសម្លឹងមើលម្ហូបដែលនៅក្នុងប្រអប់។
«ចាំមើលថាអាចញ៉ាំបានទេ?» រាងស្តើងក៏បានរៀបចំចាប់ម្ហូបជាពីរដោយមួយសម្រាប់នាងនិងមួយទៀតសម្រាប់គេ ។
«.....» នាងល្អិតក៏បានញិចម្ទេសជាច្រើនដាក្នុងនោះត្រៀមសម្រាប់អោយគេចាំមើលថាគេអាចញ៉ាំបានឬក៏អត់។
YOU ARE READING
ផ្កាស្នេហ៍ក្នុងចម្ការ
Romanceដំណើរសាច់រឿងនឹងរៀបរាប់ពីស្នេហារបស់មុន្នីនិងនិរតីដែលបានកើតឡើថដោយសារតែការរៀបចំពីខាងគ្រួសារ។ ប៉ារបស់មុន្នីបានអោយគេទៅរស់នៅចម្ការរបស់នីរតី ដំបូងក៏ឈ្លោះគ្នាហើយក៏ប្រែក្លាយជាស្នេហា។
ផ្កាស្នេហ៍ក្នុងចម្ការ ភាគទី៨
Start from the beginning
