دلوع الشيخ آلان ^♡^

Part 2 ^♡^

يزن بحركة بطيئة وكأنه انكسر، رمى نفسه بحضن وسام، دموعه بللت قميصه. وسام ظل يمسح على ظهره، يكرر بصوت واطي:
"هسّه انته بخير… انته بخير…"

ثواني مرت، تنفّس يزن بدأ يثگّل، عيونه تفرغت من الدموع، جسده ارتخى فجأة… وبعدها فقد وعيه بحضن وسام.

وسام شهق بخوف: "يزن!! يزن لا تخوفني!!"
بس من شاف نفسه بعده يتنفس، بس مغمي عليه من التعب والانهيار… ضمّه بقوة، وصوته مبحوح:
"والله ما أخليك… والله أبقى يمك، حتى لو الدنيا كلها وقفت ضدك."

---

المدير رفع عينه على وسام وقال بهدوء لكن بصوت واثق:
المدير: "وسام… خليه ينام على الكنبة بالمكتب، واضح من شكله تعبان. وراح اكلك شنو الي صار وشنو الي خلى يزن يوصل لهالحالة."

وسام نزل راسه متأثر، مشى بخطوات هادئة صوب يزن، حط إيده برفق على كتفه وهو يهمس:
وسام: "يلا حبيبي… ارتاح شوية، لا تفكر بشي."

مدده بهدوء على القنفة، سحب بطانية خفيفة وغطاه بيها، وبعدها جلس قبال المدير. أخذ نفس عميق، وتنهد ثگيل:
وسام: "مدير… لازم تعرف كل شي. يزن ما صار هيت… إلا بعد كل الي مر بيه. من ذاك اليوم وهو عايش بداخل خوف وقلق. حاول يخفيه عن الكل، بس اليوم انفجر… وهاي هي الحقيقة."

المدير ظل ساكت، عيونه مركزة على وسام وكأنه ينتظر التفاصيل، وقال بصوت واطي:
المدير: "كلي… شنو قصدك بالضبط؟ شنو صار؟"

وسام شد إيديه سوا، وصوته بيه رجفة خفيفة:
وسام: "القصة أطول مما تتصور… بس راح أحجيلك كل شي، من البداية للآن…"

---

✨

---

وسام مسك نفس عميق وبلش يحچي، صوته متكسر من الثقل:
وسام: "مدير… الحچي صعب، بس لازم تسمعه. قبل كم يوم صارت مصيبة… أخويه سامي، بالغلط، دفع ابن الشيخ تيم، ووقع بحادث ومات."

المدير شهق بخفة: "يا ربي…"

وسام كمل: "أهل تيم ناس أقوياء، عندهم نفوذ. اجتمعوا ويه أبويه وكل الرجال، وطلبوا دم… بس بدل ما يصير دم، قرروا ياخذون فصليه. واللي صار… إنو وقع الاختيار على يزن."

المدير فتح عيونه مذهول: "فصليه؟! بعده طالب، شلون هيچ قرار؟!"

وسام نزل راسه: "ماكو قانون يردعهم، ولا أحد يگدر يوقف بوجههم. آلان… أخو تيم الكبير… هو الشيخ الجاي. نظرته ليزن مليانة كره… كأنه هو القاتل مو سامي. ومن ذاك اليوم، يزن عايش بكابوس. يبچي بالليل، ينهار بالنهار، وما گدر يتحمل حتى الامتحان."

المدير ظل ساكت للحظة، يمسح جبينه بيده: "يعني الولد… مجبور يروح يعيش يم عائلة اللي تكره؟"

وسام حرك راسه للأسفل: "إي… مجبور. وهو حساس، دلوع، قلبه طيب. ما متحمل حتى كلمة قاسية، فشلون رح يتحمل آلان؟"