دلوع الشيخ آلان ^♡^

Part 1 ^♡^

سامي… ما جرب حتى يفتح باب غرفته. كاعد بالزاوية، عيونه منفخة من كثر البچي، ووجهه يصرخ بالذنب.
يزن… ما نايم طول الليل، بس يحاول يهدّي قلبه وهو يگعد جنبه. كل شوي يگله: "سامي، لا تخاف… الله كريم." بس داخله كله خوف، خوف من اسم آلان.

---

بعد الظهر، اجا خبر: "أهل آلان يريدون مجلس."
الأب تنهّد، وقال بصوت مكسور: "ما إلها غير حل… لازم نروح."

المجلس (المجل) كان مليان ناس. الدگات على الگهوة، دخان الجگائر متصاعد، الكل يباوع باتجاه باب دخلوا منه وسام وأبوه وسيف.
يزن كان وراهم، مرتبك، كل خطوة كأنها جبل ينزل على صدره.

بالمكان المقابل، أهل آلان جالسين. رجال كبار، عمامه بيضة وسوداء، ووجوههم ما تبين أي رحمة.
وبالنص… آلان.
واقف، طويل، طوله يفرض نفسه بالمجلس كله، بشرته الحنطاوية وملامحه الحادة تخلي أي واحد يغمض وما يباوع بعينه.
سيف تمتم وهو يدخل: "يا الله، هذا آلان… عيونه نار."

آلان ما حچى بالبداية، بس رفع نظره مباشرة باتجاه يزن.
يزن ارتجف، نزل راسه، حس قلبه يريد يوقف من نظرة وحدة.

الأب قعد، ووسام يمه، وسيف على الجهة الثانية.
الشيخ الكبير (أبو آلان) كسر الصمت:
"الله يرحم تيم… دم غالي، وانتو تعرفون القوانين. الدم بالدم، واللي يكتل لازم ياخذ جزاه."

وسام حاول يتمالك نفسه: "شيخنا… اللي صار ما كان بقصد… ولدنا سامي بعده صغير، انزلق الموقف، و… الله شاهد ما جان يقصد."

واحد من رجال آلان گال بحدة: "القصد ما يغيّر شي! تيم راح، ومنو يرجعه؟!"

آلان ظل ساكت، ينظر للأرض للحظة، بعدها رفع عيونه وثبّت صوته:
"القرار عندي. يا آخذ فصليه… يا آخذ فلوس."

الكل سكت.
الأب ارتبك: "فلوس… نطيك اللي تريده، بس…"

آلان رفع إيده وقاطعه:
"الفلوس ما تعوضني عن أخوي. تيم… ما يتقارن بذهب الدنيا."

الناس كلهم يعرفون: الفصلية مو أي شي… فصلية يعني ياخذ واحد من بيت القاتل للبيت الثاني، يعيش عندهم كتعويض.
العيون كلها راحت على يزن.
وجهه شاحب، ما عرف شلون يتنفس، بس حس إنه صار الهدف.

آلان شاف نظراتهم، ابتسم ابتسامة باردة وقال:
"أريد الفصليه… أريد هالولد." وأشار بيده القوية باتجاه يزن.

يزن حس الأرض تتهز تحته، دموعه اجت بعينه، صوته انخنق:
"يمّه… لاااا."

الأب عض على شفته، وسام صرخ: "لا! مو يزن! اختار غير حل!"
سيف حاول يوقف: "يزن بعده طفل، شلون تاخذه؟!"

آلان تقدّم خطوة، صوته ثابت مثل الحجر:
"القرار صار… يزن صار إلي."

✦✦✦