«ហេ! ស្រីឆ្នាស់ចេញទៅណាហ្នឹង?!»
សម្លេងស្រែកសួរល្វេីយៗពីខាងលេីរានហាល មុខផ្ទះ ជិនអេងាកមេីលពេលឃេីញថាជាអ្នកណាក៏ចងចិញ្ចើមមុខក្រម៉ូវភ្លាម៕
« ខ្ញុំចង់ទៅណាមកណាវាទាក់ទងស្អីនឹងនាយ?!»
« ខ្ញុំសួរព្រោះ បារម្ភ ពីអ្នកជិតខាងដែលរស់នៅក្បែរគ្នានោះអី»ស៊ុកជីនតបដោយឫកពារបេះបួយ តែងខ្លួនស្អាតៗបែបនេះប្រាកដជាទៅជួបអ្នកណាមិនខាន៕
«ហេីយនាយ! មករវល់ស្អីនឹងរឿងរបស់ខ្ញុំ ខ្ញុំគ្មានពេលនិយាយអត់ប្រយោជន៍ជាមួយនាយទេទៅសិនហេីយឆឺស! »
នាងធ្វើឆឺស ហេីយក៏ បេីកទ្វាររបងចេញទៅក្រៅ បំណងហៅតាក់ស៊ី តែសម្លេងលេងរំខានប្រសាទរបស់អ្នកជិតខាងមាត់សម្អុយក៏លឺមកប៉ះត្រចៀកនាងល្វើយៗ
«នែ៎!នាង កុំឆ្នាស់ពេក ប្រយ័ត្ននៅក្រមុំចាស់ណា គ្មានអ្នកណាហ៊ានចូលដណ្តឹងទេលោកអើយ បើឆ្នាស់បែបនេះនោះ»
«លោកឯងនឹងហើយដែលគ្មានអ្នកយកនោះ អាប្រុសមាត់សម្អុយ »នាងងាកមកតវ៉ាគេ មុខស្អាតក្រហមង៊ាំងដោយកំហឹង។
«គេខំជួយដាស់តឿនហើយនៅជេទៀត»
«ឆឺស៎! បើនៅនិយាយតវ៉ានឹងមនុស្សរំខានប្រសាទដូចជានាយក៏គ្មានបានអីមកវិញដែរខាតពេលទទេៗ»
ថាហើយនាងក៏ឡើងតាក់ស៊ីចេញទៅបាត់ទុកឲ្យស៊ុកជីន តាមសម្លឹងមើលរថយន្តដែលនាងជិះចេញទៅ ញោចចុងមាត់ញញឹមតិចៗ។
«ធ្វើស្អីឯងនឹងលឺមាត់ដល់ខាងក្រៅ ឯងនេះចូលចិត្តតែញ៉ោះកូនអ្នកជិតខាង ប្រយ័ត្នថ្ងៃណាមួយលង់ស្នេហ៍ក្មួយជិនអេទៅ» អ្នកស្រីយ៉ុនហេ ស្រែកសួរកូនប្រុស ដែលសុខៗទៅញ៉ោះកូនស្រីអ្នកជិតខាងឲ្យនាងខឹងទាល់តែបាន. ចូលចិត្តរករឿងញ៉ោះកូនស្រីគេបែបនេះសង្ស័យតែវាលួចចាប់អារម្មណ៍នាងក្រមុំជិនអេទេដឹង។
« គ្មានផ្លូវទេម៉ាក់ ! ខ្ញុំមិនទៅលង់ស្រឡាញ់ក្មេងម្សិលម្ងៃនឹងទេ »
«អ៎!អីចឹងហេ ! បើអីចឹងទៅរករឿងញ៉ោះគេមិនលោះថ្ងៃ ម៉ាក់ដូចមិនឃើញក្មួយជិនអេមករកវីររវល់នឹងឯងសោះ គឺមានតែឯងត្រុកៗតាមគេមិនឈប់ »
«ព្រះអើយម៉ាក់...! ខ្ញុំទាំងស្អាតទាំងសង្ហារមិនខ្វះស្រីស្អាតតម្រង់ជួរឲ្យជ្រើសទេ គ្មានហេតុផលអីឲ្យខ្ញុំទៅតាមនាងក្មេងឆ្នាស់នោះឡើយ ឆ្នាស់ក៏ឆ្នាស់ ឈ្លើយក៏ឈ្លើយ បើយកធ្វើជាប្រពន្ធមែននោះប្រះទ្រូងខ្ញុំ ស្លា+ប់មិនខានទេ»
«អើ! ឲ្យដូចមាត់ឯងចុះ! អំបាញ់មិញម៉ាក់ឃើញក្មួយជិនអេ តែងខ្លួនស្អាតៗ អាចថានាងកំពុងតែមានណាត់ជាមួយកម្លោះណាម្នាក់ហើយមើលទៅ»
«ណាត់អ្នកណាក៏ណាត់ទៅខ្ញុំមិនខ្វល់ស្រាប់ទៅហើយ»គេញាក់ស្មារមិនខ្វល់ទាំងខាងក្នុងកំពុងតែក្តៅគគុក តែធ្វើមុខសោះអង្គើយ
«អីយ៉ា!កូនប្រុសឯងប្រាកដជារៀបការក្រោយក្មួយជិនអេហើយ ម៉ាក់ថាមិនយូរទេរោងការនឹងសងនៅមុខផ្ទះនាងឆាប់ៗមិនខាន»
គាត់ញញឹមស្រស់ បោះគ្រាប់បែកដាក់កូនប្រុសហើយក៏ដើរចេញ បើវានៅតែលែងឫកធ្វើចរិតប្រុសស្អាត ប្រាកដជាគាត់ត្រូវបាត់បង់អនាគតកូនប្រសារល្អមិនខានទេ ពេលឃើញក្មួយជិនអេ ធ្វើឲ្យគាត់នឹកកូនស្រីដល់បានបាត់ទៅ បើនាងនៅគឺអាយុប្អូនក្មួយជិនអេមួយឆ្នាំ អ្នកស្រីដកដង្ហើមធំកាលនោះគាត់មិនគួរទុកចិត្តម៉ែដោះម្នាក់នោះសោះ ម៉ែដោះនោះតាមពិតជាមនុស្ស សរសៃប្រសាទនាងធ្លាប់បាត់បង់កូន ឲ្យតែឃើញកូនអ្នកណា នាងតែងតែគិតថាជាកូននាងហើយ ក្លែងខ្លួនចូលមកនៅបម្រើគេ តែចុងក្រោយនាងក៏រកឱកាសល្អនឹងលួចយកទៅបាត់ហើយ រយៈពេលម្ភៃមួយឆ្នាំមកនេះគាត់តែងតែបន់សន់ឲ្យនាងមានសុខភាពល្អ សុខសប្បាយ មាន អភិនិហារ៍ ថ្ងៃណាមួយសូមឲ្យគាត់បានជួបកូនស្រីពៅផង។
ក្រោយពីអ្នកម៉ាក់គេដើរចេញទៅបាត់ ស៊ុកជីនបានតែខាំមាត់ក្តាប់ដៃណែន ភ្នែកក៏ក្រហមដូចមានភ្លើងឆេះក្នុងនោះអីចឹង គេខ្សឹបៗដោយសម្លេងមាំ។
« កុំសង្ឃឹមថា មានថ្ងៃនាងអាចរៀបការជាមួយអាប្រុសផ្សេងអស់នោះឲ្យសោះជិនអេ ដរាបណាខ្ញុំនៅមានជីវិតនោះ»
YOU ARE READING
អេតាស៊ីវិល បង្កប់ស្នេហ៍BG
Romanceក្រដាសមួយសន្លឹកបានចងភ្ជាប់បេះដូងគេជាមួយមនុស្សស្រីដែលគេគិតថាបំផ្លាញ់~ ម្ចាស់ចម្ការទំពាំងបាយជូរ នឹង ដំណាំផ្សេងៗរាប់ពាន់ ហិចតា មានកម្មកររាប់រយនាក់ នោះគឺអ្នកកម្លោះសង្ហារ ចន ជុងហ្គុក ជាមនុស្សប្រុស ដែលចូលចិត្តការសប្បាយ គេយកមនុស្...
