+ សេអ៊ូល
រថយន្តតាក់ស៊ីបើកមកឈប់នៅមុខរបងផ្ទះរបស់ត្រកូលចន ខណៈនោះមាត់ទ្វាររថយន្តក៏បានបើកឡើងស្របពេលរាងខ្ពស់ស្រឡះឈានជើងចុះមក ដោយលើកវ៉ាលីរបស់ខ្លួនចេញមកជាមួយផង គេពាក់វែនតាកាពារកម្តៅថ្ងៃបាំងភ្នែកជិត ដៃមាំក៏ហូតលុយពីក្នុងកាបូបទៅឲ្យតាក់ស៊ី រួចក៏ដើរទៅចុចកន្តឹង។
រ៉ឺងៗៗៗ!!!
បន្តិចក្រោយមកក៏មានអ្នកបម្រើម្នាក់រត់មកបើកទ្វារ...
«មករកអ្នកណាដែរបាទ?!» អ្នកបម្រើប្រុសដែលមិនបានចាប់ភ្លឹកពីអ្នកម្ខាងទៀតគេគ្រាន់តែឱនលំទោនគោរពព្រមទាំងសួរ
«ខ្ញុំមករកលោកម្ចាស់ចន!» គេពោលមួយៗ ទាំងព្យាយាមទប់សំណើច សារនេះគេចុះទន់មកដោយជិះតាក់ស៊ី ហេីយក៏មិនបានប្រាប់នរណាម្នាក់ពីដំណឹងរបស់ខ្លួន សំណាងល្អដែលអ្នកបម្រេី មិនបានសង្គេតមេីលមុខគេច្បាស់៕
«បាទ!សូមអញ្ចើញមកតាមខ្ញុំ លោកម្ចាស់គាត់ទៅខាងក្នុង»
«បាទ!»
គេតបហើយក៏ដើរតាម សម្លឹងមើលជុំវិញផ្ទះដែលគ្មានអ្វីត្រូវផ្លាស់ប្តូរគ្រប់យ៉ាងនៅតែដដែល ពេលដែលគេដើរចូលមកក៏លឺសម្លេងល្វើយៗពីខាងក្នុង។
«លោកម្ចាស់មានអ្នកមករកទាន! »អ្នកបម្រើនោះប្រាប់ហើយក៏ចាកចេញពេល លោកម្ចាស់ខ្លួនងក់ក្បាល
«ប្រពន្ធសម្លាញ់!ប៉ុណ្ណឹងសិនចុះបងមានភ្ញៀវមករក» គាត់ប្រាប់ភរិយាដែលនៅក្រៅប្រទេស. ដោយសម្តីផ្អែម ហើយពេលភរិយាជាទីស្រឡាញ់ដែលនៅម្ខាងទៀតអនុញ្ញាតទើបគាត់ក៏បិទ ងាកមករកអ្នកចំនូលថ្មីដែលឈរនៅកណ្តាលបន្ទប់អង្គុយលេង។ ពេលមើលទៅក៏ឃើញថាជាអ្នកណាគាត់ក៏មុខក្រម៉ូភ្លាម។
«ម្តេចមកម្នាក់ឯង? ឯណាកូនប្រសារ?!»
«កូនប្រសារ?! ប៉ានិយាយអីនឹង?!» គេធ្វើមុខឆ្ងល់ នេះគេទៅមានប្រពន្ធតាំងពីពេលណា?!
ផាច់!!!
លោកចនទះក្បាលកូនប្រុសខ្លាំងៗ
«អូយ...ប៉ា! » គេស្រែកហេីយយកដៃក្តោបក្បាលខ្លួនឯង មួយដៃរបស់គាត់ធ្វើឲ្យគេចង់បែកអំពិលអំពែក អាចមេីលឃេីញផ្កាយពេញមេឃទៅហេីយ៕
«ខួរក្បាលឯងក្រឡុកហើយឬយ៉ាងម្តេចហាស៎ ?! ឯងចុះអេតាស៊ីវិលហើយក៏ អូសកូនប្រសារយើងទៅភ្លាមយើងមិនទាន់ជម្រះបញ្ជីនឹងឯងផងអាកូនជើងល្អ»គាត់និយាយផងបាញ់ខ្សែភ្នែកកាចមើលកូនប្រុសផង។
«កុំប្រាប់ខ្ញុំថា អាគុកវាទៅធ្វើឲ្យស្រីណាមានផ្ទៃពោះហើយប៉ាក៏បង្ខំឲ្យវាចុះអេតាស៊ីវិល»
«អឹ! ត្រូវហើយ តែមិនទាន់មានផ្ទៃពោះ អេ...» លោកតបអឺអើ ហើយពេលនឹកបានថាអ្នកនៅចំពោះមុខជាអ្នកណានោះគាត់ក៏ធ្វើមុខភ្ញាក់ផ្អើល លាន់មាត់ហៅឈ្មោះកូនប្រុសច្បង។
« ជុងវ៉ូ!»
«បាទ! » គេតបហើយក៏ទាញវែនតាចេញ យកមកស៊កនឹងក.អាវយឺតខ្លួន គេគឺជាបងប្រុសភ្លោះរបស់លោកប្អូនជេីងល្អជុងហ្គុកនេះឯងទេីបប៉ាច្រឡំថាគេជាប្អូនប្រុស ធ្វើឲ្យគេត្រូវគាត់ទះក្បាលមួយដៃលេង។
«តើនារីណា ក៏សំណាងអាក្រក់ម្ល៉េះ ដែលយកអាព្រាននារីនោះធ្វើប្តីទៅប៉ា?!»
«អឺ គឺ...!»
គាត់រដាក់រដុបមិនហ៊ានតបបើកូនប្រុសច្បងដឹងថាជុងហ្គុកនឹងយ៉ុនមីពេលនេះជាប្តីប្រពន្ធនឹងគ្នា តើគេមានអារម្មណ៍បែបណាទៅ? គាត់សម្លឹងកូនប្រុសច្បងដែលមានមុខមាត់ដូចគ្នាបេះដាក់ជាមួយកូនប្រុសពៅ ទើបបានជាគាត់ច្រឡំគ្នាបែបនេះ មិនថា កម្ពស់ រូបរាង គឺដូចគ្នា ទាស់តែម្យ៉ាងដែលពេលនេះគឺកូនប្រុសច្បងមានពណ៌សម្បុលសរជ្រះ ចំណែកកូនប្រុសពៅ មានសម្បុកសណ្តែកបាយ ដោយសារគេនៅក្រោមកម្តៅថ្ងៃទើប ប្រែពណ៌សម្បុលបែបនេះ មុននេះគាត់មិនបានចាប់ភ្លឹកសង្គេតឲ្យបានមត់ចត់ទើបច្រឡំគ្នា។
« ណ្ហើយ...! បើប៉ាមិនចង់ប្រាប់ក៏បាន ចុះ យ៉ុនមីទៅណាហើយមិនឃើញអីចឹង?!»
គេងាកឆ្វេងស្ដាំរកមេីលមនុស្សស្រីដែលនឹករលឹកអស់ពេលជាយូរមកហើយ តាំងពីគេទៅធ្វើការនៅម៉ាកាវពេលនេះចូលពីរឆ្នាំហេីយ៕
«ជុងវ៉ូ! អង្គុយចុះសិនមកប៉ាមានរឿងចង់ប្រាប់ឯង»
«បាទប៉ា! »
តបហេីយគេក៏អង្គុយចុះ លោកចនពេលកូនប្រុសច្បងអង្គុយរួចរាល់គាត់ក៏និយាយពីដំណើរដេីមទងយូរៗគាត់សម្លឹងមុខកូនប្រុសម្តង តែគេដូចជាគ្មានប្រតិកម្មអ្វី មុខនៅតែធម្មតាដូចជាគ្មានដាននៃភាពខូចចិត្តអ្វីសោះ៕
« ឯងខឹងប្អូនឬអត់ជុងវ៉ូ ?»
លោកចនសួរកូនប្រុសច្បង គេប្រាកដជាខឹងស្អប់ប្អូនប្រុសដែលដណ្តើមមនុស្សស្រីដែលខ្លួនស្រលាញ់ ហេីយមានបំណងរៀបការជាមួយគ្នាផងតែចុះក្រោមនាងបែរជាក្លាយជាប្អូនថ្លៃរបស់ខ្លួនទៅវិញ គាត់គិតទាំងអាណិតកូនប្រុសច្បង តែសម្លេងផ្ទុះសំណើចរបស់កូនប្រុស បែរជាសេីចលឺៗ។
«ខិខិខិ ហាសហា! »
«ហេីយឯងសេីចស្អី?! »
គាត់ជ្រួញចិញ្ចើមសម្លឹងមុខកូនប្រុសទាំងមិនយល់ នេះវាខូចចិត្តដល់ឡប់សតិហេីយទេដឹង?!
«គឺមកពីប៉ាសួរខ្ញុំថាខ្ញុំខឹងអាគុកដែរទេ ហេតុអីខ្ញុំត្រូវខឹងនោះ?! ព្រោះខ្ញុំដឹងច្បាស់ចិត្តវាតាំងតែពីក្មេង តែវាមាត់រឹងមិនទទួលស្គាល់ការពិត ទេីបខ្ញុំត្រូវប្រេីល្បិចធ្វើជាចង់រៀបការជាមួយយ៉ុនមីបែបនេះនោះអីទេីបអាប្អូនមាត់រឹងវាបង្ហាញធាតុពិតថាវាត្រូវការ នឹងខ្លាចបាត់បង់ យ៉ុនមី ប៉ុណ្ណា ចុងក្រោយវាក៏ធ្វើរឿងនោះទាល់តែបាន»
ជុងវ៉ូរៀបរាប់តាមអ្វីដែលខ្លួនបានសង្កេតដឹងតាំងពីក្មេងជុងហ្គុក ជាពពួកមនុស្សដែលមាត់មិនត្រង់នឹងចិត្ត គ្រប់ពេលដែលគេថាមិនចូលចិត្តមិនចង់ឲ្យនាងមកក្បែរទាំងដែលការពិតលោកប្អូនរបស់គេចង់នៅជិតនាងសឹងតែដាច់ខ្យល់ទៅហេីយ វាតែងតែរករឿងឈ្លោះទាស់ទែង ឬររករឿងយ៉ុនមីទេីបវាអានបានសន្ទនាជាមួយនាង បេីមិនដូច្នេះទេ យ៉ុនមី ប្រាកដជាគេចខ្លួនបាត់ ឆ្ងាយពីវាភ្លាម គេក៏មិននឹកស្មានថា លោកប្អូនដេីម្បីបញ្ឈប់ការរៀបការរវាងគេនឹងយ៉ុនមីវាបែរជា ចងចំណងភ្ជាប់ខ្លួនឯង ជាមួយ មនុស្សស្រីដែលវាតែងតែរករឿងពោលថាស្អប់នោះទៅវិញ គេសង្ឃឹមថាជុងហ្គុកអាចដឹងចិត្តខ្លួនឯងហេីយធ្វើល្អដាក់យ៉ុនមីប្អូនស្រីចិញ្ចឹមដែល អភព្វរបស់គេផង៕
« តែវាក៏មិនគួរធ្វើបែបនោះដាក់កូនប្រសារ ទង្វើគ្មានភាពជាសុភាពបុរសសោះ មិនដឹងថាវានាំប្អូនទៅរង់ទុក្ខក្នុងចម្ការវាម្តេចខ្លះទេ បេីវានៅតែចរិតបែបនេះចាំមេីលប៉ានឹងយកកូនប្រសាររបស់ប៉ាទៅលាក់ទុកមិនខានទេ»
លោកចនពោលទាំងមុខស្មើ បែបនេះគាត់គួរតែរកអ្នកណាម្នាក់ដែលគួរឱ្យទុកចិត្តបាន រាយការណ៍ពីក្នុងចម្ការពីពត៌មានកូនប្រុសជេីងល្អថាវាធ្វើស្អីខ្លះដាក់កូនប្រសាររបស់គាត់៕
«អីយ៉ា...ប៉ា! បេីប៉ាធ្វើបែបនោះមែន ជុងហ្គុក ប្រាកដជាយំឡាំប៉ា រនៀលដីមិនខានទេ»
«តាមតែវាទៅប៉ាមិនខ្វល់! ចុះឯងពេលណាយកប្រពន្ធនឹងគេ ?!»
សំនួរផ្តាច់ព្រលឹងរបស់លោកប៉ារបស់ខ្លួន លឺចូលមកក្នុងសោតវិញ្ញាណ ធ្វើឲ្យជុងវ៉ូដែលមិនបានត្រៀមខ្លួនលឺហេីយព្រឺសម្បុរខ្ញាកគេក្រញេងខ្លួន ស្ទុះស្ទាងេីបឈរធ្វេីជានិយាយបន្លប់៕
«ប៉ា! ខ្ញុំដូចជាស្អិតខ្លួនណាស់ សុំទៅងូតទឹកសម្អាតខ្លួនសិនហេីយ»
«ឈប់! ឯងមិនទាន់តបសំនួរប៉ាទេ»
«ហាស៎! ប៉ាសួរអីមិញខ្ញុំមិនចាប់អារម្មណ៍ ចាំថ្ងៃក្រោយចាំសួរចុះខ្ញុំឡេីងទៅខាងលេីហេីយ»
ថាហេីយក៏ដាក់មេប្រូច មិនចាំស្តាប់សម្តី ប៉ារបស់ខ្លួនដែល រអ៊ូរង៉ូវៗតាមពីក្រោយគេ៕
«ឲ្យតែសួរបែបនេះ ដឹងតែគេចរកលេសនិយាយបន្លប់ មិនដឹងថាជាតិនេះវាមានប្រពន្ធដូចគេឬមួយក៏អត់ទេបេីគ្រប់ពេលគេចវេសរហូតបែបនេះ»
គាត់គ្រវីក្បាលហួសចិត្តនឹងកូនប្រុសច្បង មានកូនពីរគ្រាប់នឹងគេដែរប៉ុន្តែសុទ្ធតែកំពូលមនុស្ស ម្នាក់មិនចង់មានប្រពន្ធចំណែកម្នាក់មានហេីយតែបែរជាធ្វើចរិតដូចជាក្មេងពាលបាតផ្សារចូលចិត្តធ្វើចរិតច្រងេងច្រងាងសម្តីអាក្រក់ ដាក់ប្រពន្ធខ្លួនឯង ហ៊េីយ...មិនដឹងពេលណាវាអាចចេះគិត ក្លាយជាមនុស្សម្មារដូចគេឯងទេ៕
YOU ARE READING
អេតាស៊ីវិល បង្កប់ស្នេហ៍BG
Romanceក្រដាសមួយសន្លឹកបានចងភ្ជាប់បេះដូងគេជាមួយមនុស្សស្រីដែលគេគិតថាបំផ្លាញ់~ ម្ចាស់ចម្ការទំពាំងបាយជូរ នឹង ដំណាំផ្សេងៗរាប់ពាន់ ហិចតា មានកម្មកររាប់រយនាក់ នោះគឺអ្នកកម្លោះសង្ហារ ចន ជុងហ្គុក ជាមនុស្សប្រុស ដែលចូលចិត្តការសប្បាយ គេយកមនុស្...
