ကျန်တစ်ယောက်ကတော့ ကားပြတင်းပေါ် လက်တစ်ဖက်တင်ကာ ကျန်တစ်ဖက်က ဖုန်းသုံးနေသည်။
ရှဲ့လင်က ဆုရှောင်းလန်ကို စာပို့နေသည်။
" ခင်ဗျားတူလေးကို ဘယ်တုန်းက စာပို့ထားတာလဲ"
ဆုရှောင်းလန် : " လွန်ခဲ့တဲ့ တစ်နာရီလောက်က"
ရှဲ့လင် : " သူ ခင်ဗျားကို တစ်ခုခု ပြန်ပြောသေးလား"
ဆုရှောင်းလန် : " ဟင့်အင်း"
ရှဲ့လင်က ဆုရှောင်းလန်၏ စာကို ချီချင်းအား ဖတ်ပြနေသည်။
" သူ့ကို စာမပြန်ဘူးတဲ့"
နက်မှောင်နေသော ချီချင်း၏ မျက်ဝန်းလေးများက ကားပြတင်းထက်မှ ရှဲ့လင်ဖုန်းမျက်နှာပြင်ပေါ်သို့ ရောက်ရှိလာသည်။
သူတို့နှစ်ယောက်လုံး ဆုရှောင်းလန်၏ ပြန်စာကို စိုက်ကြည့်နေကြသည်။
ရှဲ့လင်က ကားမှန်ကို လက်ချောင်းလေးနှင့် ဖိနေသည်။
" လွန်ခဲ့တဲ့တစ်နာရီက အရာရှိဆု ကားနံပါတ် ပို့လိုက်တယ်... အတန်းချိန်ပဲ ရှိဦးမှာဆိုတော့ သူ့တူလေးက စာပြန်မပို့ဘူး.. ဒါပေမဲ့ အရာရှိဆုကလဲ စိတ်မပူသေးဘူး.. သူ့တူလေး ဒီစာကို မြင်လိမ့်မယ်ဆိုတာ သေချာနေလို့.. အဲ့တော့ ကျောင်းဆင်းတိုင်း ဖုန်းကြည့်တတ်တဲ့သူ ဖြစ်လောက်တယ်"
" ကျောင်းတွင်းမှာ ဖုန်းပေးသုံးတဲ့ကျောင်းမှ သိပ်မရှိတာ"
ရှဲ့လင်က ဆက်ပြောသည်။
"ဒါမှမဟုတ် ဒီကျောင်းက ချွင်းချက်များလား"
ချီချင်းက ချွင်းချက်ဆိုသော ဖြစ်နိုင်ချေကို ပယ်ချပစ်လိုက်သည်။
" မဟုတ်ဘူး"
ရှဲ့လင် : " မင်း ဒီကျောင်း တက်ဖူးလို့လား"
ချီချင်း : " လွန်ခဲ့တဲ့ နာရီဝက်က ကျောင်းသားလေးတွေ ကျောင်းပေါက်ဝမှာ ဖုန်းခိုးဖွင့်နေတာ.. ဖုန်းပွင့်ဖို့ ခဏရပ်စောင့်နေကြရသေးတယ်လေ... အရေးပေါ်သုံးဖို့ ဖုန်းကို ယူသွားကြတယ်ဆိုပေမဲ့ ကျောင်းထဲမှာ မသုံးရဲကြတဲ့ပုံပဲလေ"
ချီချင်းက ရှဲ့လင်ဘက်ကို လှည့်ကြည့်ရင်း ဆက်ပြောနေသည်။
" ကျွန်တော်က ဒီကျောင်းမတက်ဖူးဘူး.. ဒီကျောင်းကို ဝင်ခွင့်ရဖို့ ကျွန်တော့်အတွက် အရမ်းခက်ခဲတယ်လေ"
BINABASA MO ANG
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...
Chapter 93 - လေတံခွန်
Magsimula sa umpisa
