Unicode
ဒေါက်တာဝူ : " ဟဲလို ချီချင်းလား.. ကျွန်တော်ပါ"
" ခင်ဗျား အဆင်ပြေရဲ့လား ခုနက ခင်ဗျားအသံ တစ်မျိုးကြီး ဖြစ်နေလားလို့"
နာရီဝက်အကြာတွင်တော့ ဒေါက်တာဝူတစ်ယောက် ဆေးခန်းအချိန်ပြန်ညှိနိုင်ရန် ချီချင်းကို ဖုန်းပြန်ဆက်သည်။ စောစောက ဖုန်း ဘယ်သူကိုင်သည်ဆိုသော ခေါင်းစဉ်ကိုတော့ လုံးဝကျော်ချသွားကာ မေးလိုက်သည်။
" ကျွန်တော် မေးစရာလေးရှိလို့ပါ.. ဒီနေ့ ဆေးခန်း လာဦးမှာလားလို့လေ..."ထိုအချိန်တွင်တော့ ချီချင်းမှာ ရှဲ့လင်လက်ထဲမှ ရုန်းထွက်လာခဲ့သော်လဲ နားရွက်လေးများ နီရဲနေဆဲပင်။
ထို့နောက် ရှဲ့လင်က အေပရွန်ဝတ်ကာ မီးဖိုထဲမှ ထုတ်ထားသော အသားညှပ်ပေါင်မုန့်ကို နှစ်ခြမ်းလှီးနေသည်။
အမွှေးလုံးသည်လဲ စားသောက်ပြီး၍ ချီချင်းကို ပျော်ရွှင်စွာနှင့် မြောင်သံ ပေးလိုက်သည်။ ထို့နောက် မီးဖိုခန်းထဲအထိ မဖိတ်ခေါ်ပဲ ရောက်လာသော ဟိုလူကြီးကိုတော့ သွားဖြဲပြ၏။
" မြောင် မြောင် မြောင် ( ဘယ်တော့ပြန်မှာလဲ.. စိတ်ညစ်ဖို့ကောင်းတဲ့ လူကြီးရဲ့) "ရှဲ့လင်က အမွှေးလုံးလေးကို တစ်ချက်ကြည့်သည်။
" ဒီကောင်လေးက ငါ့ကို ဆူနေတာပဲ"အမွှေးလုံးနှင့် စကားပြောနေသည်ဆိုပေမဲ့ ချီချင်းဖုန်းပြောသည်ကိုလဲ ရှဲ့လင်နားစွင့်နေမိသည်။
ရှဲ့လင်က လက်ထဲမှ ဓားထောင်ပြသည်။
... သဘောတူရဲ တူကြည့်....ဒီရက်ပိုင်း ရှဲ့လင် အမွှေးလုံးကို အစာလာလာကျွေးကတည်းက ဒီလိုနွေးထွေးသည့် အိမ်အငွေ့အသက်ကို ချီချင်း အသားကျနေခဲ့ပြီဖြစ်၏။ ရှဲ့လင်၏ လုံးဝကြောက်စရာမကောင်းသော ခြိမ်းခြောက်မှုကို ကြည့်ပြီးနောက် မျက်နှာလွှဲကာ ပြန်ဖြေသည်။
" အားနာပါတယ်ဗျာ.. ကျွန်တော် မလာဖြစ်တော့ဘူး"တစ်ဖက်မှ ဒေါက်တာဝူ : "ဪ"
သူ အာခြောက်သည်အထိ ဆွေးနွေးခဲ့ရသော အချိန်များ အလကား မဖြစ်ခဲ့။ သူ့တစ်သက်တာ၏ အခက်ခဲဆုံးလူနာနှစ်ယောက်က တစ်ခုခုရှာတွေ့သွားကြပြီ ထင်သည်။
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...