المسلسل المغربي Love Story...
13 عام دازت باش كتبت هاد المسلسل...
و كنت كتبتو مباشرة من بعد ماكملت "الغوتة"...
و حيت كانت غير الكليكة اللي كاتقرا... الشخصيات كانوا تقريبا عندهم نفس الأسماء...
و كان أول مسلسل رومانسي كتبت... و هو اللي كان كبر الصفحة...
Oops! This image does not follow our content guidelines. To continue publishing, please remove it or upload a different image.
#Love_Story #Ep_12
الساعة: 17h45 (نفس النهار)
¶ نجاة و ويبا كايوصلوا عند نادية و كايتلاقاو قدام باب العمارة... نجاة كاتبغي تعنق ويبا...
ويبا: (كاتدفعها) سي فحالك يا الحقيرة... فين كنتي البارح بالليل؟!؟؟ و شكون داك اللي جاوبني في النمرة ديالك؟!؟ و فين لقيتيه؟!! كاتخبي علينا؟!؟ غارقة ليا في العشق و الغرام و مصدعانا منحوسة منحوسة.. أنا اللي منحوسة.. مخنشش أ عباد الله...
نجاة: ساليتي؟!؟
ويبا: دوي...
نجاة: نطلعوا نسلموا على البنات و نعاود ليكم.. آجي بعدا.. كيفاش مخنشش؟!!
¶ كايطلعوا... و غير كاتحل نادية الباب كايبداو بالأحضان و الغوات المتحمس ديال البنات... ايمان كاتبقا غير كاتشوف فيهم... كايدخلوا و كايسلموا على ايمان.. و كايجلسوا...
نجاة: ديريها غير زوينة في هاد البلاد توصل توصل...شفتكم بزوجكم في طوموبيلتو...
ويبا: سهران الليل كامل و فاق باش يتلقا ليك؟!؟ هادشي في شكل...
نادية: الله يا ربي بدينا تاني... حنا جينا في الطيارة... و هو كان في المطار كايتسنا ولد الحاج عبد الله... و تلاقينا تما... وصلنا... المهم... عاودوا ليا على الحفلة كي دازت...
نجاة+ويبا: آاااااااااااودي أشمن حفلة...
نادية: واش مامشيتوش؟!؟ عاودوا ليا...
¶ كاتبدا نجاة هي الأولى... و كاتعاود كلشي بالتفصيل الممل.. و لكن خبات عليهم أنه كايعرف سفيان...
