#Love_Story
#Ep_02
ايمان: نادية... ختى نادية... عيطوا لختي نادية... غير ماتقولوش ليها كنت في كلوب... غاتحرم عليا نمشي لكازا... حنا غدا غاديين تما...
أمير: (كايفرنس) كازا؟!؟ نااااايس... غاتنورينا... (كاتخنزر فيه و كايجمع الابتسامة)
الكوميسير: و ختك غاتقدر تجي في هاد الوقت؟!!
ايمان: غاتجي... هي في عرس دابا... ضروري تجي... خاصها تجي... و غير الله يستر ايلا جات...
أمير: ممكن تحيدوا لينا بعدا هاد المينوط.. ماغانهربوش...
¶ كايحيدوا ليهم المينوط... أمير كاتجي عينو في عين ايمان... كايبتاسم ليها و هي كاتخنزر فيه...
أمير: غير بشوية... عينيك شوية ينقزوا من بلاصتهم... ها ختك غاتجي و غاتمشي من هنا...
¶ كاتعطيه بالظهر و كايجلسوا يتسناو... من بعد شي نص ساعة كايدخل بوليسي..
البوليسي: را عيطنا لختها... و جاوباتنا... و غاتجي... (كايخرج)
ايمان: (كاتنوض تقرب من الكوميسير) عافاك ماتقولش ليها منين هزيتوني... قوليها عيد ميلاد في دار و ناضت مضاربة و بغيت نفك ولا شي حاجة بحال هاكا... عافاك... الله يرحم ليك بيها الواليدين... ديرني بحال بنتك...
الكوميسير: أولا بنتي ايلا هزوها من كلوب في نصاصات الليل... غانهبطها التحت نعطيها طريحة ديال العصا عمرها تنساها... ثانيا... المحضر تكتب و هي ملي غاتسني عليه غاتقراه و غاتعرف...
ايمان: واش عرفتي ختي كيدايرة؟!؟ أكبر معقدة... و واخدة أي حاجة في هاد الحياة بجدية... واش عرفتي ايلا تعصبات آش كادير؟!؟
أمير: (كايحط يدو على كتفها) أشنو غادير؟!؟
ايمان: (و هي عاضة على سنانها) غاتهز يديك ولا عمرك غاتقدر تحط يدك على شي حاجة من بعد... حيت غانقطعها ليك... (كايحيد يدو دغيا)
YOU ARE READING
المسلسل الرومانسي المغربي "Love Story"
Romanceالمسلسل المغربي Love Story... 13 عام دازت باش كتبت هاد المسلسل... و كنت كتبتو مباشرة من بعد ماكملت "الغوتة"... و حيت كانت غير الكليكة اللي كاتقرا... الشخصيات كانوا تقريبا عندهم نفس الأسماء... و كان أول مسلسل رومانسي كتبت... و هو اللي كان كبر الصفحة...