#Love_Story
#Ep_01
السبت 31 دجنبر
الساعة: 20h30
مراكش
¶ ايمان و صاحبتها سادين عليهم في بيت هاد صاحبتها... كايوجدوا باش يخرجوا...
إيمان: (متوترة) ناااااااااااااري فيا الخلعة...
سميرة: تي مالك صدعتينا... ماشي أول مرة تخرجي و تكذبي على داركم...
ايمان: و لكن أول مرة نمشي نسهر بالليل في حفلة مخلطة و في night club...
سميرة: مرة وحدة مادات ماجابت... ضحكي و نشطي... را وصيت ماما ايلا عيطوا داركم تقوليهم نعسنا...
ايمان: الله يخرج هاد الليلة على خير...
سميرة: و زايدون هادي آخر ليلة ليك معانا في مراكش.. غاتمشي لكازا و تخليني بوحدي... خلينا ندوزوا ليلة ماتنساش...
ايمان: را على قبلك درت هادشي...
سميرة: يالله سربي... را علاين يدوزوا البنات يهزونا... غاتوصلنا خت وئام بالطوموبيل و غاتمشي معانا هي و صاحبتها... خاصنا نمشيو بكري باش ندخلوا نبرگوا...
ايمان: انا ساليت... يالله نتسناوهم التحت...
¶ كاينزلوا و كايدوزوا يهزوهم البنات و كايمشيوا للحفلة اللي مديورة في نايت كلوب معروف في مراكش... و فيها گاع صحاب ايمان اللي كانوا معاها في لافاك... غايسهروا و يحتافلوا بمناسبة راس العام...
¶ كايوصلوا و كايلقاو الدنيا عامرة... و كايبداو يتزاحموا باش يدخلوا... و في وسط الزحام ايمان كاطيح ليها الگورميط ديالها في الأرض... و كاتحدر وسط داك الزحام باش تقلب عليها... في هاد اللحظة كاتوصل طوموبيل واعرة فيها شي اولاد باينين لاباس عليهم... و كايدوزوا بسهولة بين الناس... تقريبا كلشي كايعرفهم و خلاوهم يدوزوا... ايمان كاتلقا الگورميط ديالها... و مع هي كاتوقف كايدفعها واحد من دوك الدراري و كايزيد بحال ايلا مادار والو و بلاما يعتذر...
YOU ARE READING
المسلسل الرومانسي المغربي "Love Story"
Romanceالمسلسل المغربي Love Story... 13 عام دازت باش كتبت هاد المسلسل... و كنت كتبتو مباشرة من بعد ماكملت "الغوتة"... و حيت كانت غير الكليكة اللي كاتقرا... الشخصيات كانوا تقريبا عندهم نفس الأسماء... و كان أول مسلسل رومانسي كتبت... و هو اللي كان كبر الصفحة...