الكاتبه" ملكوت 🎀
البارت"السابع عشر
غير كون اليركض مكضي نهاره
ينام ليله
غير كون اليتعب من الدنيا والناس الغريبة
تصحله ناس تردله حيله
غير كون ابنادم من ايطيح حمله
يكابله ابنادم يشيله
""""""""""""""""""""""""""""""""""""
ابتسم سيف وراح ركض للغرفه لحضات من صوت الباب انفتح وصلو للمطبخ شاكيب كعد بالكاع وياه صرخت سيف
سيف_ مصطفىىىىىىىىىىىىى...
شاهينه_ صوت البيبان واصوات زلم تصيح وشاكيب كاعد كدامي يعني خوفي خايف كدامي صوت سيف الي سلب روحي
عفت كلشي وركضت للغرفه اتوقفت عند الباب لان هاي اول مره ادخلها صار سنه هنا سيف مانعني منها شكد ما الح واشكد ما ابجي وازعل ما يقبل ادخللها والحمدلله من خلاني بعيده عنها
دخلت الغرفه مصبغوه بخطوط أحمر و اسود السقف مابيه مروحه بس جناكيل معلكه بيها حبال
هاي الجربايه كدامي بس همه ماكو وصوت سيف انكطع افتر داير مدايرها
لكيتهم بالجها الي بخصرة الكنتور مصطفي مدد و سيف مخلي بحضنه يحاول يكعد بيها
حركة حاول ماكو احس صارن الدموع مثل النزيف بعيوني اريد اركز منهن ماكو سيف صافن كل شويه يخلي راسه على صدى مصطفى ويرفعه يهز راسه بنفي. ويرجع
ساعه يلزم ركبته باصابيعه ساعه نبض ايده على خشمه ابد ما عاف هاي الحركات
اني واكفه كدامهم جامده ابوع المصطفى وجها صار ازرك كلشي
تجمد كلشي ببلعومي اكو غصه بصدري اريد اشهك واطلعها ماكو حالي من حال سيف الي عنده أمل عايش يحاول يكعده ابد ما انطه لنفسه تفكير انو صوفي خلاص مات
ثواني ووكع باب المطبخ ارتعش جسمي من الخوف ما اجه بالي يمكن امان او خلاص الي جاي الموقف الي اني بيه وجسد صوفي وحيرة سيف
يخليني اتمنى ابقه سنين هنا وهمه وياي
صوت شاكيب وهو يصرخ مثل النسوان تحسه دينصلخ من جلده
انرعبت ورحت ركض حشرت نفسي بين صوفي والجربايه كعدت يم سيف
ولازمه جثت صوفي احتمي بيها
باب الغرفه جان مفتوح بس هم انركع بقوه ماعرف ليش
دخل واحد لابس ملابس بيت ونعال هم مو حذاء ومخلي قناع اسود براسه بس عيونه طالعات
اهنا گلبي وكف وتاكدت الي كدامي حراميه سحبني سيف وراه كلش
من تحركنه هو سمعنا تلفت بالغرفه من شافنه انذهل
هرول لبره الغرفه بسرعه اسمع صوتهم يحجون بس ما افهم
رجفتي وشكل صوفي الازرك و توتر سيف وهو يحاول يكعده
YOU ARE READING
بقايا الأمس تؤذيني
Romanceالسُفن الَّتي تبقى في المرسَى تظلُ آمِنة يا عزيزي لكن لَيس لهذا الغرضِ تُبنى السُفن . استوقفتني وهيه تمسح دموعها تلتفت يمناً و يساراً تكاد انفاسها ان تنقطع من شدة ارتجافها بيدن باردتان ترتعش بردا وخوفاً عصر الألم روحها فاصبحة تسير بجسداً متهالك ان...
