بقايا الأمس تؤذيني

part 11

الكاتبه _ملكوت 🎀
البارت _الاحدى عشر

نجوت من مآسي عدة من متاعب لا تنتهي
من سقوط سقف آمالي
ومن حر الخيبة والندم المستمر
نجوت من جلد الحياة اللامنتهي

وهذه المرة سأنجو أيضا .

"""""""""""""""""""""""""""""""""""

شاهينه_رحت اركض قبل لا يصير الليل دخلت البيت جدي الباب مفتوح كالعاده اخذت تكين نعال مختلفات وطلعت بسرعه ردت الروح للبيت البصفم لكيت بابهم مسدود ضليت امشي اريد باب مفتوح

ما احس غير ادين تخلت على حلكي انكسر فكي احس من كد ما ضاغط عليه انشمرت بجنطة سياره وانطبكت

شاهينه_ابوع النفسي امدده بجنطة سياره جسمي كام يرعش جذب جذب مقلب واحد ديشاقه وياي

صرت اصرخ بهستريا

طللللللللعوووووني منوووووو هناااااا
ماااااااماااااااا باااااااااااااااابه
طلعووووووووووني

صرت اضرب وارفس بالسياره بس ماكو حاولت اهدى اريد افهم شنو الي ديصير

معقوله نخطفت جذب ما اصدك سامعين بالخطف بس ولا واحد بعشيرتنه تعرض لمحاولة خطف مستحيل لا

بالي يم اهلي خايفه ما خايفه من الخطف لان اصلا ماعرف شنو وليش مانشغال بالي بمنو ووين ماعدنه مشاكل خارج اطار العائله اكيد من الاقارب

يمكن كل الي بالي بيبتي عتبه او جدي يردون يحركون گلب امي وابوي

رجفت روحي واني اتخيل حال امي و شكل خالتي من ما ارجع معقوله بعد ما اشوف لا عذبه ولا زمزم لو ابوي هسه يلكاني

افكاري صارت تضارب الطريق جان كلش محفر طسه اشيلني و طسه تركعني بعد فتره مو قليله

انفتح باب السياره الدنيا ليل انسحبت من ملابسي بقوه لدرجت حسيت ركبني من وره انذبحت
شالني على متنه رجال كلش سمين اصلع قصير يطلع عمره ب ال 50 سنه

احس الساني انبلع حتى عقلي وكف بعد ماكو افكار صرت ما اركز معقوله السيد او الجن

انفتح باب ودخلنا شلت راسي قليل اشوف بستان مسيج ودخلنا من باب كله اسيامه مشبكه بس رافعه راسي اباوع هوه يمشي واني اتفرج على كلشي نعبره اي حركه او صوت ما صدرت مني اتجمد كلشي بيه

من الخوف الي عايشته صرت ماعرف هذوله انس لو جن لدرجه وصلة ادور على الصخل بعيوني اكول هسه يطلعلي

ما احس غير انشمرت بقوه على الكاع صارت صفحتي  على التراب اقسم بالله اضلوعي تكسرن انفس صار يوجعني ماكد اسحبه

ماريد ابجي او اصيح بس دموعي صارن ينزلن وحدهن وحلكي يرجف فكي صار يوجعني من كد ما اختنكت الشهكه جلبت ببلوعمي ماكدر اطلعها