بقايا الأمس تؤذيني

part 8

الكاتبه"ملكوت🎀
البارت"الثامن

النضج الحقيقي ،هو أن تودع كل الأشياء التي تؤلمك، ولا تلتفت

"""""""""""""""""""""""""""""""""

عامر_ من ايدك اختي ما سوت شي يستاهل وعلى كلن هيه اخذت قرارها تريد تنفصل منتضريكم تجون وننطيكم خبر ...

ابوي_ اعرف بس اهلي تفكيرهم يختلف ماكدر قابل اضرب امي لو اكسر حجايت ابوي انته ما تعرف ضروفي

عامر_ يعين هسه شنو المطلوب

ابوي_ما مطلوب شي اصلا اذا ارجعها هسه يدمرون حياتها خل ترتاح هنا

عامر_اني اكول خل ترتاح كلش وطلكها و خلصها

ابوي_ عامر هاذا مو حجي مرتي اريدها واهلي ما يردوها صير مكاني يا اخي اصغيره ماكدر اخليها بيت وحدها وماكدر اخليها وايه اهلي لو اختها

عامر_ يعني انته هيج شخصيتك ضعيفه كدام اهلك

ابوي_يا رب العباد يعني الي اهله صعبين وعدهم ظلم مايكدر لا يضرب ولا يكسر واحد بيهم هاذا شخصيته ضعيفه شوف اتحاداك هسه انته امك اذا كرهت مرتك اتحداك اذا ترتاح وياها اني اكدر ارجعها وعادي ابقة بالدوام ارجع حك نومتي وياها واخليها هيه بضيم اهلي

عامر_ يعني الى متى تضل هيج اختي تستاهل رجال يخليها برمش عينها يحافظ عليها

ابوي_ واني بروحي شاريها ومشردها من اهلي ومشاكلهم فتره فتره بس يحسون اني ما رايدها همه يرجعوها بارداتهم اذا رجعتها غصبن عنهم لا اني ارتاح و لاهيه تضل المشاكل

شاهينه_ حسيت خالي اقتنع هز راسه و تنفس بقوه دار وجهه عليه

عامر_ شاهي خالي جاي لابوج بسرعه

ابوي_ هلا والله بالنسيب

طلعت ركض رحت للصاله جانو محضرين الجاي بيد مؤمل

امي_ ابقي مؤمل ياخذ الجاي

شاهينه_ بس أبوي يريدنه اني و عذبه

امي_ شيررررريد منجن

شاهينه_يشوفنه كال مشتاقلنه

امي_ تشتاقله المكابر روحي اخذيها و لا اطولين شعجب عتبه فتحت الحضر عنه وخلته يشرفنا

مزن_ لا ضلمين بختج لا حصار ولا صخام اصلا الرجال انذار بالموصل يروح مخلصها كلها يم الدواعش شهر ياله يجي ميت تعب وعتبه تستقبله من الباب بصوتها

هاي لان ست الحسن ماكو بالبيت مخلصها بره لان شوفتنا ما تعجبك كام يجي شارد يمي ياكله لگمه واغسل ملابسه يومين الثالث يلتحق

امي_شارد من اهله و شارد من مرته وجهاله اكيد عنده شي

مزن_استغفرالله اكوم ابدل ملابسي احسلي الحجي وياج ضايع